Unicode
" ဘာလုပ်မလို့လဲ Seok ~"
အိပ်ပျော်နေတဲ့ Tae မနိုးအောင်အသာလေး မွှေ့ယာပေါ်ကဆင်းရုံရှိသေးတယ် ဆတ်ကနဲထထိုင်ကာ
မေးလာသူကြောင့် Hoseok သက်ပြင်းတိုးတိုးချရင်းပြုံးလိုက်မိသည်။" ရှူးပေါက်ချင်လို့ ..... ဆက်အိပ် Taehyungie~ Hyung ကိုယ့်ဘာသာကိုယ်သွားလိုက်မယ် "
အိပ်ခန်းကိုအောက်ထပ်ပြောင်းလာပြီးတဲ့အချိန်မှာရေချိုးခန်းအိမ်သာက Kitchen နောက်ဖက်ရောက်သွားတာကြောင့် အရင်အိပ်ခန်းနဲ့ယှဉ်ရင်ခြေလှမ်းအနည်းငယ်ပိုလျှောက်ရသည်။ ဒါကပဲ Tae အစိုးရိမ်ပိုရတဲ့ အချက်ကြီးအချက်ငယ်များစွာထဲကတစ်ခုဖြစ်လာတော့၏။
" မဟုတ်တာ လာ ~ ကျွန်တော့်လက်ကိုကိုင် "
မျက်စေ့ကိုလက်နဲ့တစ်ချက်ပွတ်ရင်း ကိုယ့်ဖက်ကိုလျှောက်လာပြီးလက်တစ်ဖက်ထိုးပေးလာတဲ့အခါ ကိုယ့်လက်တစ်ဆုပ်စာမကတဲ့ သူ့လက်ဖျံကြီးကိုကိုင်ရင်းထလိုက်သည်။
" ဗိုက်ဘယ်လိုနေလဲ Seok~? "
ညနေကဗိုက်မအီမသာဖြစ်ကာ ချက်ချင်းဆရာဝန်ခေါ်တဲ့အထိဖြစ်ခဲ့ရတာမို့ Taehyung ရဲ့ပူပန်မှုကအတောမသတ်။
" အဆင်ပြေတယ်။ ဒီမှာပဲနေခဲ့ Tae "
" ဖြည်းဖြည်းသွား "
ရေချိုးခန်းထဲရောက်ပြီးလို့ Toilet ဖက်ကိုသွားမယ့်အရေး စိတ်မချနိုင်စွာလှမ်းမှာနေသူဆီ မျက်စောင်းမမည်သောအကြည့်တချက်ပို့လွှတ်လိုက်တဲ့အခါသူကသဘောကျသလိုရယ်သည်။ တံခါးဖွင့်လိုက်တာနဲ့လှမ်းမြင်နေရတဲ့နေရာဆီသွားဖို့အရေးသူစိတ်ပူနေတာ.....
တံခါးကိုသေချာစေ့ပိတ်ကာလုပ်စရာရှိတာလုပ်ရင်း ဒီတံခါးပိတ်ဖို့ကိစ္စနဲ့ပတ်သတ်ပြီးဘယ်လောက်အချေအတင်ဖြစ်ခဲ့ရသလဲဆိုတာကိုပြန်သတိရလာမိသည်။
Taehyungie ကကိုယ်ရေပဲချိုးချိုး ဘာပဲလုပ်လုပ်တံခါးကိုအနည်းငယ်ဖွင့်ထားစေချင်သည်။
ကိုယ်ကတော့လက်ထပ်ထားတာမကလို့ဘာပဲဖြစ်ဖြစ် အတူနေတာဘယ်လောက်ကြာကြာ
တစ်ယောက်ကိုတစ်ယောက်ရေဆုံးမြေဆုံးပဲမြင်ဖူးမြင်ဖူး အဲ့လိုလုပ်ရဲတဲ့သတ္တိမရှိ။
မြင်သင့်တာမမြင်သင့်တာဆိုတာရှိတဲ့အတွက် နောက်ဆုံးထိအလျှော့မပေးစတမ်းငြင်းခုန်ပြီးချိန်မှာတော့ ကိုယ်ကတံခါးကိုပိတ်ရုံပိတ် သူကရှေ့ကစောင့်မယ်ဆိုတဲ့သဘောတူညီချက်ရသွားလေတော့သည်။