الرجوع (مستوحاه من قصه حقيقيه)

الفصل الثاني والعشرون

ازيكم يا حبايبي 🥰عايزه اقول بس حاجه بليز ممكن الاقي تفاعل علي الفصول لاني بجد بزعل لما مش بلاقي 😭😥
.......................
في صباح يوم جديد استيقظ الجميع ثم استعدوا للتوجه لعملهم ...
في شقه سميحه كانت تجلس هي وعبد الله وشاهندا وايضا التوأمان
شاهندا: ايوه يا عمتو هيروح يتقدم يوم الجمعه بأذن الله
عبد الله: ربنا يوفقهم يارب
سميحه: مبسوطه للبت الاء اوي زي بنتي والله
شاهندا: اه فعلا كلنا فرحنين عشانها جدا بس الرخمه بتقول يمكن متوفقش زي العاده
سميحه: هي هتبقي ادري بحالها بقي هي عارفه الصح ليها
عبد الله: ان شاء الله خير يا جماعه سامر ابن حلال ومحترم واظن صعبه انها ترفضه
شاهندا: يارب توافق
تيام: بابا
عبد الله: ايوه يا حبيبي
تيام: انا اتفقت مع عمو تواب امبارح اني هبقي مهندس زيه ومش هوقف شغل ابدا لما اكبر
عبد الله: شطور يا تيمو هتبقي مهندس ناجح زي عمو تواب واشطر كمان
سميحه: وانتي يا روتي عايزه تبقي ايه
ترتيل: اممممم مش عارفه يا تيته مش عايزه ابقي حاجه
شاهندا: الحمد لله بنتي هتطلع فاشله حاجه مشرفه اوي
عبد الله بضحك: وانا اللي قولت هتقول عايزه ابقي زي خالتو مثلا او زيك يا بابا عليه العوض ومنه العوض
سميحه: مستقبل باهر يا ترتيل والله
عبد الله: الظاهر كده المهم همشي انا بقي عشان متأخرش مش هتعوزوا حاجه قبل ما امشي
شاهندا: لا تسلم يا حبيبي
ترتيل: مع الثلامه يا بابا
تيام: مع السلامه
عبد الله: حبايب بابا انتم ثم قام بتقبيلهم وتوجه الي عمله...
..............................
في منزل حبيبه كانت تتناول الافطار مع والديها وباسل كذلك
فقال باسل: احم بابا عايز اقول حاجه
فقال والده: خير يابني
باسل: هو احم يعني هو
والدته: ايه يابني عايز ايه
باسل: الصراحه عايز اتجوز
والدته بفرحه: بتكلم جد يا باسل اخيرا هتفرحني يا حبيبي ده يوم المني
والده: طب ومين هي يابني
باسل: هي تبقي صاحبه حبيبه يا بابا
حبيبه: بس هي اصغر مني يعني هي صاحبه غفران اخت عهد وانا اتصاحبت عليها
والدته: بس دي تبقي صغيره عليك يابني
باسل: يا امي مش صغيره ولا حاجه و بعدين هي حبيبه قد عهد صاحبتها وانا اكبر من حبيبه بسنه يعني انا اكبر منها ممكن نقول خمس ست سنين مش كتير ولا حاجه
والده:انت حاسبها بقي
باسل:يا والدي الله يديمك انا من زمان وهي في بالي بس وقتها كانت صغيره لكن دلوقتي علي حسب علمي في اخر سنه ليها يعني كله تمام وهي كده كده هتعيش في شقتي اللي فوق انت موضبها من زمان يا بابا
والدته:بس نسيت اهم حاجه
باسل:ايه هي
والدته: اخلاقها العيله دينها
باسل:خلي حبيبه هي اللي تحكم
حبيبه:لا الصراحه يا ماما هي بنت ناس اوي ومحترمه جدا وبرضو خلوقه اوي
والده:والله انا اتمنالك واحده زيها معنديش مانع ده يكون اسعد يوم عندي
باسل:ربنا يديمك يا بابا يارب لينا
حبيبه:انا بالنسبالي موافقه لأنها صاحبتي وبحبها فهتيجي تونسني هنا
باسل:طب انتي ايه علاقتك انا اللي هتجوز
حبيبه:يابني مش انا اللي هكون عمتها وبعدين لازم تكون واحده بحبها عشان اوافق علي الجوازه انما لو مش حباها مش هوافق
والدته:طب اسكتي بدل يا يقوم عليكي
باسل:والله شكلي هعملها
حبيبه:احم احم سكتنا
باسل:المهم يا امي انتي رائيك ايه
والدته:طبعا موافقه هي فيها كلام
حبيبه بفرحه:مبرووك يا بسولتيي
باسل:الله يبارك فيكي يا بيبو المهم بقي انتي عليكي تخليها تدي خبر لأهلها
حبيبه:تمام هاخد البت عهد والاء وحياه ونروح وسبحان الله برضو البت الاء متقدملها صاحب اخو عهد صدفه غير متوقعه يعني
والدها:ربنا يوفق الجميع
والدته:امين يارب
باسل:هتروحوا امتي
حبيبه:بص انا هدي خبر للبنات الا هي ونروحلها بعد يوم الجمعه بحيث نخلص الاء الاول
باسل:لا كتير معلشي
حبيبه:يابني افهم سامر ده هيتقدم يوم الجمعه فكلنا هنبقي مشغولين مع الاء وانت خليك علي رواقه بقي مش يمكن لو رحنا يحدد هو كمان يوم الجمعه وقتها هنروح لمين ولا لمين
باسل:خلاص تروحوا وتقولوا لاهلها يحددوا معاد الا يوم الجمعه
فقال والده:انت اهبل يالا هتروح تقلهم اختاروا معاد غير الجمعه
حبيبه:اي قله الذوق دي
باسل:مهو كتير ده فاضل تلت ايام علي الجمعه
حبيبه:النهارده الاتنين والتلت ايام هيعدوا بسرعه متقلقش
باسل:يا حول الله يارب
والدته:يابني مستعجل علي ايه اهدي بقي
باسل:طيب طيب ربنا يسهل انا رايح الشغل بقي سلام ثم توجه الي عمله فقال مع نفسه وهو في الطريق:تلت ايام اه ولسه علي ما الجمعه تعدي يعني اربع ايام وعلي ما هما يحددوا حسبي الله ايه خلاني اسمع كلامهم يلا هنصبر نعمل ايه مقدمناش غير كده....
..........................
