بابا/اسر كانت تلك كلمات اسر ووالده في نفس اللحظه التي التفت تلك الواقفه بجانب السرير لمصدر الصوت
اسر: مرات عمي محمد هنا ثم اتجه ليرحب بها اخبارك ايه
كريمه: الحمدلله بخير رجعت امتا من برة يااسر يابني
اسر من شهرين كدة
محمود: مرات عمك كانت جايه تشوف بنتها عملت حادثه ولحسن الحظ دخلت الاوضه الغلط
اسر: وهي عامله ايه دلوقت
كريمه: لسه مشوفتهاش يابني والله
اسر: استني هسأل في اي اوضه واتجهه للخارج بينما استمرت كريمه ومحمود بالحديث
كانت لمار واسماء بالفعل تعرفو علي بعضهم البعض بل اصبحو اصدقاء بالفعل
فلمار من النوع الاجتماعي ولديها الروح الجميله التي تجعل كل من يتحدث معاها يحبها
بجد انتي مش معقوله يالمار مش قادرة ابطل ضحك.. كانت تلك الكلمات التي اردفت بها اسماء
لمار: انتي بقيتي صحبتي وبكرة هعرفك علي باقي الشله الفاشله لازم تتعودي يااختشي متخافيش علي نفسك انتي ف ايد امينه
اسماء: انتي عارفه انك اول صديقه ليا هنا
لمار: انتي قمر واكيد عندك اصحاب كتير
اسماء: انا كنت عايشه في امريكا من ماما ونزلت هنا علشان اكون جمب اخويا وهقدم في جامعه القاهرة هنا
لمار: يعني انتي عايشه في امريكا وجايه تعيشي في مصر دة انا بحلم بس اخرج من القاهرة بس ا..
قاطع حديثها رنين الهاتف
هرد علي المكالمه دي وارجعلك
كانت تلك كلمات اسماء التي القتها قبل خروجها من الغرفه
ثم نظرت حولها بملل ماانا لو تليفوني معايا كان زماني بسمع مسلسل العودة النهاردة الحلقه الاخيرة
(مسلسل العودة دة مسلسل صيني مش المصري)
قامت من علي السرير اتجهت نحو الاريكه الموضوع عليها هاتفها وامسكت به وجدت البطاريه فارغه قامت بالقاءة علي الاريكه
اردفت لمار لنفسها: اليوم باين من اوله اوووف علي الملل
سمعت لمار صوت الباب يغلق: اخيرا جيتي ظنا منها انها اسماء ولكن حينما ادارت وجهها للباب
انت /انتِ كانت تلك الكلمه التي خرجت من اسر ولمار في تلك اللحظه
لمار وهي تتجه نحوه: انت بتعمل اي هنا انت بتراقبني صح
اسر:انتي بتعملي ايه هنا واراقبك ليه ان شاء الله انتي مين اصلا
لمار ببرود : اعمل اي هنا دي حاجه متخصكش انا واقفه في ارض الحكومه مش في بيتكم
ثانيا انا لمار محمد و قاطعها صراخ محمود وكريمه: اسكتو بقا
لمار وقد انتبهت لوالدتها وذاك الواقف: ماما اتاخرتي ليه يلا نمشي انا زهقت
كريمه: مش هتخرجي دلوقت وبعدين انتو تعرفو بعض منين
لمار: دة الكائن اللي طردني قدام الدفعه كلها
كريمه: هو دة كائن الخنزير اللي معندوش رحمه
نظر اسر لها بغضب بينما اردفت لمار بهمس لوالدتها: اسكتي ياكريمه هتفضحينا كدة هشيل المادة يالهوي سكتت قليلا ثم اردفت
انتي تعرفيه منين ياكريمه
كريمه وهي تشير الذي مازال واقفا علي الباب ينظر لما يحدث باستمتاع اسر يبقي ابن عمك محمود صاحب والدك الله يرحمه
لماربمرح: ياه ياعم محمود فينك ياراجل مش بشوفك من زمان تعال ياحودة جمبي دة انت ليك وحشه والله
ضحك محمود: نفسي تحترميني شويه واتجه ليجلس بجانبها
كل هذا يحدث تحت نظرات ذاك الواقف ولا يعلم ماالذي يحدث وكيف لتلك المدعوه لمار انت تتحدث بهذه الطريقه مع والده وهي قد تعرفت عليه للتو
اسر: انتِ تعرفي والدي من امتا
لمار: اه كان دايما بيزورنا وبيعتبرني بنته وهو زي بابا صح ياحودة
محمود: صح ياقلب حودة
لمار: بس ازاي القمر يخلف واحد زي دة
كريمه: لماااار احترمي نفسك ثم وجهت كلامها لاسر: معلش يابني متاخدش عليها دي هبله
اسربغضب يحاول اخفاؤه: واضح عن اذنكم ثم ذهب خارج الغرفه بل خارج المستشفي باكملها
