كان محمود وشروق يجلسان بالصاله يشاهدان التلفاز ثم وجدا تواب يقف امامهم بتحفز
فقال محمود:خير يا تواب واقف كده ليه ومتشيك كده رايح فين
تواب بأصرار:بابا انا عايز اتقدم لعهد ودلوقتي
شروق بفرحه:بجد يا تواب الف مبروك يا حبيبي
محمود:استني يا شروق بس الف مبروك ايه الله يهديكي انتي وابنك
شروق:ايه يا محمود الواد عايز يتقدم فيها ايه بفرحله
تواب:طب بس اتناقشوا بعدين يلا قوموا البسوا علي ما اقول لعمتي وعبد الله وشاهندا يجوا
محمود:اهمد يا ابني بقي نلبس ايه هو بمزاجك متبقاش رهيف زي امك كدا
شروق:حبيبي يا محمود يا محترمني
ضحك محمود قليلا ثم قال:مهو اللي هيشلني فعلا
تواب:بابا انا هتقدم لعهد ودلوقتي ومتحاولش لاني والله مهغير رأيي
محمود:انت بتحلف عليا يا زفت
جلس تواب بجواره ثم امسك يده قائلا:يا بابا عشان خاطري افهمني انا مستني اليوم ده من زمان فقدر حالتي انا ببقي هتجنن يا بابا لما الاقي واحد متقدملها وخايف توافق فعشان خاطري انزل معايا دلوقتي لو استنيت اكتر من كده انا هموت
شروق بسرعه:بعد الشر عنك يا حبيبي
محمود:والله يا ابني انا حاسس بيك بس خليني افاتح عمك علي الاقل لوحدنا مش خبط لزق كده
تواب:لا يا بابا دلوقتي اضرب علي الحديد وهو سخن عشان خاطري بقي يلا يا ماما اقنعيه مش عايزه تشوفي ابنك فرحان مع اللي بيحبها
نظرت له شروق بفرحه ثم قالت بلهفه لمحمود:وافق يا محمود سليمان مش غريب مش شايف ابنك عامل ازاي يلا قوووم
نظر لهم محمود قليلا ثم قال:تمام يا تواب انا هدخل البس انا وامك لحد ما تنادي علي عمتك
قام تواب بتقبيله بقوه ثم قال:حبيبي يا محمود هوا ونازل ثم خرج سريعا متوجه الي شقه سميحه بينما عند محمود قال بغيظ:شوفي ابنك بيقولي يا محمود ولا كأني بلعب معاه
ضحكت شروق عليه ثم قالت:ابنك اتهبل خالص شايف فرحته
محمود بسعاده لابنه:ربنا يهنيه يارب.....
بينما عند تواب صعد سريعا الي شقه سميحه ثم قام بالدق علي الباب بقوه ففتحت له سميحه بخضه قائله:ايه خير يا توااا....ثم تفاجأت بتواب يحتضنها بقوه ثم قال بسعاده بعد ان ابتعد عنها:عمتو الحقيني انا مبسوط هموت من الفرحه
سميحه:ربنا يسعدك يابني اكتر واكتر بس قولي فرحني معاك
تواب وهو يحاول تجميع الكلام:انا دلوقتي عهد عمي
هنا خرج عبد الله قائلا باستغراب:يابني براحه تعالي ادخل الاول وجمع كلامك
تواب بسرعه:لا لا البسوا بس بسرعه وانت يا عبد الله خلي شاهندا تلبس وتنزل لعهد علي طول
سميحه بقلق:ليه عهد مالها
تواب بسعاده:انا خلاص يا عمتو هتقدم لعهد ودلوقتي وطالع اخدكوا معايا تخلوا عمي يوافق كتب الكتاب يكون الخميس
قامت سميحه باحتضانه بفرحه شديده ثم قالت:يا حبيبي الف مبروك هيوافقوا غصب عنهم وانا اللي بقولك
قام عبد الله باحتضانه بحب اخوي ثم قال:ربنا يهنيك يا تواب ويجعلها من نصيبك
تواب:حبيبي يا عبده واياك بالمثل يارب
سميحه:طب تعالي لحد ما نلبس وننزل مع بعض
تواب باستعجال:لا لا هنزل اشوف بابا وماما علي ما تخلصوا بس بالله عليكم بسرعه انتوا كمان وخلي شاهندا تنزل لعهد يا عبد الله ثم نزل قبل ان يسمع ردهم وعندما هم عبد الله بالحديث مع سميحه وجدها تدلف سريعا للداخل بفرحه فضحك عليهم ثم قال:ده كان كله مستني بقي
ثم دلف لاخبار شاهندا لكنه وجد ان والدته قد سبقته بل تفاجأ ايضا من منظر شاهندا وسميحه الذان يتعانقان بقوه وفرحه فتوجه لابنائه قائلا:هي تيته وماما مالهم
ترتيل:مث عارفه يا بابا تيته قالت حاجه لماما وبعدين بقوا كده
تيام:هما مالهم يا بابا
عبد الله بمزاح:لا يا حبيب بابا دول بس فرحانين
تيام:ليه
عبد الله:ادخلوا بس الاوضه وماما جايالكم اهي وهتعرفوا بعدين
ثم قال لسميحه وشاهندا:طب انا اسف علي المقطاعه بس هنتأخر كده
توجهت كل من سميحه وشاهندا سريعا الي غرفهم حتي يرتدوا افضل ما عندهم بينما توجه عبد الله لغرفته ايضا وهو يضحك عليهم بشده......
....................................
بعد ان نزل تواب الي شقته توجه لغرفه والديه ثم دق قائلا بسرعه:يلا يا بابا بسرعه خلص يلا يا ماما
لكنه وجد والدته تخرج من المطبخ قائله:انا جاهزه اهو يا حبيبي لسه ابوك بس
قام تواب باحتضانها ثم قال بسعاده:حبيبتي يا شروق انتي استعجلي بقي جوزك علي ما انزل اشتري حاجه كده سريعه
شروق:اشتري حاجه حلوه ننزل بيها يا تواب وانت جاي
تواب وهو يقفل الباب:انا نازل عشان كده اصلا يا امي....وبالفعل بعد ان عاد وجد والده والدته سميحه وعبد الله يجلسون
فقال بسرعه:شاهندا نزلت يا عبده
عبد الله قبل ان يكمل كلامه:اه هي خلا..
تواب:طب يلا ننزل يلا يا بابا قاعد ليه يلا عمتو
توجهت عمته اليه لتمسكه من يده بينما شروق من اليد الاخري وهما ينزلان بينما خلفهما محمود وعبد الله الذان يضحكان عليهما بخفه....