بينما عند تواب كان يتحدث في الهاتف مع سامر فقال:الف مبروك يا سامر يا حبيبي ربنا يتمم علي خير يارب
سامر:حبيبي يا تواب عقبالك
تواب:قريب ان شاء الله هيحصل لاني خلاص جبت اخري
سامر: عذرك والله
تواب:هو بس هشوف كده الاول هظبط الشقه اللي في الرابع هي تعتبر اصلا بتاعتي بس هشطبها كده وبعدين اتقدم بقي يكون كله تمام
سامر:ربنا معاك يا تواب
تواب:تسلم يارب يلا اقفل اما ادي للواد يزن وباسل خبر
سامر:لا ضيفهم في المكامله اقولهم انا افضل بس باسل ده طلع محترم وجدع اوي
تواب: صح معاك حق استني بس فعلا والله زمان كنا خايفين منه بس طلع انه بجد راجل
سامر:كويس انه انضم للصحوبيه بتاعتنا
تواب:اه البقر زادوا واحد
ضحك سامر عليه بشده ثم قال:طيب يا استاذ بقره يلا ضيفهم عشان اقولهم
تواب:استني طيب . بالفعل قام بالرن علي يزن وباسل وحينما رد يزن وباسل قال يزن:اه يا ندل هتتجوز قبلنا بقر عليك علي فكره
تواب:يابني بطل الجوازه هتبوظ يخربيت قرك الواد مش ناقص
سامر:قوله الله يسترك
باسل:الف مبروك يا سامر فرحتلك جدا والله
سامر:تسلم يابني والله هي دي الردود مش ردك يا بقره يا اللي اسمك يزن
يزن:يا عم لا ربنا يسهلك واحنا مش هنتنيل نتجوز احنا كمان يا اخونا
تواب:والله انا كلمت ابويا في الموضوع يدوب اظبط شقتي اللي فوق واتقدم بأذن الله وادعي انها تخلص بسرعه
يزن:لا انا الحمد لله هعيش مع ابويا وامي وحتي لو عوزت هبني شقه فوق شقتنا بس الافضل مع ابويا يعني اصلا الشقه كبيره
باسل:والله يا شباب ابغي اقولكم اني قررت اعملها انا كمان لكن استحي
تواب:انت بتتكلم جد
باسل:اه والله
تواب:ااه قلبي
يزن:اعوانك خانوك يا ريتشارد
سامر:اللي متغاظ مننا يقلدنا يا حبيبي بس هتتقدم امتي يا باسل ولمين
باسل:هي تبقي صاحبه اخت انسه عهد يا تواب وان شاء الله هتقدم بعدك يا سامر لان اختي قالت انهم هينشغلوا مع صاحبتهم
تواب:يلا ربنا يصلح الحال ليكم يا شباب
باسل:تسلم يا تواب يارب وعقبالك ان شاء الله
يزن:كابتن كابتن نسيت تدعيلي يا عم
باسل:يا عم متزعليش انت كمان عقبالك
يزن:يارب ادعي من قلبك هفاتح ابويا وامي في الموضوع ده واشوف بقي
تواب:ده كل واحد شكله مختار البنت بقي
فرد ثلاثتهم في نفس الوقت:اوماال يابني
تواب بضحك:ضحكتوني والله
باسل:صدقوني اول ما اتجوز واخلف مش هعرف عيالي بيكم عشان متربهمش غلط
يزن:يا مان واطي انت
باسل:بس ياض انت لا ولا اول ما رديت لقيت سامر ويزن وتواب قولت متجمعين مع بعض اكيد في مصيبه
سامر:الواد ده بيفهمنا غلط دايما
تواب:اصل الصراحه احنا اللي بنثير الشبهه علينا
باسل:اهو شوفت مقولتش حاجه غلط
يزن:هو كان ناقص بس وليد و عبد الله والشبهه تكمل
تواب:الشبهه الجايه بأذن الله
باسل:كان ايه اللي خلاني اتعرف عليكم
يزن:القدر ياخويا
باسل:هقطع علاقتي بيكو قريب
سامر:معاك مقص ولا اجبلك
باسل:اقفل يا زفت منك ليه هتطرد من الشغل
تواب:يا عم انت توريهم بطاقتك يعملولك الف حساب ده انت مقدم
باسل:قروا فيها يا كلاب انا هقفل سلام
يزن بعد ما اغلق باسل:ايه ده هو احنا تقلنا في القر
سامر:ابسلوتلي لا يا ضنايا
تواب:هو اللي قموص شويه
يزن:يلا ملناش دعوه
سامر:صحيح مرحتوش الشغل ليه النهارده
تواب:لا انا بالنسبالي مش قادر والله اروح وشكلي داخل علي دور برد
يزن:اه ما احنا داخلين علي فصل الشتا فعلا
سامر:لا الف سلامه يارب وبالنسبالك يا يزن
يزن:لا انا بتكلم من الشغل بس استأذنت شويه اكلمكم وارجع
تواب:طب اقفل بقي وانا كمان هقفل عشان اشوف اي حاجه الحق بيها نفسي
سامر:تمام يلا سلام
اغلقوا جميعهم ثم عادوا لما سيفعلوه وبينما تواب قال:هو اكيد دور برد خفيف مش مستدعي دوا هنام شويه واقوم كويس
......................
