فرح: المهم كملت التنظيف وترتيب البيت اتلكتني خالتهم
ام شمس: صباح الخير فروح
فرح: صباح النور
ام شمس: اشلونج
فرح: الحمدلله والله وانتي
ام شمس: الحمدلله اكلج فرح شنو ماكو شي على طريق حيصيرلكم سنة متزوجين
فرح: خالة انتي تعرفين وضع مصطفى اشلون جان وبعدين احنة ممستعجيلن لامصطفى طاير ولااني طايرة
ام شمس: اي إن شاءالله بس ديربالج على رجلج ماشاء لله رجال شهم وحلو هم ديربالج يطير منج
فرح: إن شاءالله ..... عوذة تحجي وتعوج بحلكهة رجعت لمطبخ يم نور وعمتي ظليت يمهم اساعدهم بالخفايف بس من اذن. استاذنت من عمتي كتلهة اصعد اصلي وانزل واني كلت بكلبي اشوف مصطفى مشبع نوم استوني دصعد هو نزل. ويممممة ياااجمالو الخدود يجنننن والعيون متفحات .... هاا شبعت نوم
مصطفى: ليش مبقيتي يمي
فرح: اتريدني ابقى حتى امك تزفني زف المهم انت شبعت نوووم
مصطفى: اي شبعت الحمدلله ليش حتصعدين
فرح: اروح اصلي وانزل
مصطفى: جوعان
فرح: هسة اشوية ويصبون كملو لاكل صلي بين ميصبون
مصطفى: ماشي.......
فرح: اني صعدت فوك رحت بدلت الدشداشة لان ادمرت من الشغل بدلت واتوضيت وصليت كملت صلاة رحت طلعت التليفون لي جابليا مصطفى وظليت اكلب بي واخذ صور بالسناب اجرب فلاتر السناب عود بعدين حطيتة على شحن وقفلت الغرفة ونزلت اتلكاني مصطفى ......
مصطفى: فرح صعدت واني رحت لمطبخ شفت نور وامي
ام مصطفى: نور بنيتي روحي ارتاحي. انتي اني اكمل
نور: لاخالة صدوك جذب اني اكمل هو شبقة
ام مصطفى: حتى لو يمة. روحي شوفي امج شمحتاجة مامحتاجة
نور: حاضر
ام مصطفى: هلا بيك يمة
مصطفى: مساء النور وبيج اكثر بعد كلبي
ام مصطفى: اي يمة مصطفى شكو ماكو اشلونك وياة مرتك
مصطفى: الحمدلله
ام مصطفى: اخذتهة لو بعدك
مصطفى: والله خجلت شحجي
ام مصطفى: اليوم يوم مناسب ترة تعبت والله اريدكم تفرحوني بفيد
مصطفى: الله كريم إن شاءلله يلة استاذن منج...... شهل احرجات هاي... رحت يم ابوية كعدت يمة اشوية وصلينة سوة اني وياة ابوية كال خلي يجبون الغدة رحت كتلهم يحضرون السفرة مريت من يم الدرج شفت فرح دتنزل ...... هلا الله جابج تعاي دحجي وياج
فرح: خير شكو
مصطفى: اليوم جهزيلي نفسج مو مثل البارحة كولشي مشفت ولاتهنيت خربت الليلة علية
فرح: يحجي ويغمز ..... صدوك متستحي متخاف احد يسمعنة
مصطفى: ليش شكو يمة دبوك غير مرتي
فرح: ديلة الله كريم.... دنحجي اجة احمد
احمد: احم احم
مصطفى: ها احمد
احمد: فرح ابن عمج هيثم برة اجة جابلج غراض اهلج دازيهن الج
فرح: من سمعت اهلي طرت من الفرح
مصطفى: تمام هسة نشوفهم مشكور
فرح: دروح مصطفى لزمني من ايدي
مصطفى: وين وينن انتي وهاذا لبسج امشي اني اجيبهن
فرح: لاااا اني اهلي دازيهن الية وشبي لبسي مو مستور
مصطفى: لا مو مستور روحي جيبي عباية حطيهة على راسي يلةةة اطلعين
فرح: مصطفى
مصطفى: ترة والله احرمج من الطلع
فرح: اي اي..... رحت اخذت عباية عمتي لبستهة وطلعت خطية هيثم جابلياهن لان حسين بالدوام وامي دازة هيثم..... اتشكرتة واخذت الغراض ودخلت اتلكاني مصطفى
مصطفى: شنو لي دازيهن اهلج بيدة وليش اخوج مجابهن
فرح: غراض فوك اشوفلك ياهن وخطية حسين مشغول عندة دوام لذالك امي دزتهن بيدة
مصطفى: عندة شغل مو
فرح: اي ديلة ادخل لظل برة صبو ترة روح اتغدة انت
مصطفى: وانتي
فرح: اني بعدين اكل حصعد اشوف الغراض
مصطفى: تمام
فرح: يتتتتتتتتتبع
بقلم الكاتبة: اية عبد الرحمن 🍁
🤗🤗....
أنت تقرأ
هدية لمجنون🔞
ChickLitادخلوا وشوفوها بنفسكم قصة تختلف عن القصص والقصة بين (مصطفى وفرح)...... قصة حقيقية واقعية ٪٪ بقلم الكاتبة اية عبدالرحمن 🌹 AiaaSpeed