دق تواب الباب بلهفه ففتحت غفران ثم قالت بمزاح:بسم الله ما شاء الله هي الحرب هتقوم ولا ايه
سميحه:اوعي يابت دخلينا الاول
ابتعدت غفران فدلف الجميع وهي خلفهم بعد ان اغلقت الباب
وليد:اهلا اهلا ازيك يا عمتو ازيك يا عمي ازيك يا طنط عامل ايه يا عبده تواب حبيبي اخبارك يا راجل
سليمان:اتفضلوا اقعدوا واقفين ليه..جلس تواب بلهفه بينما سألت سميحه ورده قائله:فين عهد
ورده:جوا هي وشاهندا وترتيل وتيام
سميحه:طب عن اذنك ادخلهم
ورده:اتفضلي طبعا من غير ما تستأذني
توجهت سميحه الي غرفه عهد ثم دلفت بعد ان اذنوا لها ثم وجدت عهد تقف امام المرآه تعدل خمارها فقالت بترحيب:عمتو تعالي اقعدي
سميحه:خلصي بس لبس يلا بسرعه
عهد:يا جماعه فهموني بس في ايه مخليني البس كده ليه لا وشاهندا تقولي اشيك حاجه عندك فهموني بس مش بحب الفضول
تيام:اصل يا خالتو عمو....ولم يكمل كلامه نتيجه كتمان شاهندا فمه قائلا بابتسامه:حبيبي يا تيمو روح كلم بابا بينادي عليك
تيام:بجد يا تيته
سميحه:اه يلا روح وخد اختك
ترتيل:بث انا عايزه اقعد مع خالتو
شاهندا:احنا خارجين حالا يا روتي يلا اطلعوا...وبالفعل غادرا الغرفه تحت استغراب عهد ثم قالت:هو كان عايز يقول ايه
سميحه:مفيش خلصي بس يلا
نظرت لهم عهد بشك ولم تتحدث وبعد عده دقائق قالت انا خلصت فامسكتها كل من شاهندا وسميحه ثم خرجا بها ودلفا للجميع فقالت عهد بابتسامه:السلام عليكم
ردوا السلام ثم جلست بجوار عمها حيث انه كان يجلس هو الاخر بجوار سليمان تحت نظرات تواب العاشقه
سليمان:عهد غفران اعملولنا اي حاجه نشربها في القاعده الحلوه دي
لكن قاطعهم محمود قائلا:استني يا عهد انتي وغفران احنا مش جايين نشرب
سليمان:ليه يا محمود خير هو في حاجه ولا ايه
محمود:بس يا سليمان انت اخويا وعارف قد ايه بعزك وبعز اولادك لانهم عندي اخوات تواب مش ولاد عمه
تحمحم تواب بغضب ففهم والده فضحك قليلا ثم قال:احم او يعني ممكن نعتبرها كده
سليمان:طبعا يا محمود من غير ما تقول وانت عارف معزتك عندي قد ايه
سميحه:خلص يا محمود يا حبيبي
محمود:المهم يا سليمان انا جايلك وليا الفخر اني اطلب ايدك عهد بنتك لتواب ابني
كانت عهد تستمع له بانتباه الي ان انتهي من حديثه فخجلت بشده خصوصا انتقال نظر الجميع لها فخجلت بشده ثم غادرت الغرفه سريعا
فقال تواب بلهفه:ها قولت ايه يا عمي موافق
سليمان:والله يا محمود انت فاجئتني بس تواب طبعا ميترفضش
سميحه:يبقي خلاص توافق بقي يا سليمان انا هقولهالك صريحه تواب بيحب عهد وكان مستني الوقت اللي يتقدم فيه وهو اكتر حد يحافظ عليها
شاهندا:وافق يا بابا يلا
نظر سليمان لورده و وليد ثم غفران فقال وليد وغفران بنفس الوقت:احنا موافقين بالثلث
نظرت ورده لتواب فنظر لها برجاء ان توافق فقالت:انا لو كانت بنتي مخطوبه لحد ولقيت تواب ملهوف عليها كده كنت خليتها تفشكل الخطوبه وتتخطب ليك يا تواب انا اوافق عليك وانا مغمضه يابني
نظر لها بسعاده وحب ثم قال:ربنا يديمك ليا يا مرات عمي ثم نظر لسليمان بلهفه:عمي موافق صح
محمود:عهد بنتي يا سليمان واحافظ عليها اكتر من روحي
عبد الله:وافق يا عمي الواد خلاص هيموت
نظر لهم سليمان قليلا ثم ابتسم بحب قائلا:طبعا موافق وانا واثق في تواب يا محمود دي تربيتك
توجه له تواب بسعاده ثم قام باحتضانه سريعا وقال بخفوت:تسلم يا عمي صدقني هحطها جوا قلبي
ربت سليمان علي ظهره بحب ثم قال موجه الكلام لورده:ادخلي اسألي عهد يا ورده موافقه ولا لا
قاطع ورده تواب قائلا بلهفه:استني يا مرات عمي
ورده:خير يا حبيبي
تواب وهو ينظر لسليمان:عمي انا مش عايز موافقه عهد عليا بس
وليد باستغراب:اومال ايه كمان
نظر له سليمان منتظر جوابه فقال تواب سريعا:انا عايز يكون كتب كتاب علي طول مش خطوبه
وليد بصدمه:نعم
سميحه وهي تضربه خلف رأسه قائله:اخرس يا زفت
نظر لها وليد ولم يتحدث عندما نظرت له بشر
سليمان:تواب كده صعب خليها لما تتعرفوا علي بعض شويه
جلس تواب علي ركبتيه تحت تأثير الجالسين ثم قال:عمي انا وعهد ولاد عم وفي بيت واحد من صغرنا انا مش محتاج اعرف حاجه عنها لو في حاجه هعرفها بس وهي اسمها علي اسمي ارجوك يا عمي توافق انا مش عايز يكون في حدود بينا وحياه اغلي حاجه عندك توافق
شروق:وافق يا سليمان صدقني الخطوبه ملهاش لازمه خالص
عبد.الله:فعلا يا عمي وافق كتب الكتاب افضل خصوصا انهم ولاد عم
محمود وهو يربت علي يد سليمان:اتكل علي الله يا سليمان و وافق عهد بنتي متخافش عليها
تواب بسرعه:لا يا عمي خد مني انا عهد هتبقي تحت مسئوليتي لو جيت زعلتها في مره اقتلني ومش هقولك بتعمل ايه بس حلفتك بالله توافق
ورده وقد تأثرت بالموقف:وافق يا سليمان انا موافقه عليه
وليد:وافق يا بابا
غفران:احم وافق يا بابا انا واثقه في ابيه عن اذنكم هدخل لعهد
نظر سليمان له قليلا ثم قال بحسم:مع احترامي ليك يا محمود بس يا تواب لو جيت في يوم زعلت عهد صدقني هبعدها عنك دي بنتي واغلي ما عندي
محمود:اعمل ما بدالك مقدرش اتدخل
تواب بلهفه:لا مش عايزك تبعدني انا بقولك اقتلني لو خليتها تنزل دمعه واحده ثم قال برجاء:ها موافق
احتضنه سليمان بحب وقال:موافق طبعا
سميحه:تعالوا يا بنات ندخل لعهد نقولها
توجهت الفتيات بالفعل لغرفه عهد التي كانت تجلس بخجل بغرفتها وسعاده شديده ان ما دعت ربها عليه يريدها كما هي تمنته وغفران تجلس امامها تنظر لها بفرحه
ثم وجدا كل من شاهندا وشروق وسميحه و ورده يدلفان فقالت ورده:ها يا حبيبتي موافقه
نظرت لهم بخجل ولم تتحدث
فقالت شاهندا بمزاح:السكوت علامه الرضا
قاطعهم صوت سليمان الذي دلف ثم توجه ليجلس بجانبها قائلا:عهد في حاجه كمان عايزك تعرفيها
عهد بخجل وهي لم تنظر له:اتفصل يا بابا
سليمان:تواب عايز يكتب الكتاب علي طول مش خطوبه
نظرت له عهد بصدمه وفرحه داخليه ولم تتحدث
فقالت شروق:ها يا عهد قولتي ايه صدقيني تواب اكتر واحد هيحافظ عليكي
عهد بتوتر:طب طب ممكن ادخل الحمام خمس دقايق
سميحه:اتفضلي يا حبيبتي براحتك...وبالفعل دلفت فقالت غفران تعمل ايه في الحمام
سليمان:اكيد هتفكر سبيها براحتها
شاهندا بابتسامه:لا يا بابا دي بتشارك نصها التاني
سليمان باستغراب:نص ايه
ورده:اه فهمت دي هتسأل صحابها
سليمان:ودي حاجه تاخد فيها رأيهم
شروق:سيبها براحتها عشان تكون مرتاحه....