بينما عند عهد كانت تجلس بالمشفي مع الاء فوجدت حبيبه تقوم بالرن عليها فردت قائله:صباح القشطه
حبيبه:صباح الجبنه الكيري علي احلي عهد واحلي عروسه
الاء:اهو هيقرفونا من دلوقتي بقي
عهد:اه وان كان عاجبك
حبيبه:هي العروسه مضايقه ليه
الاء:بت يا بيبو اهدي بقي
حبيبه بضحك: والله ما عارفه استفزك بعروسه ولا بيبو
الاء:البت دي رخمه اوي يا عهد انتي عايزاها ممكن اروح اقتلها وارجع
حبيبه:ساعتها مش هقولكم الخبر الحلو اللي جايلكم بيه
الاء بتمثيل الحب بمزاح:اخص عليكي يا عهد تقتلي حبيبه حبيبتي يا وحشه انتي قولي يا قلبي خبر ايه
عهد:مصلحجيه
حبيبه:جداااا
الاء:قولي يا زفته
حبيبه:طيب يختي المهم ياستي اخويا
الاء بمزاح:هو ده الخبر الحلو
حبيبه:بس يا حيوانه اما اكمل وبعدين طبعا هو لوحده خير حلو
عهد:المهم ماله بس
حبيبه:اكتشفت انه بيحب البت شهد وعايز يروح يتقدم بعد ما سامر يتقدم ل الاء
عهد بفرحه:احلفي بالله
حبيبه:والله العظيم
الاء:هو ايه الحكايه الاتنين مع بعض
حبيبه:احلي صدفه وربنا
عهد:لا بجد هتبقي حاجه حلوه اوي انتوا مش متخيلين فرحتي ايه
الاء:ولا انا والله مبسوطالها اوي
حبيبه:احلي حاجه اني اعرفها ونبقي صحاب كده بقي في بيت واحد
الاء:يا حظك يا قمر
عهد:الف مبروك ليكي ولاخوكي يا حبيبه مبسوطه اوي بس الاكتر عشان شهد الصراحه وخصوصا انها بتح...ثم سكتت مره واحده بصدمه اما كانت ستقوله فقالت الاء باستغراب:بت ايه قولتي
عهد بارتباك:هاا لا ابدا مفيش قصدي انه استاذ باسل محترم يعني
حبيبه:وهو بيحبها اوي كمان بيقولي فضلت مستني لحد يجي الوقت المناسب عشان اتقدم
الاء بفرحه:ربنا يتمم علي خير يارب هيتقدم امتي
حبيبه:انا قولتله اني هاخدكم ونروح ندي لاهلها خبر ويحددوا معاد بعد يوم الجمعه عشان نفضالك وبعدين نفضالها
عهد:احلي حاجه عملتيها
الاء:صح معاكي حق
حبيبه:طب كده اتنين هيتجوزوا وانا مين هيتجوزني والاخت البيه اللي بيحبها ده هيتقدم امتي
عهد بخجل:بيحب ايه يابنتي جبتي الكلام ده منين انتي عبيطه
الاء:والله انتي اللي عبيطه يابنتي ده واضح اوي من ايام الجامعه وكمان ما انتي بتحبيه يختي ولا هتنكري
عهد بخجل:احم لا مش هنكر بس يعني انا معرفش هو بيحبني ولا لا محطش آمال عاليه هو شايفني بس اني بنت عمه ويمكن اخته كمان
حبيبه:بت انا هقفل قبل ما اتشل منها
الاء:معاكي حق والله
حبيبه:يلا غوري انتي وهي هكلمكم بليل تاني
عهد:سلام
بعد ان اغلقت عهد قالت الاء:قوليلي بقي شهد ايه عشان حكايه اصل استاذ باسل محترم دي مدخلتش عليا شهد مالها
عهد بتذكر حديثها مع شهد..
Flash Back
شهد:عهد عايزه اقولك حاجه لوحدنا
عهد:طبعا يا قلبي تعالي في اوضتي
غفران:رايحين فين
عهد:وانتي مالك يا رخمه
حياه:طب خدونا معاكم
عهد:يا عيال يا حشريه اترزعوا هنا
ودلفت الي غرفتها ومعها شهد ثم قالت اقعدي بقي وقولي اللي انتي عايزاه
شهد:بصي انا بحبك اوي وبثق فيكي جدا وفي كلامك وعايزه اقولك حاجه في قلبي خايفه منها معرفش ليه مقولتش لغفران مع انها صاحبتي بس حبيت اقولك انتي اكتر
عهد:يا حبيبتي انتي والله وانا بحبك كمان واي حاجه عايزاها انا معاكي احكيلي وان شاء الله اقدر اساعدك
شهد بخجل:طب هو احم هو لما احب حد حرام
عهد بابتسامه:لا طبعا الحب مش حرام بس في شروط
شهد:شروط ايه
عهد:اولا انك تحتفظي بحبك ده لنفسك يعني مش عشان بحب فلان اروح اتكلم معاه لا ربنا بيقول بسم الله الرحمن الرحيم (ولا تواعدوهن سرا)صدق الله العظيم وانك فعلا لو بتحبيه تدعي ربنا انه لو خير ليكي يكون من نصيبك وانك تقتنعي اقتناع تام انه لو مش هيبقي من نصيبك يبقي هو ده الخير وطبعا مفضلش انظر للشخص اللي بحبه ده في الرايحه والجايه عشان حرام ربنا بيقول (قل للمؤمنات يغضضن من ابصارهن)
شهد:لا والله انا مش ببص ليه لاني اصلا مش بقابله كتير لاني عارفه انه حرام وطبعا بتكثف حتي استغرب ان غفران بتحب رامي زي ما انتي عارفه وبيظهر عليها العكس لما تشوفه
عهد: لأن ده الصح و ربنا يحميكي يارب وكمان انتي عارفه يا شهد ليه ربنا قال اننا نغض ابصارنا سواء للرجاله او الستات
شهد:ليه
عهد:لانك لو فضلتي تبصي لشخص معين هتلاقي نفسك تلقائي اتعلقتي بيه بقيتي تعرفي عنه كل حاجه استايل لبسه ملامحه فالبتالي هتبدائي تنجذبي ليه وهتحبيه ولو هو مش هنصيبك هتلاقي نفسك اتجرحتي اوي وقلبك بيوجعك فربنا حمانا من وجع القلب ده لانه بيحبنا وبيخاف علينا وعارف ايه الصح لينا
شهد:ونعم بالله هو والله مش ببصله خالص هو بس لما بنتقابل بلمحه بس بغض بصري علي طول هي يعتبر اول مره قابلته فيها اللي بصتله شويه
عهد:طب ممكن اعرف هو مين ولا مش من حقي
شهد:لا طبعا حقك انا وثقت فيكي وانتي اختي صح
عهد:صح طبعا مين هو بقي عشان الفضول خلاص هيموتني
شهد بضحك:ههه هو يبقي استاذ باسل اخو حبيبه
عهد بغمزه:ايوه يا عم عينك علي المقدم
شهد بخجل :بس بقي وبعدين مش حكايه مقدم بس حسيت معاه بارتياح وقتها وكل وكل مثلا لما بلمحه بحس بشعور غريب انا عارفه اني يعتبر لسه صغيره علي الكلام ده خصوصا اني في تانيه كليه ومش مدركه للواقع وكمان انه اكبر مني بشويه بس زي ما قلتلك حصل مره واحده
عهد:بصي هو الطبيعي انك تحبي في سنك ده كلنا مرينا بفتره زيها بس الاهم انك تكوني بتحبي الشخص الصح اللي يقدر يحافظ عليكي وطبعا برضو تحتفظي بحبك ده لنفسك انتي وتدعي ربنا لو خير ليكي زي ما قلت انما الحب مش حرام بالعكس دي شئ جميل جدا ربنا رحيم بينا برضو
شهد:الحمد لله كده عرفت اني مش بعمل حاجه غلط شكرا ليكي يا عهد انك فهمتيني
عهد:شكرا ليكي انتي انك وثقتي فيا الثقه دي ومتخفيش سرك هيكون في بير
شهد:هاتي حضن بقي
عهد:لا لا لو سمحتي انتي بتحرضيني للرزيله وانا الصراحه بموت فيها
ضحكت شهد بقوه ثم قامت عهد بأحتضانها...
