(ع أعتاب الرجال )اصبحت عاهرة بقلميaya Elkhwaga

البارت الاول من(علي اعتاب الرجال)اصبحت عاهرة بقلمي aya Elkhwaga

صحيت من نومي مصدعه كالعادة بسبب الشرب طول الليل قومت من اوضتي الضلمه اللي من يوم اللي حصلي وهي دايما ضلمه ومش هي بس دي الشقه وحياتي كلها فضلت ماشيه وانا مش شايفه قدامي من الصداع كالعادةورحت اعمل قهوة عشان افوق وشغلت الراديو عشان غالبا الراديو بقي الحاجه الوحيدة اللي بقت قادرة تحسن مزاجي وبتفكرني بأيام كنت فيها انا ٠٠٠٠٠٠٠٠٠٠٠
قبل ماابقي مسخ،، ايوا بقيت مسخ مشوه بكل ماتحمله الكلمه من معني٠٠٠٠٠٠٠٠٠٠٠٠٠٠٠٠٠
ماتستغربوش هتفهموا معني كلامي قدام شويه بس لسوء حظي ان الاغنيه اللي اشتغلت ماغيرتليش مودي للأحسن وماعدلتش مزاجي بالعكس دي رجعتلي الاحساس اياه اللي بفضل اشرب طول الليل عشان انساه
بانوا بانوا بانوا علي اصلكوا بانوا
بانوا بانوا بانوا اهو كدة بانوا
جربنا الحلو المتعايق ابو دم خفيف
وبقينا معاه أخوة شقايق فاكرينه شريف اتاريه مش كدة علي طول الخط الطبع الردى من جواه نط وخلاص بقي مهما انشال واتحط مافيش دمعه حزن عشانه بانوا ايوا بانوا
وعرفنا سيد الرجاله عرفنا عين الاعيان من برا شهامه واصاله تشوفه تقول اعظم انسان إنما من جوا ياعيني عليه بياع ويبيع حتي والديه ٠٠٠٠٠٠٠٠٠٠٠٠٠٠٠٠٠٠
فضلت سرحانه مع الاغنيه وانا قاعدة ع ترابيزة المطبخ وانا منهاره وانا بفتكر كل اللي حصلي وكل مأساه في حياتي كان سببها راجل حتي اللي انا فيه دلوقت الرجاله دول كلاب ولازم يموتوا او يختفوا من الوجود بس كلاب ايه مجرد التشبيه وصمه عار في جبين الكلاب لان الكلاب أوفياء مايعرفوش الغدر والانانيه اللي عند الرجاله الرجاله فعلا لعنه وعشان نعيش في سلام لازم يختفوا من الوجود كل كلمه في الاغنيه كانت بتميز سهم في قلبي معروف صاحبه وكأنهم بيطلعولي لسانهم وبيقولولي مانسيتيش ياسارة ولا عمرك هتنسي احنا نجحنا في تدميرك زي ماكنا عاوزين ورغم اني عيطت وانا منهارة تماماالا ان قلبي كات بيغلي من نار الألم والكره وكأنه رافض ينهزم قصاد اللي شافه لحد ماينتقم وضلت سرحانه وكأني في دوامه٠٠٠٠٠٠٠
مافوقتش من سرحاني الا علي صوت موبايلي اللي ماكانش راضي يبطل رن قومت عشان اشوف مين الزنان ده علي الصبح ٠٠٠٠٠٠
اه مانا نسيت اقولكم ان خلقي بقي أضيق من ابرة التطريز ولساني بقي احد من المبرد بدبح بيه لو لزم الأمر المهم قومت من مكاني وانا مستحلفه للحمار اللي بيرن ودخلت اوضتي عشان اكتشف ان الحمار هو جلال فضلت ابص للفون بغل وانا ميته من الضحك وبدأ عقلي بتفصيل سيناريو المكالمه وبعد ماقولت اني مش هرد وهسيبه يرن نار قلبي اللي لسه مانطفتش خليتني مش قادرة استني عاوزة اتشفي في ذله ليا وتوسلاته ليا باني ارحمه وقررت ارد٠٠٠٠٠٠٠٠
وزي ماقولتلكوا كنت فاكرة انه هيعيط ويتوسلي ارحمه زي مااتوسلتله زمان وساعتها حسيت بنار بتغلي في قلبي علي شويه شماته علي فرح علي شويه مشاعر متلغبطه ورديت فعلا لكن اللي حصل كان سيناريو تاني خالص غير اللي كان في دماغي لان ببساطه اللي كلمني ماكانش جلال
اللي اتكلم كان آخر شخص كنت اتخيل انه يجيلوا الجرأة اللي تخليك عنده القدرة يمسك تليفون ويكلمني اللي كلمني من تليفون جلال كان
٠٠٠٠٠٠٠٠٠٠٠٠٠٠٠٠

٠٠٠٠٠٠٠٠٠٠٠٠٠٠

٠٠٠٠٠٠٠٠٠٠٠٠٠٠٠
علا مرات المحروس

بس الغريبه انهاكانت منهارة وبتعيط
وقبل مادموعها تطفي نار غليان قلبي
بدأت كلامها وهي بتقولي ارتاحي ياسارة ارتاحي ٠٠٠٠٠٠٠٠٠٠٠
جلال سابلك الدنيا كلها ٠٠٠٠٠٠٠٠٠
وقبل ماامسح بكرامتها الأرض علي بجاحتهامعايا كانت نزلت علي دماغي المصيبه اللي كانت متصله عشانها قالتلي جلال مات ٠٠٠٠٠٠٠٠٠
جلال انتحر بسببك مااستناش المرض ياخد روحه
يارب تكوني مرتاحه دلوقت ياسارة
ارتاحي
وكفايه غل وانتقام ٠٠٠٠٠٠٠٠٠٠٠٠٠٠٠
لان ببساطه صاخب الحدوته كلها سابلك الدنيا كلها ومشي من وشك
وراح لرب كريم بيرحم ويسامح
كان مفترض طبعا اني امسح بكرامتها الأرض علي اسلوبها وبجاحتهاوقلب الحقايق
قد ايه هي وجلال شبه بعض فعلا
وشاطرين جدا في قلب الترابيزة
وكمان كان مفروض اني لما اعرف ان جلال مات٠٠٠٠٠٠٠
ارتاح وناري تبرد٠٠٠٠٠٠٠٠
لكن اللي حصل كان عكس كدة تماما اللي حصل اني انهارت وصرخت صرخه واحدة بكلمه اه بس كانت كفيله تطلع كل الألم اللي كنت حاساه من شدة الصرخه وبعدها الدنيا ضلمت ومابقتش حاسه بحاجه ٠٠٠٠٠٠٠٠٠٠٠٠٠٠٠٠٠٠٠

بعد كتير فتحت عيني لقيتني ف
لو عاوزين تعرفوا فتحت عيني ولقيت نفسي فين ومين هو جلال وايه قصتي معاه ادعموني عشان اقدر استمر في الكتابه واستنوا البارت التاني من
(علي أعتاب الرجال)
أصبحت عاهرة
بقلمي aya Elkhwaga