بينما عند عهد اتصلت بهم جميعهم سريعا ثم قالت بسرعه:بنات بنات اسكتوا في حاجه ضروريه عايزه اخد رأيكم فيها
الاء:قولي وبعدين بتتكلمي بصوت واطي ليه
حبيبه:خير يا عهد
عهد بابتسامه سعيده:تواب جه من شويه هو واللي في البيت طالب ايدي وكمان عايز كتب كتاب علي طول وغفران بتقولي انه كان ملهوف بره انا فرحانه اوي انه عيازني زي ما عايزاه بس قلقانه قلولي اعمل ايه
فقالوا جميعهم في نفس الوقت بفرحه:طبعا وافقييي
ابتسمت عهد اكثر ثم قالت:طيب طيب مكنتش هقدر ارفض اصلا يلا سلام مستنيني برا..ثم اغلقت معهم تحت سعادتهم بشده بينما خرجت عهد بخجل ثم قال سليمان:ها يا عهود فكرتي
اومأت عهد برأسها بخجل
فقال سليمان:طب رأيك ايه..صدقيني يا عهد انا واثق في تواب وعارف اني هسلمك لراجل فأحب اعرف رأيك ثم اكمل بمرح: لانه الصراحه قاعد علي جمر بره
ابتسمت عهد بخجل ثم قالت بخفوت:اللي انت تشوفه مناسب يا بابا
سعد سليمان لها بشده وابتسمت السيدات بفرحه وفجأه قالت سميحه:واحلي زغروده لاحلي عهد
وفجأه صدح صوت زغاريد عم المنزل فتوقف تواب بسعاده ثم قام باحتضان والده بسعاده شديده
محمود بسعاده لابنه:الف مبروك يا حبيبي الف مبروك
تواب بسعاده لا يمكن وصفها:الله يبارك فيك يا بابا
وهنا خرج الجميع باستثناء عهد وغفران التي تجلس معها وتحتضنها بقوه قائله:حلمك اتحقق يا عهد ربنا كتبلك الخير ليكي
ابتسمت عهد بسعاده قائله:انا مش مصدقه نفسي يا غفران هطير من الفرحه
ثم قاطعهم رنين هاتف غفران فوجدت ان الفتيات هن من يتصلن فردت سريعا وفجاه صدح صوت زغاريد من الهاتف تحت سعاده عهد بشده وشعورها بالحب ناحيتهم
الاء بسعاده شديده:الف الف مبروووك انا مبسووطه اكأني انا اللي هتجوز عهد انتي تستاهلي كل خير ربنا جزاكي اللي انتي اتمنتيه يا حبيبتي
حبيبه:انا بجد هطير من الفرحه مش مصدقه
حياه:انا مبسوطالك اكتر من نفسي يا عهد بحبك اوي انتي تستاهلي كل الخير ده
شهد وهي تمسح دموع الفرحه:عهد انتي ربنا كافئك يا عهد ان انتي صبرتي واحتسبتي مبروك يا حبيبتي مبروك
عهد بحب لهم:الله يبارك فيكم يا بنات بجد مش عارفه من غيركم هعمل ايه
الاء:احنا هنقفل دلوقتي عشان لو عزوكي في حاجه وهنكلمك بليل
غفران:انا هرن عليكم يلا سلام يا قمامير.....
اغلقت معهم ثم نظرت لعهد التي تبتسم بفرحه ثم احتضنتها بقوه قائله:اختي هتبقي احلي عروسه يا ولاد
ضحكت عهد بفرحه ثم احتضنتها بحب......
عند تواب بالخارج بعد ان خرج الجميع من عند عهد توجه لوالدته ثم احتضنها بقوه قائلا:خلاص يا ماما عهد هتبقي علي اسمي باركيلي يا ماما
احتضنته بقوه قائله:مبروك يا اغلي حاجه عندي
ابتعد عنها ثم نظر لها بحب ثم نقل بصره لسميحه التي تنظر له بحب ثم توجه لها قائلا:حبيبتي اللي كانت قفشاني من الاول ثم قام باحتضانها بقوه وسميحه تضحك عليه قائله:الف مبروك يا حبيبي بعد كده تقدر تسهر معاها براحتك في البلكونه وتاخد بالك لو نامت ثم قامت بغمزه مما ادي الي انفجاره بالضحك تحت جهل الجميع مما يحدث
قال محمود بسعاده:طيب نقعد بقي نتفق علي كل حاجه
وبالفعل جلس الجميع
فقال سليمان:انا رأيي كتب الكتاب يكون الخميس
تواب بسعاده:صح يا عمي انت صح والله ما هكسر كلمتك
ضحك الجميع علي لهفته
فقالت ورده:طب والمعازيم يا جماعه والفستان وكل ده
فاجأت شروق الجميع بحديثها قائله:الفستان انا اشتريته من مده كنت بشتري حاجات ليا وعجبني فاشتريته وانا متخيله عهد فيه
عبد الله:ايه ده عرفتي ازاي ان تواب هيتقدم
شروق بحب:معرفش بس اشتريته وانا مش حاسه بنفسي وقولت مينفعش حد يلبسه غيرها
قام تواب باحتضانها ثم قام بتقبيل رأسها
فقالت شروق:فرحتك هي فرحتي يا تواب ثم وجهت نظرها الي ورده قائله:طبعا ده بعد اذنك يا ورده
توجهت ورده لها واحتضنتها قائله:دي بنتك يا شروق اعتبري انك بتجهزيها
وليد:طيب كده مشكله الفستان اتحلت والمعازيم هروح انا وعبد الله بكره نعذم الناس
عبد الله:معنديش ادني مشكله
شاهندا:واحنا البنات هنروح نشتري الفساتين في خلال يومين
محمود:كده كله تمام وبالنسبه للفرح ايه رأيكم يكون بعد شهر
تواب:كتير يا بابا
وليد:يا عم اهدي بقي وانت عامل ذي اللي بيتكوي كده
سليمان:مقدر احساسك يا تواب بس خليها بعد شهر عشان اكون انا مرتاح
تواب بيأس:ماشي يا عمي معنديش مشكله......