Back...
الاء:عهدددد انتي يابنتي رحتيي فيين
عهد بعد ان افاقت من شرودها:هاا لا ابدا مفيش
الاء:طب برضو مقولتيش شهد مالها
عهد:يابنتي ملهاش والله مفيش حاجه
الاء:بقيتي بتخبي عني يعني
عهد بتنهيده:مش بخبي بس دي حاجه متخصنيش ومقدرش اقولك كده فهمتي
الاء:اممم ماشي ولو اني مش مصدقه
قاطعهم قدوم ممرضه لهم تخبرهم ان يأتوا الي معمل المشفي لحاجتهم فتوجهوا اليه بالفعل ليروا ما هو مطلوب منهم....
.........................
عند والد سامر كان يتحدث مع زوجته فقال:اه هتصل بيه دلوقتي عشان أكد عليه
والدته طب اتصل يلا
قام بالفعل بالرن علي والد الاء ثم قال:السلام عليكم
والد الاء:وعليكم السلام ورحمه الله وبركاته ايوه مين
والد سامر:انا محب والد سامر
والد الاء:اه اهلا بحضرتك اتشرف بمعرفه حضرتك
والد سامر:الشرف ليا انا طبعا حضرتك عارف ان ابني طالب ايد الانسه الاء بنتك
والد الاء:اه ويشرفني طبعا نسبكم وانا بلغت ان حضراتكم تشرفونا يوم الجمعه
والد سامر:ده حقيقي حصل بس حبيبت انا اتصل بحضرتك كلام كبار مع بعضهم واني بستأذن حضرتك اننا نيجي نتقدم رسمي
والد الاء:تنورونا والله وموقفك ده علي راسي من فوق
والد سامر:ربنا يحفظك يارب خلاص يبقي علي اتفاقنا يوم الجمعه وايه المعاد اللي يناسبكم
والد الاء:ممكن بعد صلاه المغرب مناسب
والد سامر:مناسب جدا خلاص يبقي المغرب والف شكر ليك اسيب حضرتك بقي عشان معطلكش
والد الاء:لا ابدا لا عطله ولا حاجه
والد سامر:ربنا يحفظك يارب مع الف سلامه
والد الاء:مع السلامه
قالت والده سامر:ها هنروح
والد سامر:ايوه هما اصلا متفقين ان شاء الله يوم الجمعه بعد صلاه المغرب
والده سامر:مبسووطه اوي ليه ربنا يتممله علي خير يارب...
بينما عند والد الاء قالت زوجته:مين كان بيتصل
والد الاء:ده والد العريس اللي متقدم لبنتك
والده الاء:اه وحددتوا المعاد
والد الاء:ان هيكون يوم الجمعه بعد صلاه المغرب بس يارب توافق و مترفضوش زي كل مره
والده الاء:لا انا حاسه انها هتم المره دي
والد الاء:واشمعنا بقي
والده الاء:مش عارفه بس قلبي بيقولي كده
والد الاء:ياستي يسمع من فمك ربنا
والده الاء:يارب....
.............................
بينما عند تواب استيقظ من نومه ولكنه شعر ببعض التعب فقال:ااه جسمي مكسر يريتني كنت خدت الدوا ولكنه لاخظ بعض التغير بصوته فقال:هو صوتي كمان اتغير يا حسره عليا ياني
دلفت شروق الي الغرف فوجدته يجلس فقالت:تواب بقيت بخير يا حبيبي
تواب:والله يا امي شكلي تعبت اكتر
شروق:مال صوتك
تواب بمزاح:مهو ده اثر التعب بيظهر
شروق:طب استني اعملك حاجه دافيه تشربها واجبلك فص توم يطرد البرد (علي فكره يا جماعه حقيقي فعلا لما تكونوا داخلين علي دور برد ابلعوا فص توم زي حبايه دوا وبعدين ارتاحوا شويه هيساعد علي طرد البرد دي حقيقه انا بعملها)
تواب:تمام تسلمي يا امي
وبعد قليل احضرت له شئ دافئ ليتناوله ومعه الثوم
تناولهم تواب ثم قال:تسلميلي يا امي يارب اه جسمي مكسر
شروق:ربنا يشفيك يا حبيبي ريح جسمك شويه بقي عشان متتعبش اكتر
تواب:لا لا ملوش لزوم يدوب صاحي من النوم اصلا مش هعرف انام تاني
شروق:متبقاش عندي يا تواب
تواب:يا امي هو انا صغير خلاص يا حبيبتي كبرت والله
شروق:تصدق انا غلطانه انا رايحه اعملك شوربه عشان تطفحها
كان تواب يجلس يدرس بعض الملفات بغرفه الضيافه الخاصه بالعمل فوجد ان هناك من يطرق الباب فتوجه ليفتح فوجد انهما ترتيل وتيام
فقال:نعم عايزين ايه
ترتيل:عايزين نقعد مع تيته ثروق
تيام:اه عشان وحشتنا
تواب:لا مش عايزين النهارده وهي مش عايزه تقعد معاكم اصلا
قامت كل من ترتيل وتيام بابعاده ودلفا فوجدا شروق بالداخل فقالت ترتيل:تيته ثروق انتي مث عايزه تقعدي معانا زي ما عمو تواب بيقول
بينما كان تواب ينظر لهم بصدمه انهم لم يعيروه انتباه ودلفوا بالقوه فقال:هو انا بقيت هزق اوي كده
ضحكت شروق عليه ثم قالت موجهه الكلام لترتيل:لا طبعا يا حبيبتي تيجي في اي وقت انتي وتيام
قاما تيام بأخراج لسانه لتواب وفعلت ترتيل المثل فقال:يلا يا جزم
تيام:ربنا يسامحك مش هرد.عليك
ترتيل:اللي بيثتم بيروح النار
تواب:انا هروح النار بسببكم انتم ليه يعني
تيام:عمو تواب انت صوتك وحش ليه
تواب:وحش ازاي
ترتيل:ثوتك بقي غريب
شروق:عشان عمو تواب تعبان وعنده برد
تيام:الف سلامه عليك يا عمو تواب
تواب:يا عسل انت يا تيمو
توجهت ترتيل اليه ثم قامت بتقبيله من خده تحت استغراب شروق وتواب وقالت ببرائه:الف ثلامه عليك يا عمو
تواب بابتسامه وقام باحتضانها : يا حبيبتي يا روتي هاتي حضن يا سكر انتي
شروق:لا لا ابعد عنهد شويه عشان ميتعدوش
ترتيل:طب حضن واحد بث يا تيته عشان ميزعلش
تواب:والله هاخد حضن بعد العسل ده تعالي يابت ثم قام باحاضانها وسحب تيام ايضا الي حضنه وبعدها ابعدهم حتي لا يصيبهم البرد
شروق:نزلتوا لتيته ورده يا ولاد
تيام:لا كنا هننزلها بعدكم
شىوق:طب ما تنزلوا تجيبوها وتيجوا هنا وانا هجيب تيته سميحه وماما
ترتيل:اه اه ماشي يلا انا هنزل لتيته يا تيام وانت اطلع اماما وتيته ثميحه
تيام:ماشي يلا.....
