التوتر يملأ الأجواء بسبب البعد عن الأهل و هذه أول مرة يبعدون عن أهلهم أول يوم فى الجامعه مع الخمس فتيات و نتعرف على يومهم و نتعرف عليهم و على شخصياتهم
رحمه :أصحوا يا شويه بهايم ورانا جامعه هنتأخر و لسه معملناش حاجه
نوران :أهدى يا رحمه لسه بدرى لسه فاضل ساعه ونص على الجامعه
روجان :مهو عبال منلبس و ناكل هيكون عدى نص الوقت
تسنيم :يا جماعه الجامعه بعيده أحنا محتاجين نص ساعه على الأقل علشان نوصل
رحمه :جنى الكلب فين
نوران بضحك :أهدى يا عبد العال
تسنيم بضحك:نايمه
روجان بضحك :هروح أصحيها
رحمه بغضب: وربى محد مصحيها غيرى أنا هوريها
نوران بغمزه :أستهدى بالله هدى نفسك سيبى البت نايمه براحتها أنا هصحيها أنا أولى بيها
رحمه :يا فيئه
روجان :هروح أحضر الفطار أنا تعالى يا تسنيم سعدينى
تسنيم :حاضر يا زميل جايه أهوه
دلفت كل من روچان و تسنيم إلى المطبخ ليحضروا الفطور بينما نوران و رحمه يذهبان إلى الغرفه
رحمه :هصحيها أنا
نوران :لا أنا اللى هصحيها
رحمه :لا أنا
جنى :الصوت يا شويه غجر مش عارفه أنام جاتكم نيله
رحمه :أحنا اللى جتنا نيله أصحى يا أخره صبرى عندك جامعه
نوران :صباح الفل يا زمكس
جنى :يسعد صباحك يا برو
رحمه:لسه هتصبحوا روحوا جهزوا حجتكم ورانا جامعه
نوران لجنى:مالها ديه
جنى لرحمه :على الهادى يا زبادى مالك يا ماما متهدى شويه
رحمه :مأنتِ معندكيش دم يخربيت برودك يا شيخه
جنى لنوران :الكلام ليه !
نوران :فكرك لمين ؟!
رحمه :لأمى يختى لأمى روحوا أجهزوا يلا خلصونى
نوران :حاضر
ذهبت نوران وجنى بعيداً عن رحمه
جنى لنوران :هى البت أتجنت ولا أيه ملها بتزعق ليه
نوران :و الله وشكلها هتهب و تاكل لب
جنى :متيجى نسموها رحمه توتر هيليق عليها أسمعى منى
نوران :يا ستى مين يلاقى الدلع و ميدلعش حقها
رحمه :سمعاكم على فكره
أخذت نوران و جنى يضحكون ثم فروا هاربين من رحمه التى ركضت ورائهم
نوران وهى تركض:كنت بشكر فيك يا عبد العال عيب كدا متجرنيش بريستيچى يا راجل
جنى وهى الأخرى تركض :هيا بقى فيها برستيچ ده أنا بجرى من عبد العال
رحمه وهى تجرى و رائهم:و الله مش معديهلكم يا كلاب
جنى وهى تنهج :كفايه جرتينا الشقه كلها ألاهى أقع كنت بشكر فيكى
و لسه هتكمل و إذا بها تسقط أرضاً
رحمه وهى تقف و تلتقط أنفاسها :مهو واضح الشكر واضح
نوران بضحك :معلش يا برو ديه أخره الكدب
جنى :على فكره بتوجع
رحمه بضحك :خلاص ربنا أخدلى حقى مش هاجى يمكم
نوران :لا يا بت متسامحه
جنى :مهو لازم تسامح علشان الناس لبعضيها يا برو ده حسب القانون طبعاً
رحمه :ده قانون عم جلاشه اللى على أول الشارع لمى أخلاقك يا جنى
جنى :حاضر
نوران:أحبك و أنت مطيع
جنى :تسلم يا غالى
روجان :أيه اللى بيحصل بره
نوران :لا ولا حاجه فاتك نص عمرك بس
جنى :لا و الله لسه فاكره
رحمه :خلصتى الأكل
روجان :يلا أهوه بحضر السفره بس يلا نادوا تسنيم
رحمه:هى مش عندك
نوران :هناديها أنا
قامت جنى من على الأرض ثم دخلت المطبخ هى و رحمه و أخذوا يساعدون روجان بينما نوران تستدعى تسنيم
دخلت نوران غرفه تسنيم دون أن تطرق الباب فوجدتها تتحدث فى الهاتف و تقول أنا مش بحبك أفهم بقا
انا مش عيزاك فى حياتى أفهمك أزاى أقولهالك بالأنجليزى علشان تفهم أنا مش بحبك
ثم أغلقت الهاتف على الفور
نوران :هو لسه المجنون ده بيكلمك
تسنيم :ده أهبل بيستعبط و بيقول بحبك ده ميعرفنيش إلا من يومين بس بيحبنى أزاى ده و بعدين أنا مش فهماه أصلاً
نوران :بس ده شكله متمسك بيكى
بس شكله مش هيجبها البر
تسنيم :حساه كداب مفيش حد بيحب بالسرعه ديه و بعدين كان شفنى فين علشان يتكلم ده كله من على الفيس يعنى مشفنيش شاف صوره هموت و أعرف جاب رقمى منين
