HAJ & SETCH (COMPLETED)

XVI

“Really? Funny mong tanan” Gisipatan nako sila pag balik namo ni Aemie sa hotel.

Bisan si Aemie mga kauban nako, gi sungog kog apil.

Pa simply nakong gi libot akong panan'aw sa tibuok kwarto. No trace of Haj was left here.

Siguro nilakaw na sya.

“Uuuyyyy nangita ni Haj” tingog ni Margaux.

Kini raba sila kay dugay kaayo mahuman ug sungog hangtod sa ganahan pa sila manungog.

“Sus kung wa ko nanawag ato di jud ta kabalo sa iyang gi bati” ana pas Aemie

Hala sige tabangi ko ninyong tulo. Tabangi kog doot.

“Makuyawan nalang man tang naa nay ni confess ug kalit” gatong pud ni Maria.

Silang tulo nag sig pangatawa nga murag wala nay ugma. Ipa barang ko nalang kaha ni sila?

Char.

“Funny kay mo” I pouted. Wala na pud koy laing mahimo kundili ang dawaton nga na ingon na jud nako sa ilaha ang akong na feel towards Haj.

Katong nahitabo ganina, hangtud didto ra jud to. Gi off nako ang call kay gibati na kog kaulaw.

“Dangs, mag movie mar nalang ta. Kanang horror” Nibarog si Maria aron i-on ang tv.

Aemie took out what we got from the mall. “Sakto. We bought some chips for snacks, pero si Setch murag dili na niya need ang chips for snacks.”

“Haj is enough” Margaux giggle.

Haysh! Kung dili lang ko sanay ani nilang tulo, hagbay ra guro ko napikon sa ilaha. But I can handle it, mahilom ra ni sila inig mag movie marathon namig sugod.

That's what I expected.

Pero mali diay. Hantod sa pag kamang sa wakwak nga among gi tan aw, sige gihapon silag panungon.

“Si Margaux nakamangan na, sunod ani si Setch na pud HAHAHAHAHAH” Perti nilang katawa sa gi ingon ni Aemie

Yiatay jud ni syag baba uy.

Sa kadaghan nilag movie nga tan awon daw, ni una na kog tulog nila. Bahala na sila sigeg panungog diha.

Kamangon unta mo anang wakwak nga inyong gi tan aw.

»

The next morning, nakauli kog safety sa balay. Pero ganiha jud nga naa pa mi sa hotel, di jud mahurot ang sungog nila sa akoa.

Samotan pa nga sabay gihapon mi ni Haj manguli kay sabay man mi gahapon nanganhi.

Basta. Maayo nalang kay nakauli na ko. Wala pud nako tingogi si Haj ganiha sa byahe kay ang akong kaulaw, mula ulo hanggang lapalapa.

“Setchie sweetie, how was the party last night?” si mama ang unang ni bungad sa akoa maong na good mood na dayun ko.

“We enjoyed, ma. Nag sleep over pud mi and it feels like namalik mi pagka teenagers” malipayong kwento nako bisan dili jud ing ato akong gibati.

Mama, kung kahibaw ra kas nahitabo. Pati guro ikaw manungog sa akoa.

Nidiretso na dayun kos akong kwarto bago pa ko makita ni kuya. For sure, sya ang daghag ipangutana.

Gilabay dayun nako akong kaugalingon sa kama. Dili ko katugon pero gikapoy kog paminaw sa mga sungog nila Aemie sa akoa.

Gagi mani sila uy. So gikilig na ba ang tanan? How about me naman?

“Setch?” nituktok si mama sa akong kwarto.

Nibarog ko bisan mao pay pag higda nako.

“Your dad wants to see you.”