البارت الثاني والعشرون (والاخير)
نصف جناني الآخر 😂
#إيزيس
مر حوالي شهر الامتحانات خلصت
وجيجي بتحاول تأقلم نفسها علي حياتها الجديدة وفي يوم كانت بتاخد شاور وفجأة
واحد يدخل اوضة نومها من البلكونة ومعاه مسدس موجهه ناحيتها وهي لسة خارجة م الشاور
جيجي اتخضت وقالت ..م معتز انت مامتش
معتز قرب منها ولسة موجه المسدس ناحيتها ...كنتي عايزة تموتيني يا بنت ال**** .. ليه انا عملت لك ايه جزاتي انك اني قلتلك هاصلح غلطتي اللي هي كانت غلطتنا احنا الاتنين ..بس لا أنا اللي هموتك دلوقتي
جيجي بتعيط ..والله ما كان قصدي ما قدرتش اتحكم في الفرامل يا معتز ابوس ايدك ما تموتنيش
تحت العمارة اللي فيها شقة جيجي
....الو ايوا يا باشا واحد بنفس المواصفات طلع الشقة دلوقتي
...اطلع وراه يا حيوان انت لسة واقف احنا جايين مسافة السكة
*عند جيجي
جيجي بترتعش لانه مصوب المسدس علي راسها...معتز استني أنا حامل
معتز...نعم يا روح امك دا اللي هو ازاي يعني انتي بتضحكي عليا
جيجي ...والله يا معتز أنا حامل منك ولحظة هجيبلك التحليل وفجأة يدخل واحد يضرب معتز علي دماغه بالمسدس
بعد فترة
خالد واسر وصلوا شقة جيجي
معتز مربوط ف كرسي وبدأ يفوق وجيجي بتعيط
معتز فتح عينيه بتعب ...خالد باشا هما اللي خططوا لكل حاجة أنا برئ
خالد ...أنا عارف كل حاجة ..اسمع يا معتز عندي ليك عرضين اختار اللي يريحك
الاول انك تتجوز جيجي لأنها حامل منك احنا اكتشفنا أنها حامل لما أغمي عليها في السجن وطبعا هي حكتلي كل حاجة وقالت لي انك والد الجنين
التاني بقي اني ابلغ عنك البوليس بتهمة الشروع في قتل جيجي
معتز فكر و قلبه رق هو طول عمره وحيد ومالوش هدف ولا عنده عيلة ليه ما يديش لنفسه فرصة يعيش صح ويبعد عن حياة الضياع اللي كان عايشها ويعمل أسرة هو وجيجي وطفلهم
معتز بص لخالد وقاله...أنا موافق اني اتجوز جيجي عشان طفلنا
أسر بتحذير... طبعا انا مش ناسي انك مشترك ف اللعبة القذ*رة اللي عملتوها علي مراتي واللي سكتني عليكم انت وهي بابا وإصراره أنه يعمل منكم بني ادمين بأخلاق وضمير ..عشان كده أنا هخليك تمسك فرع شركة الأدوية في المانيا وتعيش هناك انت ومراتك
معتز بفرحة ...موافق طبعا يا أسر باشا دا كرم من حضرتك
خالد اتصل ع المأذون وكتبوا كتاب معتز وجيجي عشان يبدأوا حياة نقية بعيدة عن كل الحرام اللي كانوا غرقانين فيه ويستنوا ولادة أمل جديد ينور حياتهم
