وحده تقول :
نذڪر مرة ڪنت لابسة لبسه قصير قالي بابا وقتها ما نبيش نزعجك بس ثقتي فيڪي أڪبر من ان نحڪيلك ؏ اللبس .. رديت عليه وقتله حاضر حنخش ونغير ، رد قالي بالعڪس طالعة حلوة بس ڪلامه علق فـ بالي .. ومرة رن تلفوني رقم غريب وانا مش جنب تلفون جاني بابا وجاب تلفوني معاه وقالي تلفونك يرن قتله من! قالي منعرفش توقعت ان بس يشوف رقم غريب ع موبايلي يرد من الفضول بس لا رد ولا سألني حتى من بعد مارديت ولا عمره حڪالي وقالي عطيني باسورد تلفونك ولا افتحيلي تلفونك نشوفه ..وقت تخرجت طبعاً قعدو يجونا الناس اقارب واصحاب ؏ أساس يباركولي بالنجاح بس من غيرتهم وحسدهم قالو لبابا هي خدت شهادتها مفيش داعي انها تشتغل وزوجها .. أنا خفت من جواب بابا .. بس قال ڪلمتين بنتي لو تبي تشتغل نخليها تشتغل هي عليش واخده شهاده وانا بنتي متشرف بيها ومش حتتزوج الا بـِ أرادتها .. ومرة ڪنا قاعدين جمعة وملتمين نحنا وهل ماما .. راجل خالتي لانه ماعنداش بنات يسأل في بابا قاله قداش تعبت وانت تجري ورا بناتك عشان يتأدبن للدرجه هذي .. وقتها لفت انتباهي الڪلام وقعدت مرڪزه ؏ ڪلامهم وع جواب بابا عيون بابا لمعو وقاله عمري ما فتشت وراهن وثقتي فيهن هيي يلي علمتهم ڪيف يڪونو مؤدبات ومحترمات وواثقات في اروحهن ..
انا تعلمت من بابا الثقة اهم من ڪل شي رباني وعلمني الصح والغلط وخلاني ؏ راحتي ..
وشڪرا يا سندي ؛ معلمي الأول ؛ حبي الأبدي ❤ .
أنت تقرأ
حياة🎼 hayat💛
Casualeهلا فيكم.. في كتاب حياة..... يكون فيه كل ما تتمنون.. اقتباسات. صور... حكم.... وبكل ما تحبون... وكتاباتي الخاصه ❤ الكاتبه./اسيل محمد.. 💙💙
