البارت الخامس عشر
نصف جناني الآخر
#ايزيس
أسر صحي بتعب ...هنا انتي جيتي يا حبيبتي هي الساعة كام
هنا بصت له بصدمة وحطت أيدها علي وشه بتمسح الروج وقالت ....ايه اللي انت عامله ف نفسك دا
أسر مسح وشه لقي روج كتير ...بص في المراية
أسر .....ايه دا ..هنا أنا مش فاكر حاجة
هنا ....بصت بصدمة لقيت الصور ع السرير
مسكتها
واسر كمان قرب يشوف الصور وانصدم من اللي شافه
أسر اتكلم بصدق ...هنا والله ما عملت حاجة انا مش عارف ولسة هيكمل كلامه هنا قطعته وحطت أيدها علي بقه وقالت وهي بتعيط ... أنا مصدقاك يا أسر أنا بثق فيك
أسر باستغراب من رد فعلها ...طب بتعيطي ليه يا حبيبتي أنا بجد مش فاكر حاجة
هنا حضنت أسر جامد وعيطت اكتر أسر كمان حضنها
وبعدين بعدها عنه وبيمسح دموعها
أسر ....هنا أنا اخر حاجة فاكرها فنجان القهوة اللي شربته وبعدها مش فاكر ايه اللي حصل
هنا ...بس انا عارفة ايه اللي حصل أنا سمعت صافي وجيجي بيتفقوا ع الخطة بس ماكنتش عارفة هينفذوا امتي
أسر ...قلتلك يا هنا بلاش تتحديهم هما مش ساهلين ...بس جيجي زودتها اوي وانا هانزل اطربقها علي دماغها هي واختها كفاية لغاية دلوقتي
هنا مسحت دموعها وقالت ...أوعي تعمل كده يا أسر الصور بتبين ان انت اللي بتبوسها مش هي و بابا خالد ممكن يصدق انت عارف انا بعيط ليه عشان مش عارفة كان ايه اللي ممكن يحصل لو ما سمعتش خطتهم ياتري كان ممكن الصور تخدعني
أسر ...هنا أنا عايزك تثقي فيا أنا فعلا مش ملتزم في ديني بس عارف كويس اوي أن الزنا من الكبائر والحمد لله عمري ما عملتها ولا هاعملها ابدا عشان كده لو حصل اي حاجة بعد كده لازم تكوني عاقلة زي دلوقتي
هنا ....اكيد يا حبيبي ..بس سيبني ارد عليهم بطريقتي ونعاقبهم
أسر حضنها وقال بمشاكسة ...نعاقبهم زي عقاب زين الجارحي
هنا ضربته ف كتفه ...لا عقاب زين الجارحي دا ليا انا وبس
أسر غمز لها طب ما تيجي اعاقبك دلوقتي
هنا بعدت عنه .....لا فيه ناس تاني لازم تتعاقب ادخل خد شاور وامسح الأرف دا وبعدين اقولك نعمل ايه
جيجي وصافي قاعدين اخر انبساط ومستنين علي نار يعرفوا اخر الاخبار بين أسر وهنا
وفجأة أسر نازل ع السلم وماسك هنا من خصرها وبيضحكوا
جيجي وصافي ...😳😳😳
خالد ...اخيرا يا أسر باشا شفنا وشك م الصبح