نزلت بالفعل ترتيل الي اسفل ففتحت لها ورده وقالت:اهلا اهلا بحبيبه تيته تعالي ادخلي فين تيام
ترتيل:تيام طلع يجيب ماما وتيته ثميحه وانا جيت اخدك عشان نقعد ما تيته شروق وعمو تواب
ترتيل:طب استني هلبس الطرحه واجي تعالي ادخلي بس عمو تواب فوق ليه
ترتيل:لانه تعبان وعنده برد حتي ثوته بقي غريب
ورده:قولتيله الف سلامه
ترتيل:اه قولتله الف سلامه عليك يا عمو
ورده:شطوره يا حبيبه تيته يلا تعالي بقي نطلع
ترتيل:يلا...
وبالفعل صعدت ورده ومعها ترتيل ونزلت سميحه وشاهندا الي منزل شروق بينما دلف تواب الي غرفته بعد ان اطمئنوا عليه حتي يدعهم علي راحتهم
تيام:هو عمو تواب دخل ليه يا ماما
شاهندا:عشان يا حبيبي هو راجل واحنا ستات فيسبنا براحتنا
تيام:خلاص هدخل اقعد معاه انا كمان مش انا راجل
سميحه:يا حبيبي انت راجل وسيد الؤجاله
تيام:خلاص هدخل اقعد معاه وانتوا اقعدوا عشان اسبكم براحتكم زي ما قلتي يا ماما
ضحكوا عليه وعلي طفوليته بينما توجه تيام الي غرفه تواب وقام بالدق ففتح له تواب وقال:تعالي يا تيمو
تيام:انا راجل زيك وهسيب البنات يقعدوا لوحدهم عشان عيب
ضحك عليه تواب ثم قال:مين اللي قالك كده
تيام:ماما
تواب:ماشي يا سيدي تنور اوضتي وانت فعلا راجل كبير وعاقل
تيام:نقعد نعمل ايه بقي
تواب:اممم استني
احضر تواب مصحف ثم امسكه وجلس بجانب تواب فقال تيام:انا بشوف ماما بتمسكه كتير وتقرأ فيه
تواب:انت عارف ده ايه
تيام:اه اسمه مصحف
تواب:شاطر يا تيام تعالي بقي اخليك تقرأ معايا سوره قل هو الله احد
تيام:بس انا لسه صغير
تواب:هنحاول علي الاقل ماشي
تيام:ماشي
تواب:يلا قول ورايا قل هو
تيام:قل هو
تواب:الله احد
تيام:الله احد
تواب:الله
تيام:الله
تواب:الصمد
تيام:الصمد
تواب:لم يلد
تيام:لم يلد
تواب:ولم يولد
تيام بصعوبه:ولم يولد
تواب:ولم يكن
تيام:ولم يكن
تواب:له
تيام:له
تواب:كفوا احد
تيام:كقوا احد
تواب بضحك: كفوا احد مش كقوا
تيام:كفوا احد
تواب:شاطر يا تيام شطور خالص
ابتسم تيام بفرحه وظل تواب يردد له السوره مرارا وتكرارا الي ان اصبحت سهله عليه قليلا...
............................
في الليل بعد ان عاد الجميع من عمله جلست عهد تنظم اشياء من اجل الصيدليه الخاصه بها نعم يا ساده فهي لديها صيدليه خاصه بها تعمل بها في المساء من بعد المغرب الي الساعه التاسعه حتي لا تتاخر في الصعود حيث ان والدها فتح لها الصيدليه تحت المنزل فوجدت ترتيل تدلف لها بحزن فقالا عهد باستغراب: مالك يا روتي يا حبيبتي
ترتيل:تيام يا خالتو عمو تواب حفظه ثوره من المثحف لما كنا عند تيته ثروق عثان كان قاعد معاه لانهم رجاله واحنا بنات وانا عايزه احفظها زيه
ابتسمت عهد عليها بشده ثم قالت:ده بس اللي مزعلك
اومأت ترتيل لها فقالت عهد:طب ايه رائيك احفظهالك انا
ترتيل بفرحه:بجد يا خالتو
عهد:اه والله قوليلي انهي سوره
ترتيل:اممم اثمها قل هو الله احد
عهد:تمام يا حبيبتي بس هي اسمها الاخلاص ماشي
ترتيل:ماثي
عهد:استني اجبلك المصحف عشان تشوفي الآيات بعينك
قامت عهد بأحضار المصحف وجلست بجوارها وظلت تردد معها الآيات الي ان حفظتها ترتيل فقالت بسعاده:ياهوووو حفظتها حبيبتي يا خالتو انا بحبك اوي
عهد بابتسامه حب:حبيبتي يا روتي ايه كده يبقي انتي وتيام حافظين السوره دي ممكن بكره احفظك سوره كمان صغنونه زيها
ترتيل:ماشي
عهد:روتي حبيبتي عمرها ما تزعل ابدا
ترتيل:خالتو هنام معاكي النهارده قولي لماما بقي
عهد:ماشي زي ما اتفقنا انتي النهارده هتنامي هنا وتيام ينام معايا او مع خالو وليد
ترتيل:وهتحكيلي حدوته
عهد:هحكيلك قصه طبعا
ترتيل:ماشي قولي لماما بقي عثان متثتناث
عهد:طب استني...ثم قامت بالرن علي شاهندا واخبرتها ان اليوم ميعاد نوم ترتيل وتيام بالنوم معهم والا تنتظرهم وبعد ان اغلقت اختار تيام ان ينام بجوارهم وحكت لهم عهد قصه ما قبل النوم الي ان ناموا ثم غطت هي الاخري في نوم عميق...