....................................
في اليوم التالي ذهب كل من وليد وعبد الله لعزومه الجميع علي كتب الكتاب تحت دعوات الجميع بالسعاده لهم فالجميع يشهد لعهد وتواب بالاخلاق الحميده.....واعطت شروق عهد الفستان تحت اعجاب عهد الشديد به وذهاب الفتيات لشراء الفساتين......
...............................
جاء اليوم المنشود والمنتظر للجميع بسعاده......
كان تواب يقف امام المرآه بسعاده وهو يعدل حلته الانيقه ثم دلفت والدته اليه ونظرت له بدموع سعيده فتوجه لها وقام بتقبيل رأسها قائلا:ليه بس الدموع دي
شروق بسعاده:دموع الفرحه يا حبيبي الف مبروك يا تواب
تواب:الله يبارك فيكي يا احلي واحن امي تعرفي اني محظوظ اني عندي ام زيك كده ربنا بيحبني انه خلاكي انتي امي
شروق:ده ربنا بيحبني انا انه خلاك ابني
قام وليد بتقبيل رأسها بحب ولكن دلف محمود ثم قام بابعاده بقوه وقال:ابعد يا حيوان بدل ما اخليك تكتب كتابك وانت متشرح
ابتعد تواب بخوف مصطنع ثم قال:برئ يا بيه انا معملتش حاجه
نظر له محمود بغيظ ثم تحولت نظراته لعشق وهو ينقل نظراته لشروق:يلا يا حبيبتي ننزل تحت ونسييب الزفت ده صحابه جم اصلا وقاعدين بره
شروق:ماشي يا حبيبي يلا بينا
وبالفعل نزل والديه للاسفل ثم دلف اصحاب تواب جميعهم
فقال لهم:ها يا شباب ايه رأيكم
توجه له يزن ثم قال:الف مبروك يا صاحبي حقيقي فرحان انك حققت حلمك
احتضنه بحب ثم قال:عقبالك يا يزن
ثم احتضنه باقي الشباب تحت سعادتهم بصديق عمرهم
فقال باسل:اخيرا حصلتنا يا تواب
سامر بمزاح:لا وكتب الكتاب مره واحده
وليد:بس يا بقره منك ليه ده هيبقي جوز اختي
تواب:حبيبي يا وليد انت اللي فيهم
وليد بمزاح:عيزين تقروا قروا عليه هو بس
تواب:يا مان واطي انت
يزن بحب :خلاص يا تواب اللي كنت خايف تضيع منك كلها دقايق وتبقي علي اسمك
ابتسم تواب بحب ثم قال:انا بس كده اتاكدت ان ربنا بيكافئني احسن مكافاه
فقالوا جميعهم:مبروك يا تواب
ثم اكمل يزن بمزاح:يا بختك يا عم تيجي تتقدم بعدنا واهو تكتب الكتاب قبلنا الدنيا والعه معاك
تواب:خمسه وخميسه عين الحسود فيها عود
باسل بمزاح:ايه متخفش مش هنقر وبعدين ما هو اللي معاه حق
وليد:بركاتك يا اخ تواب
نظر لهم تواب بغيظ ثم قال:طب يلا عشان ننزل يا خويا انت وهو واثناء سيره تعركل باحدي الكراسي فوقع بشده وقال:اااه يا اغبيييه هتجيبوا اجليييي قبل ما اتجوووز اعووذ بالله ثم نظر لهم بغضب فوجد كل واحد منهم ينظر بمكان ما ببلاهه
تواب:ربنا يستر عليا انا وهي......
..................................
بينما تحت عند الفتيات كانوا يقفن يجهزن عهد وبعد ان انتهت وقفت قائله:ها حلو ايه رائيك يا ماما
ابتسمت ورده بدموع ثم قالت:احلي عروسه شافتها عيوني
احتضنتها عهد بحب
بينما قالت شهد:الف مبروك يا عهد بجد انتي قمر
الاء وهي تحتضنها بقوه:نصي التاني بقت احلي عروسه يا ولاد مش مصدقه
ابتسمت عهد واحتضنتها حياه ايضا قائله:اختي وسندي وحياتي كلها بقت قمر وحققت فرحتها
ثم احتضنتهم جميعهم وهي تبتسم لهم بحب
فقالت حبيبه:انتي اه مش حاطه مكياج اوي يا عهد وخفيف جدا بس حقيقي طالعه احلي من رأت عيني
شاهندا:انتي حتي احلي مني لما كنت في فرحي
غفران:مكنتش اعرف انك مزه كده
عهد بحب:انا بجد مكنتش اعرف هعمل ايه من غيركم...قاطع حديثهم دلوف كوثر وشروق وسميحه فتوجهت لهم عهد تحتضنهم بحب ثم قالت موجه الكلام لشروق:حقيقي انا بحبك اوي انتي امي الرابعه انا مش عارفه اشكرك ازاي علي الفستان الجميل ده
شروق:مش بتقولي اني امك مفيش بنت تشكر امها
حياه:مين بقي الاربعه
نظرت عهد للجميع ثم قالت:ماما ورده و ماما سميحه وماما كوثر وماما شروق كلهم امهاتي مش بس قرايبي
احتضنتها كوثر وسميحه بحب ثم قالت سميحه:انتي اغلي من بنتي يا عهد
ورده بدموع:طب.... طب يلا عشان كله جه بره...
