༺ ආයෙමත් ආදරෙන් ༻ ✓

Episode 25

❤️ සතුට ❤️

        කාලය ගත වුනා...ටිකක් නෙවෙයි අවුරුදු තුනක්ම ..චූටි දූ මැණික දවසින් දවස වැඩෙද්දී ඒ දිහා බලන් ජාන් යීබෝ සතුටින් කාලය ගත කරා..

  අතට ලැබෙද්දී දවසක් වෙච්චි චූටි කෙල්ල දැන් ලොකු වෙලා..දරුවෙක් බලාගන්න කිසිසේත්ම නොදන්න ජාන් යීබෝ දැන් ඕනෑවටත් වඩා දරුවව බලා ගන්න දන්නවා..

   චූටි කෙල්ල මුලින්ම පෙරලෙද්දී ජාන් උන්නේ කුස්සියේ...යීබෝ උදේ ඔෆීස් යන්න ලැස්ති වෙනවා..කෙල්ල එක පාරටම ඩබහ් ගාලා පෙරලෙද්දී ඒක දැකලා..මේ සිද්දිය ගැන නොදන්න යීබෝ හොදටම බය උනා..

  බනී..අනේ එන්නකෝ..චූටි මැණික පෙරලිලානේ..ඔලුව උස්සන්නෙත් නෑ හරියට..

යිබෝ ලෑස්ති වෙන නිසා දරුව ගන්නත් බෑ..ගත්තොත් ජාන්ගෙන් බැනුම් ඉවරයක් නෑ..ඒ නිසා කෑගැහුවේ..ජාන් දුවලා ඇවිත් හිනා වෙද්දී ..යීබෝ හොදටම රවනවා..එදා තමා ජාන් යිබෝට කියල දුන්නේ චූටි දරුවෝ ඔහොම පෙරලෙනවා කියලා..තාම ඔලුව උස්ස ගන්න බෑ..බරට..ඒකයි ඔලුව පාත් කරන් ඉන්නේ කියලා..

ඒත් දවස් කිහිපයක් යද්දී කෙල්ල හරි ලස්සනට ඔලුව උස්සන් වන වන හිනා වෙද්දී ..ජාන් කෙල්ලව ඇදේ නොතියා බිමින් පැදුරක් දාල තිබ්බේ යැන්ලි කියපු නිසා...

චුට්ට චුට්ට කෙල්ල බඩ ගගා ඉස්සරහට යද්දී ජාන් යීබෝට දරුවා වඩා ගන්න තහනම් කරේ..කෙල්ල අතට හුරුවෙන නිසා..ඒ වට නම් ජාන්ට පනිශ්මන්ට් හම්බවුනා..ඒවා දෙන්නගේ ආදරේ උතුරලා යන පනිශ්මන්ට් ..

  බඩ ගගා උන්නු දූ පැටියා වාඩි වෙන්න යද්දී දවසක් කෙල්ලගේ ඔලුවත් වැදුනා..එදා ජාන් මිදුලේ..කෙල්ක උන්නේ යිබෝ ළඟ තියලා..කෙල්ල හූ තිය තිය අඬද්දී ..යීබෝ ජාන්ගෙන් අඬ අඬ සමාව ගත්තේ..අන්තිමට ජාන්ට ළමයි දෙන්නෙක්ම සනසන්න උනා..

  චූටි දූ ටික ටික දණ ගාද්දී යීබෝ ඉස්සරහට ගිහින්..එන්න දූ මැණික කෝ එන්න කියද්දී..කෙල්ල කෙල වක්කර වක්කර හිනා වෙවී හදිසියේ එනවා..හදිස්සි වැඩි කමට වැටිලා නිකට වද්දගෙන අඬද්දී ළමයට කලින් යීබෝ අඬල ඉවරයි..ජාන් සුපුරුදු ලෙසින් ළමයි දෙන්නවම සැනසුවා..