اسر: اعتذارك مرفوض
لمار: ليه حضرتك ايوة انا غلطت واعترفت بغلطي وجايه اعتذر المفروض حضرتك تقبل اعتذاري
اسر ببرود: صح انتي اعتذرتي اما اقبل اعتذارك او لا دي حاجه ترجعلك
لمار بغضب وصوت شبه عالي: لا كدة كتير اوووي حضرتك خليتها اوفر اوووي انا غلطت واعتذرت عايزني اعمل ايه اه قولي
اسر بغضب: صوتك ميعلاش عليا انتي فاهمه
لمار بغضب اكبر: لا مش فاهمه اتنيلت غلطت واعتذرت وحضرتك كمان غلطت ولازم تعتذر لا وكمان مش راضي تقبل اعتذاري اقولك الاوضه فيها اربع حيطان اغبط راسك في الحيطه اللي تعجبك بني ادم مغرور
اسر بهدوء انتي متخدليش محاضرات ليا تاني ولو مش عاجبك يبقي رفد نهائي
لمار بخوف : ولي امر وررفد نهائي
اسر: ايوة زي ما سمعتي
لمار: لا بالله عليك انا اسفه يا دكتور
اسر: انا قولت اللي عندي ويلا اطلعي برة مش فاضيلك انا
لمار: بس
قاطع كلامها
اسر بحدة وغضب: قولت بررررة
لمار: طالعه محسسني اني طالعه من الجنه
ـــــــــــــــــــــــــــــــــــــــــــــــــــــــــــــــ
لمار خرجت من عند اسر زعلانه ومش قادرة تكمل اليوم
ايه: لمار يالمار
وقفت لمار من غير رد
ايه: عملتي ايه
لمار: انا هروح ياايه نتكلم بعدين وسابت ايه ومشت
ايه: وهي تلحق بها: استني طيب هاجي معاكي
لمار: عايزة ابقي لوحدي شويه معلش ومشت
ايه وهي تنظر في اثرها يا تري ايه اللي حصل
هايدي: ايه اخيرا لقيتك فين ليمو هي لسه عند الدكتور اسر
ايه: لا
هايدي طيب عملت ايه
ايه: مش عارفه ايه اللي حصل هي طلعت ومشت ومقالتش حاجه بس باين انها زعلانه
هايدي: طيب هنعمل ايه
ايه: هخلص محاضرات واعدي عليها
هايدي: وانا هاجي معاكي
ايه: اشطا يلا المحاضرة هتبدا
بعد مرور 4ساعات
هايدي: اه يااني ياضهري اللي اتقسم
ايه: ضهري ورجليا اتكسروا اربع ساعات من غير بريك ايه الافترا دة
هايدى: دول كفرة مش بيحسوا
ايه: مين سمعك 😂 يلا نروح للهبله
هايدي: يالا
ووقفو تاكسي
السواق: رايحين فين.
ايه: شارع *********
بعد وقت ليس بطويل كانوا قدام بيت لمار رنت هايدي الجرس
فتحت يارا
يارا: ايوش اخبارك ايه وحشتيني اوووي وحضنتها
ايه: بخير الحمدلله والله انتي وحشاني موووت
يارا: مش تعرفينا
ايه: دي ياستي هايدي صاحبتنا في الجامعه
ثم توجه حديثها لهايدي : دي تبقي يارا اخت لمار
يارا: اهلا اتشرفت بمعرفتك
هايدي: انااكتر يا حببتي
الام: مين علي الباب يايارا
يارا: دول اصحاب لمار ياماما
الام: دخليهم ولا هتخليهم واقفين كدة كتير
يارا: سوري الكلام خدنا اتفضلو
ايه: هي لمار فين
يارا: فوق في الاوضه من ساعه مارجعت الاول تشربو ايه
ايه: ولا حاجه يا حببتي
يارا: مينفعش ياايه والله طب انتي وواخده علينا بس القمر اللي معاكي مينفعش دي اول مرة
ايه: احم اشعر انه تم الاستغناء عني
يارا بضحك: حصل 😂ها تشربو ايه
هايدي: متتعبيش نفسك
يارا: خلاص انا لسه عامله عصير مانجا هجبلكم
ايه: اشطا كدة وفي ايه عشا
يارا: دة مش ليكي دة للعسل اللي هناك
ايه طيب ليه الكسوف دة انا هطلع للمونه احسن
يارا: استني عايزاكم في الاول تقولولي ايه اللي حصل بالظبط
هايدي وايه ساكتين
يارا: انا ببكلمكم ردو عليا حصل ايه
قصت لها ايه ماحدث
يارا: وبعدين
ايه: منعرفش اكتر من كدة هو دة اللي حصل
كريمه جات بالعصير