نظرت لهم عهد بخجل فشجعوها بنظراتهم وبالفعل خرجوا للجميع وعندما رآها تواب تفاجا من ذلك الملاك الذي امامه اهذه من ستكون له وحده ستكون حبيبته ورفيقته وشريكه عمره؟
وكان نفس الامر عند باقيه الشباب فقد اُخذوا من جمال حبيباتهم ثم توجه سامر الي الاء قائلا:ايه العسل ده
ابتسمت الاء بحب ثم قالت بخجل:مرسي وانت برضو شكلك حلو
سامر:ده عنيكي اللي حلوه ثم نظر لتواب وعهد ثم قال:فاكره يوم كتب كتابنا
ابتسمت الاء قائلا:طبعا كان احلي يوم ليا
سامر:ده كان بالنسبالي اول يوم ليا في حياتي الحقيقيه
نظرت له الاء بخجل ولم تتحدث فأمسك يدها بحب ثم وقفا يشاهدا كتب الكتاب وبعد ان وقف كل شاب مع خطيبته وجلس المأذون وبأحد جانبيه يجلس تواب وبالجانب الاخر سليمان فوضع تواب يده بيد عمه بسعاده شديده وظل يردد وراء الشيخ وهو ينظر لعهد بعشق تحت خجلها حتي توقف عند جمله:بارك الله لكما وبارك عليكما وجمع بينكما في خير انتفض تواب من السعاده ثم توجه لعهد سريعا وقام بحملها ودار بها عده مرات تحت خجلها من الجميع وتصفير الشباب علي ذلك المشهد وتسفيق البنات ايضا
تواب وهو ما زال يدور بها قائلا بخفوت:مبروك يا اغلي من نفسي
ابتسمت عهد بخجل ثم انزلها وقام بتقبيل جبينها بحب وقام بأمساك خدها بكلتا كفيه وقال بعدم تصديق:انتي خلاص بقيتي علي اسمي صح يا عهد بقيتي حبيبتي وسندي واغلي ما املك انا مش بس بحبك انا بعشقك يا عهد ثم قام باحتضانها بقوه فقال سليمان بمزاح:طب راعي ان ابوها واقف
وليد:او احترم اخوها
نظر لهم تواب بسعاده وكانه امتلك السعاده الابديه ثم قال بعد ان توجه لعمه:عمي انا بشكرك انك اديتني جوهره زي عهد انا بشكرك انك فضلت مخبيها لحد ما سلمتها ليا انا بشكرك انك خلفتها من الاساس انا بشكرك علي كل حاجه عملتها عشان تبقي ليا دلوقتي
ابتسم الجميع بتأثر علي كلماته ثم توجه لعهد وامسكها وقام بتقبيل يدها بحب تحت خجلها ثم قال:انتي بقي بشكرك علي انك بقيتي انتي عهد وبشكرك علي انك رفضتي اي حد جالك بشكرك علي موافقتك عليا وانك بقيتي ملكي دلوقتي
نظرت له عهد بخجل وحب ولم تتحدث تحت نظراته العاشقه
توجه الشباب له لتنئته وكذلك الفتيات وتذرف من اعيونهن دموع الفرحه فاحتضنتهم عهد بقوه قائله بخفوت:بحبه يا بنات
ضحكوا عليها قليلا
ثم قالت حبيبه:شوفتي فرحته يا عهد
الاء:شوفتي ازاي ملهوف عليكي
شهد:هو ده اللي بتقولي مستحيل يفكر فيا
غفران:هو ده اللي بتقولي بحاول اخرج حبه من قلبي
حياه:هو ده اللي محدش يكلمني عنه تاني
شاهندا:شوفتي بقي انه بيعشقك مش بس بيحبك
عهد:انا طلعت غبيه فعلا
فقالوا جميعهم بمزاح:بالثلث
ضحكوا قليلا ثم اقترب تواب من عهد مجددا وتركتهم الفتيات ليحظوا ببعض الخصوصيه
توجه باسل لشهد ثم قال بحب:عقبالنا يا شهد حياتي
ابتسمت له شهد بخجل ولم تتحدث فنظر لها وهو يصر علي مفاتحه والديها بتقديم كتب الكتاب..
عند وليد توجه لحبيبه ثم قال بمزاح:مش نفسك تعملي زيها
حبيبه بخجل وحاولت تجاهل حديثه:الف مبروك لعهد
وليد:ماشي اهربي بس بمزاجي بس حدديلي معاد مع باباكي
حبيبه:ليه
وليد بمزاح:عشان اعمل زي اللي هناك دول ثم قام بغمزها تحت خجلها...
توجه يزن لحياه ثم قال:ايه العسل ده
حياه بخجل:شكرا يا يزن
يزن بحب:قولي كده تاني يزن
حياه بتحذير وخجل:يزن همشي والله
يزن بسرعه:لا خلاص خلاص بس ابوكي واحشني علي فكره
حياه:طب هو هناك اهو روحله
يزن:لا انا هجيله البيت مخصوص عشان اعبر ليه قد ايه هو واحشني وهموت عليه
ابتسمت حياه بخجل ثم ابتعدت عنه سريعا تحت ضحكه ولحاقه بها.........
وبعد عده ساعات توجه تواب الي سليمان قائلا:عن اذنك يا عمي هاخد عهد ونخرج شويه
سليمان:براحتك يابني هي دلوقتي مراتك
ابتسم تواب بشده بسبب تلك الكلمه التي جعلته يهيم بعهد اكثر واكثر.....
توجه تواب لعهد ثم قال بحب:عهدي بقولك روحي غيري هدومك عشان نخرج انا وانتي
ابتسمت عهد بخجل علي لقبها الذي اطلقه عليها ثم قالت:لوحدنا عادي
قال تواب بمزاح:لا طبعا ازاي عيب يا عهد ميصحش
عهد ولم تاخذ بالها من سخريته:اه شوفت ازاي
تواب:يلا يا بنتي من هنا روحي البسي اومال كاتب كتابي علي مين حالا يلا يابت وانتي قمر كده
ابتسمت عهد بخجل ثم توجهت لغرفتها سريعا و وقف هو ينظر لمكان رحيلها قائلا:قلبي يا جماعه حد يلحقني
وجد من يخبطه علي كتفه فوجد انه يزن قائلا بمزاح:سلامه قلبك يا توبي
نظر له تواب بغيظ ولم يتحدث فانفجر يزن بالضحك ثم قال:خلاص متزعلش هنيالو يا عم هتخرج معاها براحتك
تواب:يا عم بطل قر بقي ابو معرفتك
يزن وهو يربت بحب علي كتفه ثم رحل:الف مبروك يا صاحبي
وبعد قليل خرجت عهد ثم توجهت له بخجل وقالت:انا جاهزه هقول بس لبابا واجي
تواب:انا قايله
عهد برقه:مش مشكله هقوله برضو احتراما ليه
تواب:معاكي حق يا عهدي اتفضلي
توجهت عهد الي والدها بخجل وبالصدفه وجدت والدتها تقف فقالت:بابا تواب هيخرجني انت موافق
سليمان وقام بتقبيل رأسها:ايوه يا حبيبتي هو قالي ومكنش لازم تيجي يعني هو جوزك
