احببت فصيلتي الصغيرة

الجزء الثالث

رائد: ورا ما طلعنا من اهل الولد الي دعمًً اخوي وصلنا للبيت وجان التعب علينا حيل طبعاً مكتلكم اني الي راح ازوج الفصيله
وصلنا للبيت ولكينا البيت هوسة لان جان مسوينه عزيمه لخوي الي توفه وعدنا عمامي وخوالي
امي: يمه رائد شكالولك اهل الولد
رائد: يمه انشألله الاسبوع الجاي نروح نجيب الفصيله
اخوي: بس مكلتلنه منو راح ياخذ الفصيله
رائد: اني الي راح اخذه......والكل باوعلي بصدمة
رائد: ليش مستغربين ....؟
امي: بس يمهُ انته مزوج
رائد: لعد يمه منو راح ياخذه ابن الجيران مثلاً ويما ترا اخواني همات كلهم مزوجين واني الجبير والي اخذه ومحد قبل ياخذه بس اني وافقت
امي: هااا يمه لعد موفق بس ديربالك عليه واخوك ترفه وكلشي قضاء وقدر
رائد: يي يمه نشالله يلا اني طالع للمضيف مع السلامه
امي : الله يسلمك دربك ميسر يعمري
منار: طبعاً من عرفت رائد راح ياخذ الفصيله تخبلت ورحت وعفته يحجي ويا عمتي تخبلت كلت شلون ياخذ الفصيله وهوة مزوج مناقصه شي اولاد وعنده وراها لحگني للغرفه
رائد: شبيـچً منار
منار: شبيه يعني ششوف مثلًا وحجيتها بصوت عالي وشنو تاخذ الفصيله
رائد: اول شي صوتج نصي لا اكص السانچ وثانينً اني الجبير والي راح اخذها
منار:شناقصني اني و اولاد وعندك ومناقصكً شي وخلي واحد من اخوانك ياخذه ليش اله انته
رائد: مناقصجً شي حبي واني اخذه مايصير لان اني الجبير ولاتبجين ادموعج غاليه يعمري
منار: خاف تتغير عليه وصير بعد ماتحبني
رائد: شهل حجي حبي والله اعدل بيناتجنًً ومازعلج بشي بس اريد اطلب منج
منار: اطلب رائد
رائد: اول شي اذا اجت صيري انتي وياها خوات ولاتكرهينهة وكونن متفاهمات دائماً واصحاب
منار:تدلل والله وشنو اني جاهل حتا اتعارك وياها واصير اختها انشالله ماقصر بشي
رائد:عفية حبيبه وانتي معزتجً خاصه بگلبي يلا حياتي طالع للمضيف سلام
منار: مع السلامه عمري
منار: انشالله مثل ما طلب رائد اصير اختها الفصيله وماقصر وياها بشي
ريتاج: بعد مانداني عمي ودخلت ويا للمضيف كلبي كام يوجعني وفتت دخلت .......
جدي: أريد اطلب منج طلب ريتاج
ريتاج: تفضل جدي
جدي:اريدج انتي ترحين الفصيله لان تعرفين عماتجً يدرسن وداخلاتً جامعه وماكو بس انتي بعدج صغيره وانتي حتا مو شاطره بلدراسه
ريتاج: بصدمـــة شنو وليش الا اني وحتاا اذا داخلات جامعه وشنو يعني وبقت رزان لاتدرس ولا شي خليها تروح واني ادرس وماريد اروح
عمامي: لا تراددين الكلام وتروحين غصبن ماعنج
ريتاج: ابوي مداوم ضابط وهوة موهين مداوم واجا بقه 3 ايام ورجع لدوامه وعرف سالفه الفصيله بس مايعرف انو بنته راح تروح فصيله
ريتاج: والله اني ماروح وهوة حتا مو اخوي وما اصل ايلا هناك وشيريد يصير خلي يصير
عمامي: تروحين غصبن ماعنج
جدي: اني ضلت عندي رزان وهيه الصغيره مالتي لذالك ماكدر اخليها تروح فصيله وانتي الي راح تروحين وانتها الحجي
ريتاج: بس رزان مو اصغر من عندي واني عمري 14 بعدني صغيره
جدي: خلاص انتهااااً الحجي انتي الي راح تروحين فصيله وبلا كلام زايد
ريتاج: كلت والله ماروح ومالي دخلي بلموضوع
عمامي: كامو ضرب عليي لحد منهوني نهي من الكتل لحد مطبت امي عليهم وانقذتني منهم وكامو يغلطون غصبن ماعليج ترحين يا ساقًـ....
ريتاج: ابجي بحضن امي يمه ماريد اروح اني شدخلني بلموضوع وامي حاضنتي وتيجي ماتكدر تحجي وامي وابوي مايكدر يعارضون لان اذا جدي قرر ماحد يوكف بوجهة
وضليت حابسه روحي بلغرفه نهارين لا اكل ولا شرب بس ابجي لحد ماجت امي صاحتني لان جانن مسيرات عدنا عماتي الي مزوجات وعمامي العازلين وطلعت وعمامي كالو حضري نفسج بعد 3 ايام يجون ياخذونجً وكمت ابجي كتلهم ماريد اروح هية كوه
واجاني عمي حتااا يضربني ويكلي تنجبين وغصباًً ماعليج ترحين
وكامن يباعن عليه عماتي ونسوان عمامي ويضحكن بستهزاء
وخلصن الـ3 ايام وهماا الي اجو حتا ياخذوني وطبعن لبست هاذا البس👇

