هدية لمجنون🔞

البارت 22

                                   
                                   

مصطفى:  بعد موتي نفسج   بوسيهة لكارتونة فد مرة  ادري مشايفة اندومي  ولج من شفتيني مسويتي هيج

فرح: هااي شبيك  اي وين شايفة صار شهور مناكلة اندومي

مصطفى:  لاوالله

فرح:  وداعتك

مصطفى: لويش  عود صار شهور مماكلتة شنو وين عايشة

فرح: غير اهلك  ... وباوعت صفح

مصطفى: اشبيهم اهلي والله لو كايلتلهم  جان جابولج

فرح:  ديلة يلة...  اباوع صفح واحجي

مصطفى: على فكرة هاي مو الج

فرح:  باوعت علية وفتحت حلكي مصدومة....  لعد المن

مصطفى: لنور ولشمس  خطية  كاللي مشتاهيات اندومي

فرح:  وسم ممشتاهيات  .....  دفعت الكارتونة  ....  ديلة اخذلهنا   خلي يشبعن بي

مصطفى: اخذي  كفايتج منا والباقي انطيهنا

فرح: والله  لووو اموت  مااخذ جيس واحد منة  خلي يشبعن بية بنات خالاتك

مصطفى: شبيج تغارين

فرح: انيي اغار  وين اكو  ابد مااغار

مصطفى: اي ابدد

فرح: ابدد.....  دطلع من المطبخ صاح علية

مصطفى: وينن

فرح:   فوك وين يعني

مصطفى:  شتسوين   فوك

فرح: تعبت اريد اصعد ارتاح

مصطفى: ظلي نصعد سوة

فرح: مو انت مطول  بيت عمك يجوز يطولون

مصطفى:  ميطولون ظلي اشوية لخاطري

فرح: ماشييي.......  رحت كعدت بالغرفة  مال الخطار هاي من يجون خطار يباتون يمنة ينامون بيهة   جانت اكو بس شمس  ظليت كاعدة يمهة اشوية نحجي وساعة صافنين  بعدين مليت صعدت فوك  لكيت مصطفى  واكف بالباب  جان شايل شي بيدة بس شافني ضمة ورة ضهرة

مصطفى: ليش قاافلة الباب

فرح:   احسن  هاي شنو ضميت

مصطفى:  شي ميخصج

فرح:  ردت اشوف مخلاني...... شنو ميخصني اريد اشوووف

مصطفى:  كتللج ميخصج فتحي الباب يلة ونزللي لظلين هنا

فرح: هاااي شبييييك مااانزل والله  .... فتحت الباب ودخلت  لغرفة كعت على جرباية ورافعة راسي عود اني الكل بالكل 

مصطفى:  كومي نزلي. اشوية وتعاي

فرح: شنو لي دتضمة علية   اذا اتكلي انزل

مصطفى:   ماااكلج اطلعييي

فرح: جرني من ايدي وطلعني برةةة.....   اني اعلمكك بسيييطة  ....  ظليت واكفة برة انتظرة اشوية  وفتح الباب مطول  هواي

مصطفى: اشبي بالغرفة يلة ادخلي

فرح: اي طبعا ادخل واشبع هم  شضميت محدكلي

مصطفى: اشكد فضولية

فرح: اييي والله  فضولية كولش

مصطفى: عود من ارجع افكر اكلج

فرح: لييش وين حتطلع

مصطفى: اروح لجماعتي صار  كووونة مشايفهم

فرح: شنوووو لجماعتك متروح   مو بكيفك

مصطفى:  والله بكيفي اروح اشوية واجي اسلم عليهم

فرح: ليش همة ميحجوك شكو دتروووح

مصطفى: اعصابج كتلج اسلم وارجع مااتاخر كافي تلحين

فرح:    اذا تروح بعد ابددد مااحجي ويااك

مصطفى: ههه مدكدرين 

فرح: طلع ملابس من الكنتور يحجي ويلبس    كشخ وتعطر.....  مصطفى

مصطفى:   مااتاخر  ....  بستهة من خدهة بوسة خفيفة وطلعت  فعلا جنت رايد اروح لجماعتي لان كوووم صار مشايفهم  ومشتاقلهم   نزلت شفت ابوية سلمت علية واستاذنت وطلعت   رحتلهم لكهوة لي جنة نلتقي بيهة  سلمو علية وطارو بية ممصدكين  وجلبو بية  عزموني على عشة وانوب ظلينة سوالف. ل12  كوة خلوني اروح    كتلهم اليوم انام برة البيت    ظلو يضحكون علية   ويكولون خطية خطية ......  عفتهم ورجعت مريت على اسواق جبت حبشكولات  لفرح  واندومي هم جبتلهة    اعرفهة زعلت حتى ارضيهة  رجعت  لبيت كلهة بغرفة بس امي وخالتة ونور شمس كاعدين ديسولفون صوتهم جان عالي اني دخلت على كيفي وسديت الباب وكبل ركض صعدت فوك  رحت لغرفتي   دفتح الباب مينفتح  مقفول لكيتة  والله صدوك حنام برة   دكيتة على كيف  ..... فرح فرح افتحي الباب  ....  مفتحتة  ظلت قافلتة  بس اسمع صوت حركة بالغرفة مو مال نايمة   رجعت ادك الباب على كيف..... فرررح  ولج فرح افتحيي

فرح:  هو طلع  واني لحكتة شفتة نزل. راح رجعت لغرفة دورت بكل غراضة كولشي ملكيت اذكرت فوك الكنتور هو يضم غراضة فوك   طلعت  برة بالسطح رحت جبت الدرج واجيت  صعدت على درج  فوك الكنتور   لكيت منشفة صغيرة ملفوفة   بعيدة عن بداية الكنتور  جريتهة ثكيلة   وخرت المنشفة دشوف شنو  لي جواهة طلع مسدس من صدمتي  وكعت..............  يتببببببع
بقلم الكاتبة:  اية عبدالرحمن 🍁
تفاااعلكم ياحلوين يلة تعليقاتكم الحلوة اريد  ترة كلهة داقراهة  🤗🕊