عهد بجديه:لا طبعا يا بابا لازم استأذنك انت ابويا قبل ما يكون هو جوزي
ابتسم لها سليمان بفخر ثم قال:ربنا يحميكي يا عهد
ورده:روحي يا حبيبتي عشان شكله علي نار
نظرت خلفها وجدته ينظر لها بلهفه وحب فابتسمت ثم قالت:طب عن اذنكم..ثم توجهت الي تواب وقالت بخجل:انا جاهزه
امسك تواب يدها بتملك وحب فانفجر صوت تصفير من الشباب وتسفيق البنات مما ادي الي خجل عهد بشده وقال تواب بمزاح:شكرا يا جماعه نردهلكم في الافراح بأذن الله....ثم قال بخفوت:يلا يا عهدي
اومأت عهد بخفوت فذهبا بالفعل تحت سعاده الجميع
في سياره تواب قال بحب:ها يا حبيبتي تحبي تروحي فين
عهد بخجل من كلماته المعسوله:احم اي حته عادي
تواب بمزاح:طب بصي يا ستي انا من ساعه ما كبرت وانا واخد علي نفسي وعد اودي اللي هتجوزها ملاهي واكتر مكان انا بحبه بعدها
عهد بفرحه طفوليه:بجد يا تواب
تواب:طبعا يا عهدي يلا بقي عشان نقضي اليوم كله من اوله
ثم توجها الي مدينه الملاهي بالفعل تحت سعاده عهد
فقالت عهد وهي تمسك يد تواب دون ان تلاحظ واشارت لاحدي الالعاب:تواب تعالي نركب دي
نظر تواب للعبه بصدمه فكانت تلك اللعبه هي قطار الموت:نعم دي
اموأت عهد برقه:اه دي مالها
تواب:هو انتي مش بتخافي
عهد:لا عادي انا بس قولت اجربها لان شكلها ممتع
تواب:ده من شكلها هيغمي عليا
ضحكت عهد قليلا ثم قالت: تعالي بس العمر واحد والرب واحد
لكنها لاحظت انها تمسك يده فعندما حاولت سحب يدها بخجل امسكها بقوه وقال:اوعي تشيلي ايدك من ايدي يا عهد لان خلاص ده بقي مكانها
ابتسمت عهد بخجل ثم قالت:احم طب يلا عايزه العب
تواب:يلا يا قمر ثم توجها للعبه فركبتها عهد بحماس ولكن كان تواب يجلس بخوف ويغمض عينه فنظرت له عهد ثم ضحكت عليه وقالت:تواب مالك خايف ولا ايه
تواب:اشهد ان لا اله الا الله واشهد ان محمد رسول الله
ضحكت عهد ثم قالت:تواب تواااب
تواب ولم يفتح عينه:متخفيش مش خايف ولا حاجه انا يس بقرأ الورد بتاعي عشان بقراوا بدري
نظرت له عهد بضحك ثم قالت:طب مغمض عينك ليه
تواب:ده انا بفتكر الايات بعيني لو خوفتي قوليلي
عهد بمزاح:من عنيا بس افتح عينك يلا
فتح تواب عينه ببطء وجد ان اللعبه بدأت تتحرك فقال:عهد
عهد:نعم
تواب:انا غلطان اني خدت وعد علي نفسي انا عيل جزمه اصلا
ضحكت عهد بشده ولكن لم يظهر صوتها بسبب تحرك اللعبه وابتدائها في التسرع
بدا تواب في الصراخ بقوه بينما ظلت عهد تضحك بمرح ومتعه
تواب بصراخ:ااااااه نزلونييييييي حد يلحقنييي هموووت
ضحكت عهد بشده ثم قالت بصوت عالي حتي يسمعها:توااب متقلقشش اهدييي استمتع والله حلوه
تواب بصرااخ:حلوووه ايه يختيييييي انتي قلبك مااات يا جمااااعه حد يوقفهااااا ياااارب مش هينفع امووت كده يارب شكلي هيبقي وحش اوووييي هيتقااال الله يرحمه ماات من قطررر المووووت اااااااااع
انفجرت عهد بالضحك عليه وظلوا علي حالتهم الي ان انتهت اللعبه ونزل منها تواب بدوار وعهد خلفه تحاول كتم ضحكتها
نظر تواب خلفه ثم قال ببلاهه:بس لعبه حلوه والله لا وممتعه
عهد بمزاح:طب تعالي نلعبها تاني
تواب وهو يمسكها بقوه:لا تعالي مش للدرجه دي
نشوف لعبه تانيه احلي انا حمار اصلا اني سمعت كلامك
ثم بدأ بهز رأسه حل الدوار يذهب فقالت وهي تبتسم:مالك انت دايخ
تواب:اناااا لا خاالص انتي بس اثبتي وانتي عماله تتهزي كده
ضحكت عهد عليه ثم قالت:طب اقف ثابت كده
استمع لها ثم قالت:بص للسما والدوخه هتروح
فعل كما قالت وبالفعل ذهب الدوار فقال بمزاح:الله السما طلعت حلوه اوي
ابتسمت عهد ولم تتحدث فامسك يدها ثم ال تعالي نلعب شويه كمان بس لعب عاقله وبعدين ناكل ونروح المكان التاني
عهد بفرحه:ماشي
وبالفعل لعبا عدد من الالعاب ثم ذهبا لتناول الطعام وفي السياره وهما يتوجهان للمكان الاخر قالت عهد:احنا هنروح فين
تواب:هتعرفي حالا المهم بتحبي الخيل
عهد:جدا اصلا كان حلمي يبقي عندي واحد بس بابا قعد يتريق عليا وقالي ماشي نجيبه ونحطه في الجراش تحت قبل ما افتحه صيدليه
ضحك تواب عليها وبعد قليل وصلا لمكان ما فقال:يلا يا عهدي انزلي واستمتعي
نزلت عهد فسار بها قليلا ثم نظر لها بسعاده:جاهزه
اومأت عهد بلهفه ففتح باب كبير ونظرت عهد خلفه فوجدت اسطبل ملئ بالخيول فشهقت عهد بسعاده قائله:الله جماال اوي عايزه اركب واحد يا تواب
تواب:عهدي تؤمر وانا انفذ
عهد بخجل:ليه بتقولي يا عهدي
تواب بحب:لانك عهد قلبي ملكي انا اللي فضلت كتير احلم باليوم اللي هتتكتبي فيه علي اسمي
ابتسمت عهد بخجل ولم ترد.عليه فامسكها من يدها بتملك وقال يلا يا قمر نركب خيل زي ما انتي عوزه
عهد وهي تسير معه:هو انت تعرف المكان ده منين
تواب:ده يا ستي واحد صاحبي كان بيجي هنا فانا سألته قبل كده علي مكان ورشحلي ده وبقي من سنين وهو المكان اللي برتاح فيه وباجي كل فين وفين
عهد:يعني لو عزت في اي وقت تجبني
تواب:طبعا يا عهدي من غير ما تفكري حتي
عهد بحب:طب يلا عايزه واحد عشان اركب
تواب:طيب خليكي هنا جاي اهو
