البارت الثامن عشر
نصف جناني الآخر
#ايزيس
هنا كانت ماسكة بيضة وفجأة سابتها وانهارت بكا لما افتكرت أسر
سليم حضنها وقال ...أنا بكره أسر عشان زعلك
هنا منهارة ...أنا اللي زعلته يا سليم أنا اللي زعلته أنا بحبه اوي
.....وانا بعشقك وربنا انتي كل حياتي بس قولي زعلتيني ليه بقااااا احكي يا هنا روحي
هنا بصت بصدمة...أسر ..أنا ...أنا مش قصدي عليك انت أنا قصدي بحب زياد
أسر قرب منها مسك دراعها شدها وقفها قدامه واتكلم بغضب
أسر ...هناااااا ما تختبريش صبري لو كررتي الجملة دي مرة تانية هتشوفي حاجة مش هتعجبك
هنا بتحاول تخلص دراعها من أيده ...أنا قلتلك طلقني انت ليه مش بتفهم
أسر بيحاول بتحكم ف غضبه مسك أيدها بهدوء وقعدها وقعد جمبها
أسر بهدوء...هنا احكيلي ايه اللي مخوفك صافي هددتك قالتلك أنها هتئذيني أو تقتلني ولا قالتلك هتقتل حد من أهلك أنا عارفها بس ما تخافيش انا معاكي اتكلمي يا حبيبتي
هنا بتفكر...انت حتي مش قادر تتخيل هي عملت ايه اومال ازاي هتتقبل الحقيقة أنا مش ممكن ادمرك يا أسر أنا عارفة اني لو قلتلك هتسامحني بس اكيد هتقتل معتز وتضيع نفسك عشان كده مش لازم تعرف
أسر وهو بيشاور قدام وش هنا...روحتي فين ايه قررتي تحكيلي صح
هنا ...أنا معنديش حاجة أقولها.. وصرخت..معنديييييش
محمد كان بيتصنت و دخل لما سمع صراخ هنا ...أسر تعالي عايزك شوية
محمد واسر واحمد دخلوا مكتب محمد وقفلوا علي نفسهم
زينب وسليم كانوا مع هنا بس كلهم ساكتين
وبعد نص ساعة خرجوا من المكتب
اسر دخل عند هنا وطلب من الكل يخرج
أسر قرب وقعد جمبها ع السرير ..هنا لآخر مرة بقولك احكيلي اللي حصل معاكي
هنا.......مافيش رد
أسر ...تمام انتي عايزة ايه دلوقتي
هنا ...طلقني
أسر بكل برود ...انتي طالق
هنا انصدمت ودموعها نزلت...ا انت تطلقتني صح
أسر ...صح 🙄
بتعيطي ليه مش هو دا اللي انتي عايزاه
هنا بتمسح دموعها ...دي دموع الفرح علي فكرة
أسر ...اوك أنا ماشي ..
هنا لسة بتعيط ..أمشي فاكرني هاقولك اقعد ولا ايه ..احنا مش بنستقبل غربا ف بيتنا
أسر ابتسم بس رجع لوضع الجد بسرعة .. اوك ووقف وخرج
وهنا انهارت بعدها
