Unicode
Chapter - 1
_ရှင်သန်ခြင်း၏ စမ်းသပ်ကစားပွဲ
____________
"ကစားသမား K27216 , Tang Cuo ၊ နေပြက္ခဒိန်၏ ၂၀၁၉ ခုနှစ် ဧပြီလ ၁ ရက် ၊ 23:05 တွင် သေဆုံးကြောင်း အတည်ပြုပြီး"
"ရှင်သန်ခြင်း၏ စမ်းသပ်ကစားပွဲကို ရှင်းလင်းရန် ကျရှုံးပါသည်။"
"ရှင်သန်မှုကြာချိန်: ၂၄ နှစ် ၄ နာရီ ၈ မိနစ်နှင့် ၆ စက္ကန့်။အဆင့်သတ်မှတ်ချက်: A, ကနဦးဇာတ်ကောင်ရမှတ်: -5"
"ဒင် — ကျေးဇူးပြု၍ သင်၏ ရှင်သန်မှု အကဲဖြတ်မှတ်တမ်းကို ယူဆောင်ပါ"
ဝေဖြာနေသော အဖြူရောင် မြူခိုးအလယ်တွင် ရပ်နေရင်း ကြေညာချက်ကို ပြောနေသည့် ဘယ်ကလာမှန်း မသိရသော အမျိုးသားတစ်ယောက်၏ အသံကို Tamg Cuo ကြားလိုက်ရသည်။ သူ၏မျက်နှာတွင် မည်သည့်အမူအရာမှ မရှိပေ။ သူသေသွားရခြင်း ဖြစ်မည်ဟု ခံစားရသည်။
လွန်ခဲ့သော ငါးမိနစ်က လမ်းဘေးတွင် သတိလက်လွတ် လှဲလျောင်းနေသော အမူးသမား၏ ဘေးရှိ လမ်းမပေါ်တွင် သူသေခဲ့သည်။ ထိုနေရာတွင် လမ်းဘေးခွေးတစ်ကောင်သာ ရှိသည်။ ခွေးသည် ထိုနေရာတွင် တိတ်တဆိတ်ရပ်ရင်း သူ ပိုမို အေးခဲလာအောင် စောင့်ဆိုင်းနေသည်။ မျက်စိတစ်မှိတ်အတွင်းမှာပဲ သူဒီကို ရောက်လာခဲ့သည် — သူ့ခန္ဓာကိုယ်ပေါ်တွင် သွေးပေနေသေးသော်လည်း ဒဏ်ရာများသည် ပျောက်ကွယ်သွားခဲ့ပြီ ဖြစ်သည်။ သူ၏ ပိုင်ဆိုင်မှုပစ္စည်းများလည်း ပျောက်ကွယ်သွားခဲ့သည်။
သူပတ်ပတ်လည်ကို ကြည့်လိုက်သည်။ ဤနေရာတွင် အဖြူရောင်မြူမှလွဲ၍ ဘာမှ မရှိပေ။ ပြီးနောက် သူ၏ သာမန်မျက်လုံးများမှာလည်း ၅ မီတာ အကွာအဝေးအထိသာ မြင်ရသည်။
"ဒင် — ကျေးဇူးပြု၍ သင်၏ရှင်သန်မှုအကဲဖြတ်မှတ်တမ်းကို ယူဆောင်ပါ"
ကြေညာချက်သည် လျှပ်စစ်စက်အသံနှင့် မတူပေ။ ရှင်းလင်းပြီး ကြည်လင်နေသည်မှာ လူငယ်တစ်ယောက်ဆီက လာသည်နှင့် ပိုတူသည်။
ပုဂ္ဂလိကစုံထောက် တစ်ယောက်အနေနှင့် *တတိယအဆင့်သာ ရှိသော်ငြား Tang Cuo ၏ အခြေအနေကို အကဲဖြတ်နိုင်စွမ်းရည်သည် ဘယ်တုန်းကမှ မချို့တဲ့ခဲ့ပေ။ အခုချိန်တွင်တော့ သူအိပ်မက် မက်နေသည်ဟုသာ ခံစားရပြီး သူ့ရှေ့က အရာအားလုံးသည် သူသေခါနီးအချိန်များ၏ စိတ်ကူးယဥ်မှုတစ်ခုသာ ဖြစ်ရမည်။
YOU ARE READING
ရှင်သန်ခြင်း၏ စမ်းသပ်ကစားပွဲ
ActionI really love this novel and characters so I decided to translate.This is just a pure fan translation and I have no intention of doing this as a business.I give full credits to original author and eng translator. I don't own the picture as well.Cred...