اومأت عهد فذهب هو وبعد قليل جاء تواب وهو يمسك لجام احدي الخيول فتوجهت له عهد بفرحه وظلت تربت علي رأس الخيل بحب
تواب بمزاح:نفسي اعرف واحده مش بتخاف من قطر الموت او الخيول بتخاف من القطط ازاي
عهد بخجل:عادي بقي بخاف منهم وخلاص
تواب:طب يلا يا ستي تعالي ارفعك عشان تركبي
توجهت له عهد ثم قام بحملها وجعلها تصعد فوق الخيل فجلست بسعاده طفوليه قائله:انا ركبت حصان يا تواب اخيرا مش مصدقه ده جميل اوي
نظر لها بحب لفرحتها ثم قال:اهم حاجه عندي فرحتك دي وابتسامتك دي
نظرت له بخجل ثم فجأه صعد خلفها فخجلت بشده وقالت:ايه رايح فين
تواب:ايه هتركبي لوحدك
عهد:اه مش المفروض انت تمسك اللجام وتفضل تمشي بيا علي رجلك زي ما بيحصل في الروايات
تواب:لا والله
عهد:اه والله
تواب:طب يا حبيبتي هقولهم حاضر
نظرت له بغيظ طفولي ثم خبطت الحصان دون قصد فبدأ الحصان بالجري تحت صدمتهم فقال تواب:انتي عملتي ايه
عهد:خبطته غصب عني
تواب:طب اهدي متخفيش هوقفه اهو
عهد وهي تمسك اللجام منه قائله:لا سيبه يجري كده ممتع اوي
تواب:يارب هتشل من اللي قلبها مات من كله الا القطط دي
عهد بضحك:طب بس خليه يجري وامسك اللجام كده
امسك تواب اللجام ثم فردت عهد كلتا يديها واغمضت عينيها بمتعه فامسكها تواب بسرعه من خصرها وقال:يابنتي هتقعي
عهد بخجل من يده:اصل كان نفسي اعيش اللحظه دي من مده
تواب:طب يا ستي اعملي اللي نفسك فيه وانا ماسكك اهو
ازالت عهد.خجلها الان ثم عادت لفرد ذراعيها والشعور بالهواء يلفح وجهها تحت نظرات تواب العاشقه...وظلوا علي هذا الوقت يستمتعوا وعهد تقوم باطعام الخيول بضحكات طفوليه وبعد عده ساعات توجهوا للمنزل اخيرا قام وليد بتقبيل يدها ثم قال:تصبحي علي خير يا قمر
عهد بحب:وانت من اهل الجنه...ثم دلفت الي شقتها وتوجه تواب الي شقته وجد والديه يجلسان فتوجه لهم ثم جلس بينهم بابتسامه ولم يتحدث فقال محمود وهو يوجه حديثه لشروق:الحب يعمل اكتر من كده
شروق بمزاح:اه يا حبيبي الحب وما ادراك ما الحب
كل ذلك ولم ينتبه تواب بل ما زال شارد وتلك الابتسامه علي وجهه فقال محمود بخبث:بتحبها يا تواب
تواب دون تركيز:اوي
محمود:من امتي
تواب:من زمااان
محمود:شايفها ايه بالنسبالك
تواب:عهد هي انا وانا هو عهد بقت كل حاجه في حياتي لان هي حياتي
محمود:ده انت واقع
تواب:ومش عارف اقوم...ثم انتبه انه يتحدث مع والده فنظر له فجأه وقال بصدمه:انا قولت ايه
انفجر محمود وشروق في الضحك فقال محمود من بين ضحكه:لا يا حبيبي مقولتش حاجه خالص قوم يا مسطول غير هدومك
نظر تواب بحرج ثم قال:طب سامو عليكوا انا يا حاج
ودلف لغرفته فانفجرت شروق في الضحك قائله:انت وانت صغير
محمود بفخر:ذلك الشبل من ذلك الاسد.....
..............................
بينما عند عهد توجهت لشقتها وهي تبتسم بحب فوجدت والديها يجلسان فسلمت عليهم فقالت والدتها:استمتعتي يا حبيبتي
عهد بخجل:اه يا ماما
سليمان:ربنا يسعدك كمان وكمان يا حبيبتي
عهد:عن اذنكم هدخل انام عشان تعبانه
اذنوا لها فدلفت بالفعل فوجدت وليد وغفران يمسكانها ثم قال وليد بغيره اخويه:اتأخرتي ليه
عهد:ايه يا دوده في ايه
غفران بمزاح:ابدا اصله كده من ساعتين رايح جاي
عهد:ابدا فسحني شويه وبعدين كلنا
وليد:وده يخليكوا تتأخروا
عهد وهي تدرك غيرته:خلاص يا دوده متزعلش مش هتأخر تاني بس خليك فريش بقي
وليد وهو يعود لطبيعته:خلاص يا حبيبتي خليكي براحتك ده جوزك برضو
غفران:تعالي بقي احكيلنا روحتوا فين
حكت لهم عهد الاماكن دون ذكر الاسطبل فهي تريد ان يكون لها مكان خاص بها وتواب
غفران:الله ربنا يحميكم يارب
عهد:طب بره بقي عايزه انام
وليد:طيب يختي اتخمدي خدي صحيح الشوكولاته
عهد:قلبي انت والله
قام بتقبيلها من جبينها ثم خرج هو وغفران وهي ادت فرضها وقرأت وردها وعندما همت بالنوم وجدت هاتفها يرن فوجدت انه تواب فردت سريعا وهي تستغني عن فكره نومها ثم قالت:السلام عليكم
تواب:احلي السلام عليكم وارق والله..عامله ايه
عهد:كويسه
صمتوا قليلا فقال تواب:طب ايه
عهد:ايه ايه انت اللي متصل
تواب:اه صح لا مؤخذه اصل انا مش عارف انام
ضحكت عهد عليه ثم قالت:طب ليه
تواب:في واحده مطيره النوم من عيني
خجلت عهد بشده فقال تواب:تيجي نرغي
عهد بضحك:نرغي .....
...................................
ظلت الايام تمر بينهم تحت حب متبادل وسعاده بأن حلمهم تحقق واعتراف تواب بذلك لكن عهد تخجل ان تقولها صريحه مع انتظار تواب بصبر كبير ان يستمعها منها......
..............................
وبعد عده ايام خرجت عهد من المشفي وحدها فالاء لم تاتي بسبب تحضيرها للفرح الذي سيكون بعد عده ايام بينما هي في الطريق وجدت احد يقوم بمعاكستها فقالت بخفوت:هو انتوا مستقصدني انا بس ثم حاولت الابتعاد سريعا فوقف امامها ذلك الشاب قائلا:اهدي بس يا جميل مستعجل ليه نظرت له بخوف وتفكر كيف تهرب منه....
بينما كان تواب ينوي مفاجاه عهد بالذهاب لاحضارها حتي يذهب بها الي الاسطبل مجددا لكنه صدم مما رأي....
