✳ الجزء 58 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاول ✏
⚡ ما بين الخفايا انجلي ⚡
🌸فاطمة الزهراء مبارك🌸
اصلان كي شوف فيها و هو مخنزر كيفاش حاطة يديها على وجها خايفة حط يديه على الباب و تكا عليه كي شوف فيها كيفاش كترعد و كتسناه يقرب ليها سارة حيدات يديها من على وجها و شافت فيه لقاتو متكي و كي لعب بلسانو داخل فمو خنزرات و وجها باقي مزنطر بالخلعة
اصلان:ساليتي
سارة؛علاش كدير هكدااااا علاااااش
اصلان؛انا مدرت والو انت لي درتي
سارة؛هذا اسمو لعب البراهش
اصلان(خلف):شنو بغيتي ندير معاك لعب الكبار
سارة رجعات حتى حطات يديها على الخوية اصلان طار عندها حيت كانت عطيح على راسها و رجليها يتهزو الفوق شدها من ركابيها و جارها بالخف حتى جات وسط النموسية طلع فوق منها و باقي عاكدهم
اصلان:مال طسيلت موك ولا فيك هذه تزنزين
سارة(كتشوف فيه)؛نوض عليا
اصلان؛رجعتي لتبرهيش ديالك
سارة:كنت مهنية انت لي هزيتيني لهنا
اصلان(كي شوف فيها باين عليها انها خايفة حط يديه على خدها و بدا كي دوزو بحنان): خايفة مني
سارة(تجمعو دموع في عينيها هزات راسها باه):خفتك تعدا عليا
اصلان:و انت عارفة انني نقدر نديرها
سارة(حركات راسها بلا):مبقتيش عارفاك كل ما كنقول راه خفظتك كنلقا راسي معارفة عليك والو علاش جيتي لهنا علاش سمحتي فينا علاش مشيتي و خليتيني من موراك خليتيني بنت 17 العام ا اصلان هازة ولد في يدي معارفة حتى كيفاش نرضعو ولا نهزو خليتي ليا مسؤولية على عاتيقي و جيتي لبلاد اخرى علاش علاش علاش عرفتش بزاف الحوايج شكون هذو لي انت كتقلب عليهم شكون هدو لي باغي تحمينا منهم
اصلان كي شوف فيها و هي ناضت جلسات و دمعة نزلات من عينيها بغا يمسحها ليها لكن بعدات عليه و خلاتو غير كي شوف
سارة:متقربش ليا دموعي باسبابك قبلت بيك و تبعتك و مخليت ما درت على قبلك انت ا اصلان عارفاك مع المافيا عارفاك قتااال عارفاك مجرم و الاجرام كي مشي ليك في الدم عرفاك عصبي و يديك صابقينك حتى وحدة متصبر عليك ولا تزعم و هكداك صبرت لكلشي باش في الاخير نتصدم بواقع اخر على لي عارفة
اصلان(ضرو خاطرو عليها):سارة
سارة(ناضت):متقربش ليا حيت ملي انت مخبي عليا شحال من حاجة فانت مكتعتابرنيش اصلا واش كاينة في حياتك من اليوم بيناتنا نصر اما انا ضرب عليا و ضرب على جهة لي جاية من جهتي حيت اصلان مبقيتش معتابراك كاين في حياتي
حلات الباب و خرجات حلاتو مصدوم داكشي لي كان خايف منو طاح فيه هز راسو كي شوف الباب تحل و هي خرجات اه خرجات واش خرجاتو حتى هو فعلا ولا غير دوات هاكداك حط يديه على صدرو لي حس بيه مزير و مقادرش ياخد نفس
اما سارة عارفة راسها قصحات معاه الهضرة عارفة راسها انها ضراتو و زادت على ما بيه ولكن باش يعرف بقيمتها و يجي يعاود ليها جميع الطرق مسدودين من جيهتو باش متعرف والو على المضي ديالو ولكن دابا صافي جاب اخرتو معاها كيف ما هو ساد الباب عليها حتى هي عتسدها عليه حتى من جيهتها باش تربيه
خدات لوطو من هدوك لي كاينين تما و ركبات عليها مكسيريا خارجة من القصر في خطرة و هذه كانت اول مرة تخرج فيها بوحدها
أنت تقرأ
🔥 قسوة الضراء 🔥 ( بالدارجة المغربية ) تيما مبارك
حركة (أكشن)قصة لي كتبتها بعشقي ليهم و حبيت ابطالها فيها بطلة قصتي متكبرة مغرورة ولكن قلب بيض قاسية ولكن حنونة مع لي كتبغي كبرها زمان ولو انها تزوجات علر عمر صغير بغات و عشقات تكملوها عشقها حولها انسانة قاسية ولات كيف ضرة الا قربتي ليها ضرك اما بطل قصتي رجولة...
