💂🔥#كرونيك_مرت_العسكري🔥💂#الجزء_06:قالي شوفي فيا طلعت راسي عطاني كف حسيت بضروسي تخلخلو هبطت راسي حكمني من شعري بيديه حسيتو قلعو من جدورو شفت في عينيه نار تخرج منهم عروقو كل برة قالي روحتي لعرس قتلو لا لا قالي مع من روحتي كي خرجتي قتلو مع بنات عمي قالي وين روحتو قتلو لبيتزيريا و حوانت قالي الهدرة لي قبتهالي تاع عطاك واحد نميرو كاينه منها قتلو نكدب قالي ديرونجاوك برا و دمنداوك سكت زاد جبدني من شعري بالقاوي قتلو اطلق شعري و اشبيك قالي اهدري لندبحك هنا قتلوا ايه ( انا كي نكون قدامو يحقق معايا مانقدرش نكدب عليه لشتا حاجة تاع توصلني للموت نستعرف بها منقدرش نكدب قدامو هو ديجا يخوف مكاش كفاه نكدب ) انا قتلو ايه هو طاح عليا بالكفوف كي نهز يدي نحامي على روحي ولا نخبي وجهي يضربني عليهم هو الكف تاعو برك يكسر لعظم جيت نايضة نهرب منو حكمني و هزني طيشني على سرير وكان عليا تقول مصارعة كفوف و دبازي حتى عيا قالي ماشي انا لي رجال تهاب تهدر معايا تجي نتي تكسري كلمتي و طيحي بقيمتي و قطعلي روبة وضربني بطريقه وحشية دار فيا حوايج لي علبالو مانستقبلهمش منو كي خلص دزني (طبعني) بيديه طحت من سرير فالرض كنت عرفت راح يطبعني كنت لاقيت يديا طحت على كتفي. 👍🔥🔥🔥🔥كي طبعني بيديه طحت على كتفي كون عولت راح يطبعني كون راني لاقيت يدي نضت نعيط من الوجع هو ماهتمش ڨاع بيا ناض لبس وخرج وانا ماقدرتش نوض بسيف باه وقفت شفت كتفي طايح وذراعي تدلا وعظم خارج برا وليت نعيط وكنت عريانة نحوس على حاجة نلبسها رحت نمشي بسيف من الطريحة لديتها وزيد مالفوق ماقدرتش نمشي رحت لخزانة جبدت بيجامة لبست سروال ولبست لاكات تاعها دخلت ذراع وأخرى ماقدرتش ندخلها رحت نمشي الباب نعيط على عجوزتي بالصوت ونبكي خرج سلفي طلع عندي على دروج قالي واشبيك قتلو كتفي وذراعي واقيلا نصلت هبطني قالي نخرج طوموبيل ونجي خرج شيخي وعجوزتي شافت حالتي هكذا ناضت تدعي على وليدها اول مرة تشوفها تدعي عليه راحت جابتلي بيل طويلة لبستهالي ودارتلي الخمار دخل هو على الباب لقانا هكذا جا يجري عندي واشبيك ضربتو وبعدتو عليا قتلو دك تطلقني جا سلفي قالي هيا داتني عجوزتي ركبتني من لور وهي معايا وشيخي من لقدام هو نحا لمفاتح لسلفي قالو هات انا لي نديها.....
