جُئتكَ بعدما ألمتني الحياة

بارت1

السلامُ عليكم اسمي ريم عُمري 17 سنة انة الجبيرة لأهلي عندي 2 خوات
ريام اصغر مني بسنتين عمرها 15 طالبة رابع إعدادي
ومرام عمرها 13 سنة صف ثالث متوسط (كاسبة سنة)
بابا محمد" عمرة 49 سنة مهندس بالنفط
ماما سارة" عمرها 41 سنة دكتورة اطفال
هاي عائلتي جداً هادئة عايشين بأحترام وحب وكرامة ودلال مايوم ردنة شيء ومالكينا
في البصرة الفيحاء /بتوقيت الساعة 6:30صباحاً
سارة:لج ريم كومي ريم ساعة 8 ونص راح السايق لج ررريم
ريم: حلفي حلفي شبسرعة ولى انة مو كايلتلة ينتظرني
سارة:كومي جذب ساعة ستة ونص
ريم:سارونة ماتبطليها هاي انتِ؟
سارة:جم مرة كايتلج لاتكولين سارونة عيب ولج عيب امج انة كولي ماما كومي كعدي مرمر ريام كاعدة تدرس من ال 5 وانتن نايمات لا همجن دراسة ولا شيء
ريم:دخيل الله هاي ريام شنو منبه براسها حتى الجمعة ب 5 تكعد مانلومها سجاجة
صاحت ريام من جوة دخيلك ربي عين الحاسود بيها دود
ريم:دود بعينج
ريام:مدتلي لسانها وركضت
ريم: دخلت لمرام فتحت ثلاجتها بيها كاسات ماي فتحتلي كاسة وذبيتها بوجها وطكيتها ركضة لجوة
مرام:لج ررررريم انة اعلمج
نزلت لبابا تبجي وبابا استلمني رزالة
ريم:دادي ريلاكس شبيك حبيبي جا اانة هم بنتك ع كيفك هو كاسة ماي طاحت بالغلط ع وجها
مرام:بالغلط هاا بالغلط انة اعلمج
ريم:هههههه يلا امشوا سارونة تنتظرنة
محمد:ولج ام لسان هاي بس سارونتي
ريم:ها ابو جاسم خف علينا حبيبي
سارة:يما منج ام لسان الله يساعد الياخذج
ريم:هنيالة غير؟
سارة:اادبسزز شو صايرة كِلش
ريم:تربيتج سوسو
سارة: سوسو بعينج ولي اجة الولد عليج
ريم:يلا باي ادعولي (ال أدعولي كلها تكولها وتوصي بيها الدارس والي مادارس)
سارة:الله وياج
من صعدت سلمت وظليت اراجع وصلنا لبيت البنية الثانية كالت السايق لاتجيلي خالو ح يجيني
أخذني عقلي بسؤالة الي أذاني نوعاً ما
ليش ما عندج خوال وعمام مثلهم؟ أي صدك ليش ماعندي؟ خوالي متمثلين بالدين وهمة أسفل السافلين وأذو ماما لان حبت بابا وضربوها
وعمام ياعمام محد يسأل علينا بس بالمصلحة ووقت العزائم ولا عندي ولد عم بيهم خير إثنينهم بالسجن شو ع بالك ح يطلعون؟ الله لايكولها ومامحصلين من الأقارب بس حسد وقال وقيل
فززتني البنية من كالت وصلنا نزلت وبديت يومي المدرسي
___
وانقضى اليوم بالمدرسة واخذت ورقة الرياضيات ماخذة 89 والأحياء 99 هسه الأحياء ما بيها شيء الرياضيات خاف تطردني  سارونة من البيت؟
وصلت للبيت لكيت ماما راجعة من وقت ع حظي
سارة: ها شو اليوم ساكتة؟
ريم: ليش ساكتة مابية شيء
سارة:راسبة؟
ريم: اسم الله فال الله ولا فالج
سارة: شكد ادبسزز احجي شمسوية
ريم: شوفي عندي الج خبرين واحد حلو و واحد مو حلو بيمن ابدي؟
سارة:الحلو
ريم:اوك الحلو ماخذة بالاحياء 99
سارة:والموحلو؟؟؟؟؟
ريم: ءءشسمة هذا الرياضيات
سارة: شبي؟
ريم: هي خبيثة ونبي اسئلتها صعبة
سارة: فضيها ريم
ريم: ماخذة بي89
سارة: حلو 89؟
ريم:اي
سارة:وخري عني
ريم:ماما شبيج هي درجة
سارة: درجة؟
ريم: اي
سارة: لج انتِ وزاري ونوب تريد طب حظرتها
