. 💂🔥#كرونيك_مرت_العسكري🔥💂
#الجزء_08:
تالمو تعب والطريق لي ما يساعدنيش وطريحة لي ديتها من عندو وزيد الوجع تاع كتفي رقدت مانضتش حتى لغدوا على 10 تاع ليل فطنت لقيت روحي وحدي فالشمبرة رحت غسلت وجهي روحت لكوزينة لقيتهم يتعشاو هو مكاش قلت لشيخي اديني لدارنا قالي كفاه راح لحال منا ومنا قتلو تدوني ولا نعيط لخويا وبابا يجيو قالي خلاص دك نديوك انا ومراد (سلفي) طلعت لفوق لبست بودي وجيب تاع لكوير و بوتس لبست فاست (بارد الحال)درت خمار ديت على ما صاكي فيه غير كوارطي برك مانحتاج والو من عندو وهبطت لقيتهم يستناو فيا جينا خارجين دخل هو شافني لابسة قالي وين قالو شيخ راح ندوها لدارهم قالي مكانش دار باباك ارجعي يالله قالو شيخي ماهيش حابة تبقى خليها تروح عندها الحق قالو قتلك مكانش مكانش دارها هنا تبقى هنا ماعندها وين تروح شاف معايا قالي هيا اطلعي لدارك هنا طرطڨت فيه قتلو ماعندي حتى دار داري راهي عند بابا ودك تطلقني كرهت منك ومن معيشتك طلقني كرهت منك قالي واشبيها معيشتي واش يخصك معايا تاكلي تشربي قاعدة دارك وحدك تلبسي غير الغالي
🔥🔥🔥🔥
ماهدرتش معاه قلت لشيخي اذا ماتدنيش نعيط لبابا قالو شيخي خلي نديها مراهيش حابة تقعد قالو والله ماتخرج رحت نجيب تلفون نعيط لبابا خطفو من يدي وقال شيخ والله ويديها واحد منا ولا يمدلها تلفون الدار نحرڨها وراح لصالو قعد شيخي قالي مانقدرش نديك مدام هو ماحبش حتى تلفون ماحبوش يعطولي يخافو منو هو علبالو هذه المرة لوكان نروح لدارنا و يعرف بابا و خويا و يشوفو حالتي مستحيل يخلوني نرجع وراح يطلقوني حتى اذا كنت حابة نرجع وليت رحت نحيت قشي دوشت و بلاكتلي سلفتي شعري و قعنا نحكو شويا حتى قاتلي انا نعست نرقد انا ماجانيش نعاس تالمو رقدت بزاف قلتلها اعطيني تلفونك قاتلي نخاف مالك قلتلها مراحش نعيط عطتهولي خممت نعيط من بعد خفت على سلفتي لوكان نعيط راح يضربها مالك بسبتي مسكينة وليت قعدة نتفرج زهرة ثالوث حتى دخل عليا كي شافني هازة تلفون جا يجري نحاوهلي حسباني نعيط لقاني نتفرج راح جابلي pc قالي تفرجي هنا قتلو اخرج عليا مانزيدش نشوف خليقتك واذا عندك ذرة كرامة طلقني شاف معايا و حطلي pc
