✳ الجزء 8 ✳
♥ســـــــــــــارة اصــــــــــــــلان♥
🔥 قسوة الضراء 🔥
✏ الفصل الاول ✏
⚡ ما بين الخفايا انجلي ⚡
🌸فاطمة الزهراء مبارك🌸
في جردة شاد الكورة و كي لعب بيها من جيه الجيه و سارة شادة ورقة و كترسم فيها و تهز راسها لولدها تشوفو و تولي ترجع تهبطو حتى جلس حداها توحيد و شاف فيها
توحيد:نهار الجمعة ولدك عندو حفلة و مسابقة في نفس الوقت ديال الاسئلة خاصة بالاباء
سارة:من بعد
توحيد:صوني ليه دوي معاه يجي فرحي غير ولدك
سارة(كترسم):نهار لي مشا فكر فينا
توحيد:ساااررة راك مشي صغيرة ولدك محتاج لباه
سارة جات تدوي وقفها بفمو زعمة سمعي: كاملين عارفينش اصلان علاش مشا الحاج براسو موقفووووش و موقفش معاك فكري كون كان هو في الجحيم و انت جالسة هنا مغفرة عليه فكري انه مشا يفك مشاكيل لي هو كان اصلا عايش فيها و مبغاش يتزوج على قبل هذه الشي فكري أنه مافيوزي قبل من اي حاجة و انه كان عايش وسط الخنز و القتيلة و مكيحنش في بنادم
فكري انه كون كان انسان عادي عايش بحالنا حنا لي تربينا وسط وليدينا مكانش عيخليك ولو دقيقة ا سارة
شوفي في ولدك و فكري فيه الا نهار الجمعة شاف صحابو جايبين باهم و كل واحد هاز راسو حيت سند ديالو في هذه الحياة معاه و هو لا فكري باش عيحس ولا صحابو لي عيتنمرو عليه متفكريش غير في راسك و حياتك حيت حتى هذه الحياة مبقاتش ديالك بوحدك مضطرة تنازلي على بزاف الحاجات باش ولدك يكون مرتاح تصبحي على خير
ناض و خلاها هي كتشوف في نصر و دموع في عينيها دورات وجها و مسحاتهم منين شافتو جاي عندها و هاز في يديه الكورة
نصر:ماما نوضي نلعبو
سارة(حطات من يديها القلم و الورقة و ناضت مع ولدها):شكون عيكون الحارس
نصر(كي نقز):انا انا انا انا
ضحكات و مشات وقفات كضرب الكورة بشوية و نصر قال ليك نعام ا سي كي شدها حتى دوزات تلاتة المرات و خلاتو هو لي يضرب كتعرض ليه في جيهة التانية باش يسجل منين حساتو عيا و خاصو ينعس هزات و طلعات ليه البيت ديالها حطاتو على السرير و جلسات حداه كدوز على راسو و كلام توحيد كي دور ليها في الراس
أنت تقرأ
🔥 قسوة الضراء 🔥 ( بالدارجة المغربية ) تيما مبارك
Acciónقصة لي كتبتها بعشقي ليهم و حبيت ابطالها فيها بطلة قصتي متكبرة مغرورة ولكن قلب بيض قاسية ولكن حنونة مع لي كتبغي كبرها زمان ولو انها تزوجات علر عمر صغير بغات و عشقات تكملوها عشقها حولها انسانة قاسية ولات كيف ضرة الا قربتي ليها ضرك اما بطل قصتي رجولة...