........................
ها قد مرت الايام وحان وقت ان يذهب سامر للتقدم الي الاء
ذهبت اليها كل من حياه وحبيبه وعهد وكذلك شاهندا وغفران وشهد
الاء:مش عايزه اصدمكم بالنتيجه والله يا بنات
عهد:بس يابت هتتجوزيه يعني هتتجوزيه ملناش فيه
حياه:فين ترتيل وتيام يا شوشو
شاهندا:سبتهم مع ماما وعمتو
شهد:مجبتهمش ليه وحشونا
شاهندا:المره الجايه بأذن الله
الاء:بس متجمعين عند النبي بأذن الله يا بنات
فقال الجميع:عليه افضل الصلاه والسلام
دلفت اليهم والده الاء ثم قالت:انا بشوف عددكم ده بقول قوه مكافحه المخدرات
ضحكوا عليها ثم قالت:ربنا يحميكم يارب ويرزقكم ولاد الحلال
شاهندا:بس خلاص يا طنط انا دوري عدي
والده الاء:انتي ربنا يجعل ولادك ذريه صالحه ليكي يا حبيبتي
شاهندا:حبيبتي يا طنط تسلميلي يارب
حياه:طنط هو المفروض هيجي امتي
والده الاء:يا نهااار نستونييي انهم جم اصلا بره
الاء بارتباك:ايه نعم جم ازاي وامتي حصل ازاي ده
عهد بضحك: اركزي يا عبيطه انتي
والده الاء:تعالي يلا يابت انتي عشان تدخلي معايا
الاء:يا امي برستيجي قدام البنات
شهد:لا احنا متعودين
حياه:مش قديمه يعني
الاء:مقفوشه اوي كده
حبيبه:جدااا
الاء:حيث كده بقي هزقي براحتك يا امي
والده الاء:طب يلا عشان عيب كده
غفران:بت يا الاء اوعي تبطحي العريس بحاجه
الاء بمزاح:ليه هو مش عليه ضمان
عهد:يختااااييي هولع منكم
يلا روحي هتتأخري
حياه:مين اللي هيكون معاهم لما تسبيهم يتعرفوا علي بعض
والده الاء:انا رائي شاهندا لأنها اكبركم هنا وهي انسب واحده
شاهندا:مفيش مشكله عندي
والده الاء: طب يلا بقي
توجه كل من الاء ووالدتها الي الغرفه بينما الفتيات يقفن خلف الباب يرون ما يحدث
بينما بالداخل كان سامر ينظر بحب الي الاء ثم غض بصره بسرعه
قالت حبيبه بالخارج:ما شاء الله باين عليه بيحبها من نظراته
قالت غفران بمزاح:او خازوق يا امي
شهد:عيله فصيله جتك القرف
عهد:اخرسوا بقي شويه عايزه اسمع
في الداخل قال والد سامر:طبعا احنا يشرفنا نطلب ايد الانسه الاء لأبننا سامر
والد الاء:والله يشرفنا نسبكم طبعا بس ممكن اعرف انت بتشتغل ايه يابني
سامر:انا محاسب في بنك يا عمي
والد الاء:ربنا يوفقك يابني طب انا مقدرش اديلكم ردي الي لما نعمل استخاره وطبعا نسأل عنك يابني انتوا طبعا من طرف وليد وانا واثق فيك بس الاصول بتقول كده
والد سامر:طبعا ده حقك منقدرش نتكلم فيها
والد الاء:ممكن بس اعرف عرفتها منين
سامر:هي اول مره كان حصل ان في شباب حاولوا يعاكسوا الانسه الاء والحمد لله اني كنت موجود واظن حضرتك عارف الموضوع ده وتاني مره في التجمع اللي كان بين عيله صاحبه الانسه لان زي ما حضرتك عارف انا صاحب اخو صاحبتها واحيانا بتبقي صدفه اني اشوفها في مكان
والد الاء:تمام يابني انا فعلا عارف موضوع الشباب ده وممكن بقي تمهلنا يومين او تلاته كده نعرف رائينا
والده الاء:طب نسبهم مع بعض شويه يتعرفوا علي بعض
والده سامر:انا رائي كده برضو
والد الاء:طب مين هيكون معاهم
والده الاء:شاهندا هتيجي تقعد معاهم ثم قامت بمناداتها فدلفت شاهندا والقت السلام علي الجميع ثم خرجوا وجلست هي بعيده عنهم قليلا
بينما بالخارج قالت والده سامر بود:ان شاء الله يحصل القبول بينهم وتكون جوازه خير
والده الاء:طبعا يا حبيبتي احنا يشرفنا نسبكم طبعا
والده سامر:تسلميلي يا حبيبتي...
بينما بالداخل كان سامر يجلس ينظر لها بحب ثم قال:ازيك يا انسه الاء
الاء بخجل:الحمد لله
قالت حبيبه بالخارج:البت دي بتتحول ولا عندها انفصام في الشخصيه بقي دي الاء العربجيه
حياه:لا يا حبيبتي لازم نظهر الانوثه بقي
عهد:اقسم بالله اللي ما هتسكت لهحبسها في اوضه لوحدها وما هخليها تعرف اي حاجه
سكت الجميع لان عهد حين تحلف علي شئ لا تقع في حلفانها...
