(ع أعتاب الرجال )اصبحت عاهرة بقلميaya Elkhwaga

البارت التالت من (علي اعتاب الرجال) اصبحت عاهرة بقلميaya Elkhwaga

بعد ماالبنت المسكينه ياست واستسلمت للأمر الواقع اللي ماكانش قدامها غيره يااما هتموت من البرد والجوع والضرب مدت ايدها لباباها عشان يقطعها وبدأ الاب فعلا يرفع السكينه عشان يقطعها وساعتها غمضت البنت من خوفها وانا كمان غمضت عيني من الرعب وبعدها سمعت صرخه عاليه وبعدها بدا الصمت يعم المكان وكنت خايفه افتح عيني من الرعب فبدات افتح عيني ببطئ عشان اعرف اللي حصل
لكن بمجرد مافتحت عيني مالقتش حد في المكان ولا البنت ولا بباها وقومت من مكاني بسرعه عشان اشوف راحوا فين !!!!!!
بس قبل ماتحرك خطوة واحدة من مكاني
لقيت بنت عمرها تقريبا ١٦ سنه بتجري عليا وهي خايف ومرعوبه واستخبت ورا ضهري وهي بتتوسلي اني احميها منه
حاولت أهديها عشان افهم منهااحميها من مين ؟؟؟؟
وايه اللي عمل فيها كدة !!!!
البنت مضروبه ضرب عنيف جدا لدرجه ان ملامح وشها ماكانتش ظاهرة وكمان رعبها وجسمها اللي كان بينتفض خلاني اتخيل هي مرت بألم شكله ايه
فضلت اقولها اهدي ماتخافيش انا معاكي ماتخافيش ماحدش هيقدر يأذيكي
بس قوليلي احميكي من مين؟؟؟
وقبل البنت ماتنطق بكلمه بصت قدامها برعب وجسمها رجع يترعش بشكل فظيع وفضلت تقوله
ارجوك ماتعملش فيا كدا
والله مظلومه ٠٠٠٠٠٠٠
انا معاملتش كدا انا مظلومه
والله مظلومه ونزلت البنت علي ركبها وهي بتترعش وبتعيط
وهي بتتوسل للراجل انه يرحمها
ويصدق انها ماعملتش اي حاجه
لكن الراجل مااهتمش لتوسلاتها
وبدأ يقرب منها والشر بيلمع في عنيه حاولت أوقفه
لكن اللي حصل انه ولا كان سامعني ولا كان شايفني
مش بس كدا
ده المصيبه الأكبر انه عدي من خلالي عشان يوصل للبنت وكأني هوا او بقعه فراغ مش اكتر
فضلت واقفه مصدومه ومش مصدقه اللي بيحصل وكمان حسيت بعجز فظيع
حسيت اني مربوطه في الأرض باغلال حديد تقيله مش عارفه اساعد البنت ولا احميها زي ماوعدتها وفضلت البنت تصرخ من الألم وهو بيضرب فيها وكانت كل ماتضرب تبصلي وتبكي وكأنها
بتوجهلي اتهام اني اتخليت عنها وماوفتش بوعدي ليها وبعدها وطت علي رجل الراجل المتوحش وفضلت تبوسها بانهيار وهي بتقوله والله مانا
والله العظيم ماانا
ده عمو هشام هو
هو اللي عمل
والله بريئه
والله ماعملت اللي عمو هشام قاله ولا رحت في حته اصلا
طيب روح المدرسه واسأل
والله ماركبت عربيه مع حد
انا مظلومه
عمو هشام هو اللي كان
وبعدها فضلت تترعش وسكتت
وكأنها خافت تنطق ليحصلها حاجه اكبر واستسلمت للضرب وفضلت بنفس وضعيه السجود وهي بتبوس رجله وسابته يقطع في جسمها بالحزام اللي كان في ايده
وسكتت خالص وبطلت تصرخ
لحد مابدات اتخيل انها ماتت
لان الضرب كان عنيف جدا قربت منها ببطئ وانا خايفه الاقيها ماتت
وعدلتها رفعت راسها ليا وبصتلي
والدم نازل ع وشها باتهام
وبعدها زقتني ورجعت وطت تاني
واستغربت انها شايفاني وبتلمسني
طيب ليه الراجل ماشافنيش وازاي عدي من خلالي
وساعتها ماكانش قدامي غير حل واحد اني أقرب منها واحضنها واخد انا الضرب مكانها
يمكن اقدر ارحمها ولو وقت بسيط من الألم وبالفعل قربت منها وحضنتها وكل ماكان يضرب كنت بحس بألم الضرب في الأول كنت متماسكه بس بعد دقايق انهارت
ودموعي فضلت تنزل لوحدها من كتر الألم
ساعتها البنت رفعت راسها وقالتلي انتي السبب
انتي السبب
انا عمري ماهسامحك عاجبك الألم اللي عايشينه ده
وبعدها فضلت تبكي بانهيار
وانا كمان فضلت دموعي تنزل وبدأت انهار من اتهامها ومن الألم
حطيت ايدي علي وشي
وفضلت اصرخ كتير اوي
لحد مالقيت فجأة الضرب
وقف
لو عاوزين تعرفوا ايه اللي
حصل !!!!!!!!!
استنوا البارت الرابع من
(علي أعتاب الرجال)
أصبحت عاهرة
بقلمي
Aya Elkhwaga
ولو البارت نال استحسان حضراتكم رجاء ادعموني عشان
اقدر استمرفي الكتابه🙏