بس ما لبست مناضر عيببببب شعندي ورحت وباوعلي نسوان عمامي وعماتي ويأشرلي بيباي ويضحكن بستهزاء
وامي ميته بجي وابوي مايكدر يسوي شي بس امي نطتني رقمها وكالت اذا جابولجُ تلفون عود خابريني وطمنيني عنج ودعت امي ورحت وياهم

رائد: بعد ماودعت منار ورحت للمضيف وهناك جانت تجيني اوادم هواييي يعزون بيه وبعضها عدها مشاكل ويجون ياخذون الحل مني لان تعرفون اني الشيخ
وحتااا البيت مطبيته ولا شفته وجانن الـ3 ايام مخلصها بلمضيف البيت ادخله الساعه 12 او 1 بليلً واكعد من ال6 علماً اسبح واتريگ الا صايره بلـ7 واطلع للمضيف وجنت واكف دا البس ساعتي واجت منار
منار: صباح الخير
رائد: صباح النور لهل النور
منار: اممم شعدك تتغزل صاعده عندك هرمونات الغزل اليوم
رائد: هههه لا بس هيج لحالي اشو ضعفانه وصاير وجهج اصفر شبيج بيج شي
منار: لا مبيه شي الحمدالله
رائد: اها عرفت السالفة شكلج غايره لان راح تجي الفصيله هاي بعدها ما اجت وصرتي هيج لعد لو اجت شيصير بيج
منار: لا اني ما اغار من احد يي خليها تجي حتا شوي ساعدني
رائد: لا مبين هلشي يلا مبقاا شي وتجي واني طالع للمضيف سلام
منار: مع السلامه
رائد: ضليت هلـ 3 ايام بلمضيف وكال عمي باجر انشالله نروح نجيب الفصيله
رائد: انشالله عمي
رائد: رحت للبيت تعبان وباجر اكعد من الصبح علمود نروح نجيب الفصيله ورحت لفيت راسي ونمت من التعب
كعدت الصبح تريكت واسبحتً ولبست ساعتي والعگال ورحنا علمود نجيبها وطلعنااً 6 سيارات لگزز سود والحمايه ويانا لان احنا ناس معروفين وصلنا لبيت اهل الفصيله ونزلنا سلمنا علا عمامها وراها اجو عمامها جابوها شفتها سبحان الخلق العيون ملونات يخبلن والوجهً ابيض وانوب لابسه شال سبحان الله شطالعهً ولبستها طويل ومستور عكس بناتنا واخذنا الجنط من عمها وركبنا اني وياها للسيارة واحد من الحمايه يسوق بس الطرق كله ماباوعت بوجهي وبس عيونها ينزلن دموع بس مطلعت صوت ابد وجانت صغيره حيل وصلنا لمطعم كتلها انزلي خلي ناكل شي مقبلت ورحت جبت اكل ونطيتها واكلت شويه وكلت بس اصل البيت اعرف شكد عمرها وصلنا البيت

...... يلاااااا حبايبي صعدو القصه علمود انزل الجزء الرابع ونشالله باجر اطلعلكم تشبيه صور لابطال القصه
بايييييييييي احبكمممممم💗