احببت فصيلتي الصغيرة

الجزء الثاني

رائد: جنت كاعد بلمضيف اجاني اتصال كالو تعال للمستشفى اخوك الصغير مدعوم رحت وصلت المستشفى شفته حالته خطرة والدكاتره كومه عليي ماعرف حتا شلون وصلت المستشفى وراا نصف ساعه اجو اهلي وأمي دگ وتلطم وراها ب 3 ساعات طلع الدكتور كال البقية بحياتكم حاولنا بكل جهدنا ومكدرناً ننقذ المريض لان الضربه حيل قوية ع راسه اني كال هيج لو وكع جبل ع ضهري لان جان اغله ما أملك وجان عمره 18 سنه وراها سوينه الفاتحه ورا الاربعين مال الفاتحه رحنا ع اهل الولد الي دعم اخوي جانو من غير محافظة طلبنااً الفصل مره و 150 مليون
ريتاج /اني بنيه ادرس ثالث جنت داروحً استلم النتيجة مال اخر السنة واستلمته وجنت ناجحه وكلت عود اروح ادبي لان طاح حضي بلثالث وجيت لكيت البيت مكلوب عرفت عمي داعم واحد من اربيل لان جان طالع سفره ويا أصدقائه والولد متوفي خطيه نقهرت حيل علولد وعمي اعزب يعني حينسجن ورا الاربعين مال ولد كالو انو اهل الولد راح يجون حتا نعرف شحيطلبون فصل وجنا جاي نضف لان راح يجون وراها آجو هوايه رياجيل وشيوخ وراها من طلبو الفصل راحو وعرفت طالبين الفصل مره و 150 مليون وعمامي ضلو يتوسلون انو ماعدنا مره بس مقبل كالو الا مره وضلينا نبجي لان وحده من عماتي راح تروح فصيله وكالو اسبوع ونجي ناخذ الفصيله
وشبعنا قهر وجدي وعمامي مايعرفون شيسون لان عدنا عماتي 3 عزبات
و 3 مزوجات وحده من عماتي مواليد 1998 والاخره مواليد 2001 والاخره مواليد 2002
وماعرفنا منهو راح تروح ......
وعمي سحبو الشكوه عنه....لان راح ياخذون مره بدال ابنهم الي توفه وعمي طلع من السجن ..... واهل الولد مو من هنا من اربيل يعني صعبه تروح وحده من عدنه لمكان بعيد وغير محافضه لان احنه مو من اربيل من الديوانيه
طبعاً صار تغير بمحافظه البنت البنت اصلها مو الديوانيه من غير محافضه بس بدلت محافظتها ام الولد لا صحيح من اربيـل
وعماتي مقبلنً يروحن فصليات لان يدرسن عمتي مواليد 1998 تدرس هندسه كيمياويه
وعمتي مواليد 2001 تدرس صيدله اما عمتي مواليد 2002 ماتدرس لان متحب الدراسه ودائما تهتم بنفسها و 24 ساعه حاطه ميكب وكاشخه وجدي رايد من عدها تكمل دراســه و مقبلت
وهيه كالت من هسة اني ماروح فصيله كالت جمالي واناقتي تاروح فصيله
وراها بشويه كامو عمامي وجدي يحجون بس ماعرف شجاي يحجون
وراها صـارت الانضار عليه بس ماعرف ليش
وعماتي كالن خلي ريتاج تروح فصيله....
بس اني كتله ليش اروح فصيله اولاً لا اخوي وهذن خواته يروحن
واني احب اكمل دراستي صح اني مجنت شاطره بس احب الدراسه
وعمتي الي مواليد 2002 اسمها رزان
كالت لاوالله انتي روحي فصيله اني جمالي واناقتي تاروح فصيلهً وكامت تحجي خلي ريتاج تروح فصيله
وكتلها والله ماروح اله انتي تروحين وصار عياط بيناتنا ...
وعمامي كامو يصيحون علينه
وراها بنص ساعه اجه عمي صاحني كال تعاي ابوي بريدج
وطبيت وجدي كال بنتي اريد اكلج موضوع..........

اريد حماس ع الجزء الثالث
وشتوقعون شنو الموضوع الي راح يكوله جد ريتاج ل ريتاج

يلا حبايبي انتضرو الجزء الثالث
احبكممم 🤍🤍🤍🤍🤍