بالداخل قال سامر:تحبي تسألي عن اي حاجه
الاء:هي كام سؤال بس
سامر:اتفضلي
الاء:حضرتك بتصلي
سامر:طبعا الحمد لله
الاء:في المسجد ولا البيت
سامر:لا المسجد
الاء:طب بتمشي في حياتك علي اساس ايه او نهج ايه
سامر بأعجاب لأسالتها:طبعا علي نهج سيدنا محمد صل الله عليه وسلم
الاء:عليه افضل الصلاه والسلام طب هو حضرتك بترفض شغل الست
سامر:لا طبعا هرفض ليه بالعكس بحترم الست اللي بتقدر توافق بين شغلها وبيتها يعني اهم حاجه عندي ان الست اللي اتجوزها وبتشتغل انها متهملش بيتها ولا تهملني طبعا
الاء:طب معلشي اخر سؤال
سامر:خدي راحتك
الاء:ممكن اعرف اشمعنا انا
سامر بابتسامه:هي ليها اجابتين اول اجابه لاني شاف انك انتي اللي هتفعي شريكه حياتي انتي اللي أئتمنك علي حياتي ونفسي و ولادي بأذن الله لو ربنا وفقنا
الاء:والتانيه
سامر:يفضل دي تخليها لو حصل قبول وبعد كتب الكتاب
الاء:تمام
سامر:حاجه تانيه
الاء:لا كده تمام
سامر:اللي يعجبك ممكن انا اسأل بقي
الاء:نعم ليه هو مش المفروض انا بس اللي اسأل مكنتش اعرف ان اللي بيتقدم ليه حق يسأل
في الخارج انصدم الجميع من اجابتها وكذلك شاهندا بالداخل فقالت عهد بصدمه:ااه الحقوني هموت يخربيت شيطانك يا الاء حد يرد كده ايوه يا غبيه حقه يسأل ااه هموت
شهد بصدمه:هو ايه اللي حصل دلوقتي ده
حياه بنفس الصدمه:انا مش مصدقه اللي سمعته
حبيبه:انا قلت برضو الاء متسكتش
غفران بابتسامه:لا عجبتني الصراحه
نظروا لها جميعا بشر فقالت بخوف:احم معجبتنيش هي صح ازاي ترد كده
بينما بالداخل نظر لها سامر بصدمه لبضع دقائق ثم انفجر في الضحك ثم قال: هو اه المفروض اسأل يعني بس مش اتطفل برضو
الاء:بجد يعني الطبيعي ان حضرتك تسأل
تدخلت شاهندا في تلك اللحظه وقالت:احم ايوه يا الاء حقه زي ما هو حقك
الاء بخجل:اه احم ماشي انا اسفه اتفضل
سامر بابتسامه:ولا يهمك ثم سألها سامر ايضا نفس تلك الاسئله وكانت ترد عليه بابتسامه
وبعدها دلف الجميع وانسحبت شاهندا وبعد ان غادرت انفجرت في الضحك وقالت:اااه كنت هموت واضحك بس مقدرتش يا عيني عليك يا سامر هتتجوز مصيبه
عهد:اما تطلع بس
وبالفعل غادر سامر و والديه علي امل ان يتلقوا الموافقه بعد ثلاث ايام
قالت والده سامر:ما شاء الله يا سامر يابني ايه ده اخلاق وجمال وبنت عيله محترمه
سامر:طبعا يا امي مش هختار اي بنت يعني
فقال والده:ربنا يوفقك يابني ويوافقوا علي الجوازه وتتم علي خير
سامر:يارب يا بابا ...
بينما عند الاء بعد ان خرجت لهم توجه كل من حبيبه وشاهندا وحياه وعهد وكذلك شهد بضربها علي ما قالته وقالت عهد بغضب:يا دبش يا جمووسه انتي حد يهبب الي انتي هببتيه ده هتموتينييي
الاء:ااه يا جماعه مكنتش اعرف اهدوا بقي
غفران:بت يا لولو انتي صح يابت اوعي تسكتيله
الاء:حبيبي يا ابو الصحاب والله انتي اللي طلعت بيها من وسطهم
عهد:لا لا لا حد يلحقني هموت الحقوني يا بنات
وقام بتمثيل الوقوع فقامت كل من حبيبه وحياه بامساكها وقالت شهد بتأثر تمثيلي:عهد حبيبتي يا ضنايا عليكي يا بنتي عملتي فيها ايه يا الاء الجزمه انتي عهد فوقي يا حبيبتي عشان اللي في بطنك
عهد بغضب:اللي في بطنك يا حيوانه انتي كمان ابو شكلك
ضحكوا عليها كثيرا ثم دلف والد الاء الي الداخل وقال:معلشي يا بنات هعطلكم خمس دقايق شاهندا:اتفضل يا عمو
والد الاء:ها يا حبيبتي عايز اعرف رائيك
الاء بخجل:احم سبلي فرصه افكر يا بابا وكمان اصلي صلاه استخاره
فقال والدها:تمام يا حبيبتي براحتك وانا كمان هبدأ اسأل عنه واللي يريحك هيحصل
الاء:تسلم يا بابا
فقال:يلا اسيبكم انا...
...............................
في اليوم التالي في جامعه غفران كانت تجلس بالمحاضره بجوار شهد فقالت الاخري بخفوت:اووف بقي هتخلص امتي اامحاضره انا جعانه
غفران بخفوت هي الاخري:انا فاضل ثانيه والناس كلها تسمع صوت كلاب بطني مش عصافير
ضحكت عليها شهد بخفه ثم قالت:يارب الصبر من عندك
غفران:استحملي بقي فاضل حبه صغيرين
وبالفعل بعد بضع الوقت انتهت المحاضره فتوجهت كلتاهما لأحضار طعام من كافتيريا الجامعه ثم جلسا علي طاوله وظلا يأكلان ويتحدثان قليلا فقالت شهد:اه هو بقي قريب مني خالص من ايام الثانوي كمان فجأه لقيته اتغير وجه يتأسفلي علي انه كان مهمل معايا وبقت علاقتنا افضل............
قبل ذلك الوقت كان رامي يتحدث مع حسام في الهاتف فما زال علي علاقه به ولكنها ليست كالاول فقال الاخر:يابني ما تيجي دي هتبقي هيصه
رامي:حسام فكك مني انا بروح من الشغل تعبان ومش قادر
حسام:شغل واحنا من امتي بنعرف حاجه اسمها شغل ده احنا كنا اصيع اتنين في الجامعه
رامي:اديك قولت كنا واقفل بقي عشان ورايا شغل هكلمك بليل
حسام:سلام ياعم وانت خنيق كده
اغلق معه رامي ثم قال:ده انت عيل غتيت معرفش اتصاحبت عليك ازاي اما اروح اشوف حبيبه قلبي بقي عشان بقالي مده مش بشوفها...........