ريم:آخر مرة والله وكالت اذا جبتوا درجة عالية احسبها ع الشهرين
سارة:اكيد؟
ريم:اي ونبي
سارة: روحي بدلي وصلي على مايجي ابوج واختج
ريم:شنو بابا طالع من وقت ومرمر من وقت شكو؟
سارة: ابوج اتصل علية كال يريدني بموضوع يخصكم كتلة جيب  مرام وياك
ريم:يخصنة؟ زين منو يكول مدرسة مرام يخلوها تطلع؟
سارة:مادري والله بلكي يطلعوها
(مدرسة مرام عالمية يداومون من 7 للساعة 2ونص يلا تطلع من المدرسة وكُل دراستهم English /بالبصرة)
ريم:الله كريم ح اصعد ع مايجون وانزل
سارة:ونعم بالله تمام
ريم صعدت بدلت وتوضيت وصليت تمدتت ع جُربايتي
وسمعت صوت مناقشات شوي شوي تتعالى الأصوات
خير شكو؟ نزلت ركض
ريم: هاي شبيكم؟
سارة:تعاي شوفي ريم تعااي
ريم:هلو باباتي شصاير؟
محمد:ولد عمج طالعين من السجن
ريم:!!!!!!!! وعيت من صدمتي شعلينا بيهم؟
سارة: لج يا شعلينة يردون يرجعون علاقتنا والعصر يردون يجون محمد ماادخل قاتلين لبيتي بيتي نظيف ماانك.. ة بيهم
محمد:اطردهم؟
سارة:خلي يجون بس مايوصلون لبناتي بناتي خط احمر
محمد:بس يسلمن على عمهن ويرحن
ريم: صعدن البنات يبدلن وانة صفنتي ماخذتني مدري ليش خايفة واحس ح يصير شيء وخوف ماما مو طبيعي هالكد خطريين علينا؟ وتغدينة وماما مو عاجبها الوضع
كمنا غسلنا المواعين انة والبنات وبخرنا البيت وصعدت انام
جنت هلكانة من التعب
اجتلي ريام تركض
ريم: وجع شبيج
ريام: لج ريم ذهولي ايعع
ريم: منو؟
ريام:ولد عمنة مو حلوين مثل ولد عم البنات
ريم:وين شفتيهم؟
ريام:لج من مساع هنا وهذا واحد سأل عليج كال وين ريومة وبابا خزرة كلة نايمة
ريم:منو منهم
ريام:ولج شطولهم وشضعفهممم
ريم:ريام غير جانوا بالسجن شترديهم معضلين؟
ريام:كومي سلمي؟
ريم:مابية حيل
ريام:مو عمج وياهم
ريم:اوي فدوة لعمي الكفو دطيري طيري انتِ وعمج
ريام:سكتي لاتجيج ماما
ريم:وخري عني ريام وخري عندي امتحان
ريام:وديت مرمر تجيبلنا نمنميات يكلي عيب البنية تطلع
ريم:  شكد فاشل
ريام:اجيت ارد علية بس استحيت
ريم:تستحي هي
ضلينة نسولف شوي وسمعنا صياح جوا
ريم:هاي شكو؟
ريام: شمدريني ترا كاعدة يمج
ريم:خلي ننزل
ريام:ماما ماتقبل نتسنط عليهم
ريم:هسه منو كال نتسنط نسأل مرام تعرف كُلشي
ريام:اوك
نزلنة كعدنة على ميز الطعام نسولف شوي وطلعت ماما مدخنة من العصبية ووجها احمر حتى خفنا نسألها شبيها
طلعوا وطلع وراهم بابا شوي ودخل
سارة: كول الها كول شكو جاي ابن عمها المصون
محمد:سارة اهدئي لاتخوفين البنية
سارة: ع شنو اهدأ ماتكلي ع شنو جاي يريد يخطبها وبكل سهولة لا شهادة ولا شرف ولااخلاق
ريم:يخطب منووو
سارة:يخطبج
ريام:ماما هسه انتِ كالبة الدنيا ع هاي الها حق بكُل بساطة ترفض
سارة:يططكول اخطبنا واذا مارضيتوا انهي عليها المتخلف
ريم: سمعت بس هاي الجملة ماسمعت غيرها وصحيت
وانة بحضن ماما وهي تبجي وبابا يسكتها
ريم:بابا مُستقلبي مااعوفة
محمد:روح ابوج ماتعوفي
ريم:بابا اكمل دراستي ااصير دكتورة
محمد:يجرالج بعد ابوج يجرالج
سارة:محمد لاتأملها لاتجذب عليها
محمد:معليج انتِ
سارة:شلون معلي محمد شلون معلي هاي بنتي؟