كريمه: اتفضلو
ايه: طنط كرمله وحشاني اوووي والله
كريمه: انتي خليتي فيها طنط وبعدين لو وحشتك فعلا كنتي جيتي وسالتي او اتصلتي
ايه: معلش والله يا طنط بس انتي عارفه الامتحانات علي الابواب والدراسه واخده كل وقتنا
كريمه: ربنا معاكم يا حبيبتي يارب
ايه: يارب يا طنط ادعيلنا
كريمه: بدعيلكم والله وبتبص علي هايدي
كريمه: مش تعرفيني
ايه: سوري دي هايدي صاحبتنا في الجامعه
كريمه: ازيك يا هايدي عامله ايه
هايدي بابتسامه: الحمدلله اخبار حضرتك ايه
كريمه: بخير يا حبيبتي وبعدين ايه حضرتك دي انتي زي بنتي
هايدي بابتسامه: شكرا يا طنط
ايه بضحك: قوليلها طنط كرمله
هايدي: طيب هنستأذن احنا بقا
كريمه: خليكم قاعدين
ايه: لا الوقت اتاخر نجيلكم مرة تااني
كريمه: تمام هستناكم
قامت ايه وهايدي باحتضان كريمه ويارا وودعوهم وذهبو
ــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه لمار
لمار : اووف ايه الملل دة انا مش عارفه ايه اللي مزعلني كدة دة قاعده شبه المطلقه
اما اقوم اشوف حاجه اكلها
ومسكت شنطتها وطلعت منها شيبسي وبيبسي وبسكوت وشوكولاته وحاجات تانيه كتييير اووي وبدات تاكل
لمار بمرح : والله شنطتي دي ولا اكبر سوبر ماركت فيكي يا مصر انا هقوم اشوف اللي بيحصل تحت
فتحت باب الاوضه بالراحه وبدات وقفت عند السلم في مكان لا يراها منه احد
يارا: انا هطلع الاوضه ياماما
لمار وهي تجري : يالهوي يالهوي نسيت اشيل السوبر ماركت من الاوضه
دخلت لمار الاوضه وقفلت الباب بالمفتاح وبدأت تلم الاكل من علي السرير
لمار : لازم أبان منهارة دلوقتي علشان اصعب عليهم
يارا : لمار افتحي الباب انا عارفه انك صاحيه
لمار وهي تصطنع الحزن : عايزة اقعد لوحدي شويه
يارا: انتي قاعده من بدري لوحدك افتحي الباب بدل مااقول لماما
لمار : لالا انا هفتح
فتحت الباب وقعدوا
يارا : قوليلي ايه اللي حصل من غير لف ودوران
لمار ببكاء: انا كنت باكل كراميل وهو شافني وطردني من المحاضرة وزعقلي قدام الكل
لمار ببكاء: النهاردة روحت اعتذر منه ومقبلش اعتذاري وطردني وازدادت شهقاتها وقالي متحضريش ليا محضرات تاني واكملت بصوت متقطع وقالي لو شوفت وشك في محاضرتي تاني هتاخدي رفد نهائي
يارا:وانتي اكيد قومتي بالواجب وزيادة
لمار وبدات في البكاء مجددا:انا قولتله انا هعتذر وانت كمان لازم تعتذر
يارا:بس
لمار:ايوة وبدات تبكي (انها دموع التماسيح يا سادة 😂😂)
يارا: اهدي خلاص هنلاقي حل
كريمه: حل ايه ياام حل بقي دي اخرة تربيتي ليكي تروحي تتخانقي مع دكتور في الجامعه
لمار بخوف : ماما
كريمه: انتي هتروحي وهتعتذري من الدكتور
لمار: مش ىاضي يقبل اعتذاري
كريمه: اعتذري تاني وتالت وعاشر لغايه ميسامحك ولساعتها ملكيش كلام معايا
وسابتها ومشيت
لمارببكاء حقيقي هذه المرة فهي لا تستطيع تحمل زعل والدتها هعمل ايه دلوقت انا حسبي الله ونعم الوكيل فيك خيااسر ياابو طويله لازم تسامحني وانا هوريك هعمل فيك ايه
ثم قامت بالدخول للحمام وغسلت وشها وخرجت ثم اتجهت للفراش لتغط في نوم عميق دون التفكير في اي شئ
ـــــــــــــــــــــــــــــــــــــــــــــــــــــــــــــــ
في صباح يوم جديد ياتي علي ابطالنا
تستيقظ لمار علي صوت مزعج نعرفه جيدا نعم يا سادة انه صوت المنبه الخاص بها
