#الجزء_02 :ضربتو لصدرو بيدي ودزيتو وهو هنا هبل قالي تضربيني وطاح عليا بالسانتورة وليت ماننشافش من الدم وليت نعيط بالدم على بابا ويما وشيخي وعجوزتي يطبطبو الباب من برا باه يفتحلهم حتى طلع سلفي كسر لباب وتبهديلة سلفي جاو زوج صحابو من بعيد كانو بايتين عندو هما تاني طلعو يشوف واش كاين حتى دخل سلفي بعدو عليا وجات عجوزتي حظنتني وانا نعيط عيطو لبابا يجي يديني وجيت نايضة راح نهرب شافني هو كي نضت نجري حكمني ضربتو وبعدتو عليا وبقيت نعيط عليه جا سلفي خرجو من دار هبطو لتحتلبستني عجوزتي وهبطتني لتحت و ماحبيتش نسكت قتلهم تعيطو لبابا دك يجي يديني ولا تدوني هو ماحبش قالهم خلوها رحت لتلفون راح نعيط لبابا جا يجري نحاهولي ممبعد جا شيخي وسلفي حاولوني شوي شوي سكت داتني عحوزتني لدوش دوشت داتني لشمبرة تاعها رقدتني على فراشها تالمو ديت طريحة كبيرة وبكيت بزاف حطيت راسي رقدت ديراكت مانوضتش حتى سبعة تاع لعشية حسيت روحي كشغل كنت نحلم تفكرت واش صرا بقيت نبكي ونعيط. 👍🔥🔥🔥🔥 قتلهم عيطو لبابا جي يديني مالقاو كيفاه يديرو معايا كي عاد هو تم مايقدرو يديرو والو حتى هما يخافو منو قاتلي عجوزتي خلي غدوة كي يخرج نجيبلك تلفون بتخبية عيطي لباباك غدوة صباح هو خرج راح انا عيطت لخويا وجدت فليزتي ديت فيها ڨاع ذهبي والصوارد لي كان يعطيهملي(ديما مخصصلي مبلغ مالي ليا يقولي ليك وحدك ديري بيه واش تحبي وانا كنت نخبيهم كعاد هو يشريلي كلش ماحبيتش نفسدهم قلتلكم مدللني فوق لازم مي كي نغلط معاه نخلصها غالية قد مراه مدللني قد ما يعذبني كي نغلط معاه) ساعة و نص جا خويا لقاني هكذاك بقى حاير فية قالي واشبيك قتلو حكاية طويلة بقا يهاوش ويدابز ماحبش يروح قالي مانتحركش منا حتى نفهم واشبيك وانا ما بغيتش ندير لمشاكل لخويا بسيف باه حاولتو وجبتو معايا وصلت لدار بقاو مخلوعين فيا حكيت لبابا وخويا قالولي عندو الحق كي خرجتي بلا رايو مي كضربك هكذا كل واحد في طريقوارفعي عليه دعوة الطلاق خويا مابغاش يسكت قالي اليوم نطلع ليه نبردلها عليه بابا مخلاهش بسك خويا وراجلي لوكان يتلاقاو واحد فيهم يموت واحد فيهم يباصي وليت ضربت نح ونقولو انا لي غالطة وطيحتلو الهدرة ونحاول نقنع فيه بلي انا الغالطة الله غالب مانقدرش نزيد ندخل خويا في مشاكلي
