عشكوج الشيوخ يالترفه🦅🔥

بارت33 "والاخير"

"إن الروح إذا إلتقت بمن يشبهها ،
ترمّمت ، وتعافت ، واكتملت🖇️❤️".

قراءه ممتعه &&

꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷꒷꒥꒷

عضيد &&

انه عضيد ابن صاحب شركات ازياء واخو عمار عمري حاليا سته وعشررين بدت قصتي من انه صغير ابويه مزوج قبل امي وماتدري امي لحد ما درت وبوقتها من الصدمه ضربتها جلطه ومن اثرها ضلت كم شهر نايمه بالفراش بعدها حطت راسها وماتت

جنت انه عمري تلطعش ..وهنا ابوي ماعافني ابد واشوف ابن ابوي شلون حاد سنونه عليه لان مدللني اكثر منه ورغم هو مو صغير ..

لحد ما مره خطفني وهنا بدت مرحلة العذاب النفسي والجسدي .. عذبني انواع التعذيب لحد ما مره كدرت اخدع الحرس واشرد وبوجهي لشركة ابويه بس للاسف لزمني عمار وصار يضرب بيه

وهنا فجاه ضهر منقذي وضلعي هذا .. سفرني لهولندا وهناك بديت مرحله جديده بحياتي وحالف عمار مايصيرلي اخو لو تنكلب الدنيا

دخلت جامعه وخلصت وبين مطلع تعييني اشتغلت بشركاته لصكر وانه جنت ذكي فانشهرن شركاته هناك

لحد ما مره دز عليه صكر لامر مهم رجعت للعراق بعد فراق دام اهدعش سنه ..

وطلعت جيتي عل خالي بلاش .. وهنا قررت ابقى بالعراق وادير الشركات اللي هنا .. فد مرا كلت اسلم على اهل صكر هو حسب ما كال شيوخ فعجبني اروح وازورهم ..

لهناك ومرتين يدخلن نسوانهم ..ومستحيل ارفع عيني عليهن ..

المهم هنا بديت اكون صداقه وي عائلة صكر ..لحد ما مره صكر ونخاني

صكر .اريد من الله ومنك توصل عمتي وبتها لبيتنه واتصور تندل بيت علي وعمار

عضيد .لا توصي رايح واندل تدلل

صكر .مايدلل عليك ابن الكلب

ضحكت وسديته ورحت عليهن .. دكيت هورن بسرعه طلعلي ..سلمت عل مرا الجبيرا وبعدها انطلقت ..

وبنص الطريق اجت عيني عل مرايا وطلعتلي بنيه دخيل ربها تضوي وعلي ..تلاحكت نفسي ونزلت عيني تذكرت هي منو ..

وصلتهن ونزلن وبعدهن ماوصلن للباب وسمعت ثنين يحجون

.ولك ولك باوع الجمال اووف اذووب انه

.اليه هااي اتصور بت عمته لصكر امشي ولك خنولي عود ناخذ رقمها بغير وكت

شني جا وغيرتي ونخوت صكر ،، مامرجيه مني اسكت ..

نزلتلهم وطبكتهم ثنينهم وهمه تنفخ عليهم يطيرون ..لحد محسيت التمت علينه الناس وعفتهم ..

باوعت لهذه هي وامها واكفات بعدهن ومبينات خايفات

رحتلهن .فوتن يابه ماصار شي