نوران:ولا يهمك لما نرجع نشوفلها حل و بعدين مترديش عليه خالص و أعمليله بلوكات بدل مهو أهبل كدا
تسنيم :مهو هو ده اللى هيحصل بس فور دمى
نوران بضحك:معلش يا قلبى معجبينك كتير بقا
تسنيم بغرور:يا دنيا أتهدى معليكى قدى
نوران :يلا بقا الأكل زمانه أتحط
فى المطبخ "
رحمه:بطلى حش و قطعى الخيار بطلى طفح يا بت
جنى :على وضعك أيوه يا معلم على وضعك بقولك أيه رحومتى هاتى اللى فى أيديك ديه تخصنى
ثم أخذت الجزره و ركضت بها خلف روجان
روجان :هتوقعينى
رحمه:وسعيلى كدا البت ديه عايزه تتربى و الله ده أول أسبوع نبقا فى شقه واحده بس أنا مش طيقاكى ربنا يكون فى عون أمك
جنى وهى تأكل الجزره:جرا أيه يا رورى مالى مأنا مبعملش حاجه و كيوت أهوه
روجان:أيوه صح جنى ملاك و مبتعملش حاجه سامحنى يا رب على الكدب ده
رحمه :و الله يا جنى أنتِ إبتلاء ربنا يكون فى عونه اللى أمه داعيه عليه
روجان:فضحتونا فى العماره حرام عليكم أحنا أول أسبوع و صوتنا طالع هيقولوا عننا أيه دول
لموا نفسكم
جنى :حاضر يا تيته روجان
رحمه :شوفتى عايزه تتربى
روجان :عندك حق و سعيلى أنا هربيها
جنى :لا أتنين على واحد مش عدل
ثم خرجت من المطبخ و هى تركض ثم أتصدمت فى نوران
نوران : يا بت مالك فى إيه
جنى وهى تضع يديها فى خصرها و تتحدث بعصبيه مصتنعه :الأوباش دول بيتفقوا عليا
هاتيلى حقى يلا
نوران : حان وقت الأنتقام
تسنيم :السهم المنطلق تحمير
جنى بضحك :يا هبله تحمير أيه أسمها تحميل
روجان :يا لهوى البطاطس على النار
ذهبت لترى البطاطس فوجدتها تتفحم
جنى : الله و أكبر علينا كل ده و مش واخدين بالنا
رحمه :هو يوم من أولوا
نوران :حصل خير يلا نفطر و مش مهم بطاطس يلا بينا يا جماعه
تسنيم:يلا
ثم جلسوا و تناولوا طعامهم و رتبوا السفره ثم ذهبت كل منهم و أرتدت ثيابها و ذهبوا إلى الجامعه
فى الجامعه "
جنى :جماعه هو أنا هندسه بس معلش كدا فين المبنى بتاع الهندسه ده مش شيفاه
تسنيم :هى ديه الجامعه ولا أحنا جينا غلط
روجان :هما الدكاتره جايبين عيالهم الجامعه
رحمه :أيه ده أحنا فين ؟
نوران :أستنوا كدا هسأل حد
نوران أوقفت أحد الفتيات ثم سألتها هى الجامعه فين و أيه المكان ده
الفتاه:ده النادى الجامعه فى الجهه التانيه عدى الشارع هتلقيها فى وشك
نوران : شكراً
الفتاه: الفو
جنى بضحك :و الله كنت مفكراها
الجامعه طب متخلينا أنا هروح قسم ملاهى بقا و مش مهم هندسه المره ديه
روجان بضحك:و الله و أنا كمان
رحمه :يلا يا هبل على الجامعه هنتاخر
تسنيم بقهقهه:جايه أهوه
ذهبوا إلى الجامعه و هناك تفرق كل منهم و ذهب إلى كليته
جنى ذهبت إلى كليه الهندسه
رحمه ذهبت لكليه طب
تسنيم ذهبت لكليه تربيه موسيقيه
روجان ذهبت كليه الألسن
نوران ذهبت لكليه طب مع رحمه لكنها قسم أسنان بينما رحمه أطفال
و أتفقوا على أن يتقابلوا بعد الجامعه
*****************
وهنا أنتهى البارت و البارت الجاى هنتكلم عن اللى حصل فى الجامعه و فيه مفجأت هتتكشف أكتر أتمنى يكون البارت عجبكم و تكونوا حبيتم الشخصيات و هستنى تعليقتكم عن أكتر بنت حبتوها و ليه حبتوها و أسفه على قصر البارت بس تتعوض فى البارت الجاى و سلام يا حلوين أقابلكم فى البارت الجاى مستنيه تعليقتكم الحلوه
أنت تقرأ
The Candy shop
Humorما أجمل الغرام فإذا طال البعد بيننا و الفرق صار قارات أنت الذى يملك القلب و الروح بأمرك تهدأ لقربك أيها الغالى وزنك ذهب فى معادن القلوب و إذا قلنا عنك جوهره فأنت تكون الجوهره التى تسرق القلوب فإليك بقلبى فصنه و إليك بروحى فأحميها فأنت حامى الق...