لمار وهي تقوم لتاخذ ثيابها : يخربيت التعليم وسنينه فينك يا زوجي قرة عيني تيجي ترحمني من صحيان الصبح بدري والمرمطه دي
ثم تدخل وتاخد شاور وتصلي فرضها وترتدي ملابسها لتذهب لجامعتها وتعتذر من هذا الذي يسمي اسر
بعد وقت ليس قصير كان لمار تقف عند مكتب الدكتور اسر
لمار: استعنا ع الشقي بالله
ثم تطرق الباب وياذن لها بالدخول وهو مازل مركز النظر علي الاوراق التي امامه
لمار : انا جايه اعتذر لحضرتك يا دكتور اسفه غلطه ومش هتتكرر
اسر وهو ينظر لها : امممم سامحتك بس بشرط متدخليش محاضرتي طول السنه
لمار. : احلف كدة سامحتني لولولولي والنبي انت دكتور عسل لحظه انت قولت مدخلش محاضرتك طول السنه وانا انا كدة هشيل المادة احيييه ازاي
اسر وهو يكتم ضحته :اتصرفي و اطلعي برة يا هبله قبل مااغير راايي
لمار : روح يا ضكتور ربنا يكرمك ما يحرمك ويسعدك مايزعلك ويجبر بخاطرك زي مابتجبر بخاطر الولايا يارب
اسربعصبية : اييييه ماسورة واتفتحت انتي جايه تشحتي هنا اطلعي بررة
خرجت لمار وذهبت لمحاضرتها
بعد فترة طويله
لمار: اااااااه ياني ياضهري اللي اتقطم ياصغيرة ع المرمطه يالوزة ماما
ايه : شيلوكي الهم بدري يا حزينه
هايدي:هييح اخيرا خلص اليوم
لمار: قصدك خلص علينا حسبي الله ونعم الوكيل ف التعليم واللي عايزين يتعلمو
ايه : بقولكم اي ماتيجو نقضي اليوم سوا بكرة
لماربمرح : شطات يا صاحبي
هايدي اوك معنديش مانع
لمار : اول حاجه هتيجو عندي وبعدين نشوف هنعمل اي
ايه وهايدي : اوك
هايدي : اتكل انا بقا علشان اتاخرت والحق اقنع ماما
لمار: اشطا يااسطا
ايه : واحنا كمان يلا يالمار ولا هتباتي هنا
لمار : يلا يااختشي
ـــــــــــــــــــــــــــــــــــــــــــــــــــــــــــــــ
لمار: ماما ماما ماماتي قلبي روحي داوي جروحي حياتي
كريمه : امممم اي مصيبه النهاردة يااخرة صبري
لمار : تعرفي عني كدة
كريمه : انا معرفش عنك غير كدة
لمار: وة الحق عليا جايه اقولك الدكتور سامحني
كريمه : واي كمان
لمار : بس كدة واحم يعني ايه وهايدي جايين وهنطلع سوا
كريمه : انا قولت انك عايزة حاجة برضو
لمار: حبيبي اللي حافظني
كريمه : روحي غيري هدومك يكون الاكل جهز
لمار: اشطا
في الاوضه عند يارا
لمار: يااااارااااا
يارا: يخربيتك يا جموسه وداني اتخرمت يا متخلفه
لمار : انا مالي يالمبي وبعدين انا عايزة افهم البعيدة بتذاكر اي وكليتها هتفتح الاسبوع الجاي ها عايزة افهم انطقي يابت
يارا: اييييه اسكتي شويه بذاكر علشان ميتراكمش عليا لما تبدا الدراسه
لمار : دحيحة اووي انتي
(انا بنحج بالعافيه والله هاتي سر الروح الدحيحه اللي عندك دي 😂😂😂😂😂)
ياراوهي تخمس للمار : خمسه خمسه ف عينك
لمار: ياشيخه اتوكسي ملقتش غير المذاكرة اللي هحسدك عليها
يارا: طيب يلا يافاشله غيري وحصليني
لمار: طويب يااختاه الا اقولك صح البنات جايين بكرة اجهزي علشان هنطلع سوا
يارا: اوك
لمار: اشطات
ـــــــــــــــــــــــــــــــــــــــــــــــــــــ
كان اسر قد انهي عمله وعلي وشك الخروج لكن اوقفه صوت هاتفه
اسر: ايه
الشخص: ......
اسر: ساعه واكون عندك
ثم اغلق الهاتف وذهب بسرعه كبيرة
#ياتري مين اللي كان ع التليفون
#وقاله ايه
#وايه اللي هيحصل مع اسر ولمار