ونعود الي غفران وهي تقول:اه ربنا يديمكم لبعض يارب
فوجدت من يرد عليها قائلا:يارب من فمك لباب السما
شرقت غفران من الخضه بسبب انه ظهر فجأه وانها كانت تتحدث عنه
شهد بسرعه:اشهد ان لا إله الا الله يابني حد يخض حد كده
غفران وهي لم تستطع الكلام :ما مايه يا شه شهد
اعطاها رامي ماء سريعا ثم قال:اشربي بسرعه
ظلت شهد تخبط علي ظهرا بخفه حتي تهدا
ونظرت لرامي بغضب فقال:مش قصدي والله اخضها غصب عني
غفران:بعد ان هدأت:ولا يهمك محصلش حاجه
رامي:كويسه اكيد
غفران:اه الحمد لله
شهد:جاي ليه
رامي بكذب:جاي لواحد صاحبي هنا معيد
شهد:اه طب يلا روحله
رامي:طب كنت عايزك في حاجه الاول
غفران:طب عن اذنكم
رامي:خليكي مش حاجه خاصه
غفران وهي تنظر لشهد بغضب:لا شكرا عن اذنك
بعد ان غادرت غفران قالت شهد:يابني هتكون السبب في انها تقطع علاقتها بيا الله يهديك
رامي:غصب عني والله بتوحشني
شهد:يا رامي يا حبيبي ميصحش اللي انت بتعمله ده هي بتتنرفز جامد
رامي:خلاص هبطل اجي بحجج فارغه امري لله
شهد:ايوه كده الله يهديك وكمان اصلا حرام انك تكون بتحبها وتفضل تيجي وتحاول تتكلم معاها كده حافظ علي حبك في قلبك هي لو نصيبك فعلا فاستني وروح اتقدم
رامي:معاكي حق والله اول مره تقولي حاجه صح
شهد:خفه تصدق يلا امشي بقي عشان متأخرش عليها وبعدين نفسي اعرف ازاي بتيجي في نص اليوم بتاع شغلك
رامي:مهو انا بفلسع ساعه وارجع
شهد:نصاب يلا بقي امشي
رامي:طيب سلام بقي
شهد:سلام
ثم توجهت الي المكتبه فوجدت غفران شارده بشئ ما وحينما لمحتها نظرت لها بغضب فقالت شهد بسرعه:والله قولتله يبطل يحاول يتكلم معاكي خالص او الافضل انه ميجيش خلاص والله اخر مره اسفه
غفران بتنهيده:طيب يلا وانتي اخوكي ده معذبني
شهد:عارفه انا كنت مستغربه ازاي بتحبيه ومش بتوافقي ابدا تتكلمي معاه بل بيظهر عليكي قدامه انك بتكرهيه بس بعدها فهمت
غفران:وفهمتي ازاي بقي
شهد بكذب:يا غبيه مش لما اتكلمت مع اختك وانتي الوحيده اللي عارفه بالموضوع
غفران:ايوه صح معلش بس اوعي اخوكي يكون عارف
شهد:متخفيش والله
غفران:تمام يا قلبي.....
...........................
ها قد جرت الايام وسأل والد الاء عن سامر فشهد الجميع علي اخلاقه واخلاق عائلته فابدي موافقته وكذلك والدتها وافق وما يزال رائيها المنتظر
في غرفه الاء كانت تحادث الفتيات فقالت بخجل:الصراحه لما صليت صلاه استخاره حسيت براحه وقبول
عهد بفرحه:الحمد لله يارب الحمد لله
حياه بفرحه:انا مبسوطه اوي ليكي يا قلبي
شاهندا:ربنا يتمملك علي خير يا قلبي
شهد:مبروك يا لولو يا قلبي مبسوطه عشانك اوي
الاء:ربنا يديمكم ليا يارب
غفران:يلا نقفل بقي عشان تقولي لباباكي علي الخبر الحلو ده
عهد:صح يلا اقفلوا
اغلقت معهم الاء وفي ذلك الوقت دلف كل من والديها فنظرت لهم بخجل فجلسا بجوارها وقال والدها:ها يا حبيبتي قررتي ايه
والدتها بحب:تأكدي يا الاء يا بنتي اللي يريحك هو اللي هيحصل
والدها:ده حقيقي انا اتمنالك كل خير ولو علي العريس انا شايف انه مناسب ومحترم وموافق بس موافقتك اهم مني فعايز اعرف ردك عشان ادي للناس خبر
نظرت لهم الاء بخجل ثم قالت بخفوت:اللي تشوفه يا بابا
نظرت لها والدتها بفرحه شديده ثم قالت: مبروك يا حبيبتي
والدها:الف مبروك يا بنتي والله وكبرتي وهتتجوزي
الاء بخجل:خلاص بقي يا بابا
ضحك عليها قليلا ثم قال:ربنا يصلح حالك يابنتي يعني ادي للناس خبر اننا موافقين ويجوا يحددوا كل حاجه
اومأت بخفوت وخجل فقال بفرحه:علي بركه الله اما اقوم بقي اتصل تعالي يا ام الاء عايزك
فقالت حاضر جايه اهو يلا اسيبك يا حبيبتي
اومأت لها الاء ثم ابتسمت بسعاده وفرحه فهي في الاساس كانت سعيده منذ ان عرفت انه هو من سيتقدم لخطبتها..
بالخارج قال والدها سبيها عشان ممكن تكون مكثوفه شويه
والدتها:طب اتصل بالناس يلا اديلهم خبر
قام بالفعل بالاتصال بوالد سامر واخبرهم الموافقه وحددا معاد حتي ياتوا يوم الخميس ويتم تحديد معاد الخطوبه والشبكه كذلك فرح والد سامر بشده فهو كان يتمني مثل تلك الفتاه لابنه وبعد ان اغلق معه اخبر كل من سامر و زوجته بالامر فقام سامر باحتضانه بشده وقال:احلف يا بابا انهم وافقوا بتتكلم جد يعني هنروح يوم الخميس نحدد معاد الخطوبه ااااه قلبييييي هينط من الفرحه
والدته بسعاده شديده:الف مبروك يا حبيبي الف مبروك يا سامر
قام سامر بأحتضانها بشده وقال:وافقوا يا امي انا مش مصدق انا طاااير من الفرحه
والده بسعاده:الف مبروك يابني زين ما اخترت والله
سامر بشرود وحب :طبعا هي تبقي اي حد دي الاء وهي فعلا الاء من ربنا..........
................................
هووووب نوقف لحد هنا يا باشا عارفه انها حته مستفزه بس روح التشويق بقي وخلتها صغنتوته خالص اهي عايزه رائيكم بقي بلييز واتمني بالله عليكو تفاعل انتظروا الفصل القادم بأحداث جديده ومشوقه ايضا...
love you soooooo much🤍🤍❤❤😍