عند عهد حاولت الابعاد مجددا فامسكها الشاب ذلك قائلا:تعالي بس متخافيش خافت عهد بشده وعندما همت بالصراخ وجدت من يمسك بيد حسام بقوه قائلا:حسام ابعد ايدك عنها
حسام:رامي اهلا يا صاحبي ابعد بقي انت ماسكني كده ليه
رامي بغضب وهو ما زال يضغط علي يده التي تمسك يد عهد قائلا:عشان تسيب ايدها ثم ابعده و وقف امامها تحت صدمه عهد وخوفها ايضا
حسام بغضب:راميييي ماالك انت اتجننت ولا اييه ثم قال بعد ان هدأ وقال بغمزه:هي الحته دي تخصك ولا ايه
عندما هم رامي بالرد وجد حسام من يلكمه قائلا بغضب:لا تخصني انا يا حليتها
عهد بخوف وهي تري تواب فاطمئنت الان
ظل تواب يلكم حسام بقوه قائلا:عارف يا كلب لو فكرت تبصلها بس تاني هخليك تعيش طول عمرك اعمي انت فاهمني
عندما حاول رامي ابعاده بسبب تجمهر الناس ابعده تواب ظنا انه معه وقال:ابعد انت كمان
حسام:والله يا تواب الكلب لاعرفك ازاي تمد ايدك عليا
نظر له تواب بغضب ولرامي ثم امسك عهد بحمايه وغادر المكان فساعد رامي حسام قائلا:انت غبي يابني بتعاكس مراته
حسام بغضب:بكره يترحم عليها اصبر عليا
نظر له رامي بقلق ولم يتحدث....
....................................
بينما عند تواب كان يجلس بالسياره ويحتضن عهد التي ترتعش بقوه ثم قال:اهدي يا عهدي خلاص انا موجود ومش هيحصل حاجه اهدي خالص الكلب ده مش هيقربلك تاني
ظلت عهد عده دقائق هكذا وبعدها هدأت فنظر لها تواب قائلا:بقيتي احسن
اومأت عهد بهدوء ثم سألها تواب:احكيلي اللي حصل
حكت له كل ما حدث فاستغرب تواب موقف رامي ثم قال:طب بصي يا عهدي احنا مش متأكدين هو عمل كده فعلا من نفسه ولا متفق معاه عشان بيخططوا لحاجه فبرضو متثقيش في حد وبعد كده متمشيش لوحدك ماشي
عهد:ماشي ثم قالت:اصلا مش عارفه اي حد بيعاكس بيجي علي حظي ليه زي ما يكون بيقولوا لبعض عهد هناك اهيه روح عاكسها
ابتسم تواب قليلا ثم قال:خلاص بقي بعد كده مش هخليكي تمشي لوحدك اتفقنا وبعدين يلا عشان نروح الاسطبل ايه رائيك
فرحت عهد بشده ثم قالت:اه يلا اصلا واحشني المكان
تواب:طب يلا يا قمر شوفتي حاسس بيكي ازاي
عهد بحب وخجل:ربنا يديمك ليا.......
...............................
عدت الايام وكانت مليئه بالبهجه والسعاده للجميع فقد تم زفاف الاء وسامر وكذلك وليد و باسل و يزن فقد تم زفاف باسل و وليد بزفه واحده وبعدهما يزن وكانت الفتيات سعيدات بشده بأن الله قد ارسل لهم من يحافظ عليهن ويحبهن وقد اقترب موعد زفاف عهد ايضا.........
..................................
كانت غفران تخرج من عملها ثم تفاجأت من وقوف رامي امامها فقالت باستغراب :استاذ رامي خير
رامي بارتباك:احم ازيك يا انسه غفران
غفران:حضرتك موقفني عشان تقولي ازيك طب عن اذنك
وقف رامي امامها مره اخري ثم قال:طب استني بس عايزك في حاجه مهمه
غفران:مظنش ان فيه حاجه ما بينا
رامي بحب:هيبقي فيه
غفران بشك:مش فاهمه
رامي:غفران انا..انا بحبك وعايز اتقدملك موافقه
نظرت له غفران بصدمه:افندم
رامي:ايوه يا غفران انا عايز اتقدملك وهاخد رقم والدك من شهد بس عايز اعرف موافقتك الاول
نظرت له غفران بخجل ثم قالت:عن اذنك
ثم غادرت سريعا وهو ينظر لها بحب وبعد ان ابتعدت رنت علي شهد قائله:الو شهد اخوكي ده هيموتني في مره
شهد بفرحه:قالك خلاص
غفران:يا جزمه انتي كنتي عارفه
شهد:اه بس هو قالي مقلكيش
غفران:اسكتي انا كنت في موقف زباله اصلا
شهد:المهم اديه رقم باباكي ولا ايه
غفران:لا استني افكر انا الاول ولو سألك قوليله مش معايا وهبقي اجيبه منها
شهد:خلاص تمام براحتك خالص
غفران:باي بقي عشان التاكسي جه
شهد:سلام.....
...................................
مرت الايام وغفران ما زالت بحيرتها وكانت بالعمل فقالت بحيره:يوووه بقي مش عارفه اعمل ايه وشهد عماله تسأل افضل حل اني اسأل عهد وابيه تواب لأنه زميله
ثم قامت بالرن علي عهد التي كانت تجلس مع تواب باحدي الجناين فقالت عهد:الو يا لولو ازيك
غفران:الحمد لله يا عهد هو ابيه تواب معاكي
عهد وهي تنظر لتواب:ايوه معايا خير
غفران:طب انا عايزه اقابلكم
عهد بقلق:هو في حاجه
غفران:لا لا متخفيش موضوع كده وهمشي علي طول
عهد:طب احنا في الجنينه**** تعالي هناك
غفران:تمام مسافه السكه
اغلقت عهد فقال تواب:مالها غفران
عهد:مش عارفه قالت عيزاني وسألت عليك
تواب:خير ان شاء الله....
بعد قليل اتت غفران فقالت عهد:اهي جت هي ثم توجها لها فقالت غفران:السلام عليكم اسفه والله بس موضوع ضروري
تواب:متقوليش كده يا غفران تعالي نقعد بس
بالفعل جلسوا فنظرت لهم غفران بتوتر فأمسكت عهد يدها قائله حتي تطمئنها:اهدي يا حبيبتي واحكي واحنا هنسمعك
نظرت لهم قليلا ثم قالت:طيب بصوا لان بقالي كذه يوم بفكر رامي زميلك يا ابيه من كام يوم جالي عند الشغل وطلب رقم بابا وقال انه بيحبني وعايز يتقدم
نظرت لها عهد بصدمه ثم حولت نظرها لتواب المصدوم مثلها ثم قالت بفزع:بتقولييي ايييييه.......
.............................
ايه رأيكم في الوقفه دي 😉
تفاعل يا شباب بقي 😍
انتظروا البارت القادم 😎
أنت تقرأ
الرجوع (مستوحاه من قصه حقيقيه)
Чиклитهي صغيره تحب الخير ولكن عندما تكون صله القرابه يد في تحولها فهل يمكن انقاذها ام فات الاوان
