قصة المرأة الحديدية⚖️

قصه المرأة الحديدية بارت2

بعد ما رحت ويه عمامي جنت خاله هدومي ب (كونية) ك اي طفله يتيمه حالتها فقيره هنا سمعت زوجاتهم يضحكن عليه شايله هدومها بكونيه، اني جنت كلش فرحانه الليل ما نمته واخيرا راح التقي بابوية واخوية ثاني يوم  رحت لانبار بعد فراق دام بيني وبين اخويه وابويه (من ٢٠٠٦ الى ٢٠١٥) كان اكو رجال معندة اطفال الي هو خاله ل ابويه ف ابويه جان يمهم كاعد، واني ب السياره شفت ولد طويل بالركن يمشي ويه مشيه السياره لحد ما دخلت البيت ثاري طلع اخويه صح بسته بجيت وجايبتله كم هدية بسيطه جداااا بس ملكيت اللهفة بعين اخوية ملكيت حب من اتجاه اخوية دخلت للبيت كل ضني الكه حبيب گلبي وخليلي اااااااااخ اصعب شي هل موقف كالوا ابوج ماكو مفقود ضل يدور عليج ويبجي كل يوم وبأي وسيلة راد يحصلج وناس تخابر عليه وتنطيه عنوانج ويروح ويجذبون عليه ينصبون كميل اله، هنا لكيت زوجه الاب لكيت ابوية مزوج وحده باقي وياها ٦ شهور وانفقد وما رجع تقبلت الوضع وكلت الحمد لله ، بديت اتعرف ع صديقات وياي سجلت مدرسه جان كل شي تمام بعد مرور كم سنه الى ان زوجه الاب ( احلام)ازوجت ابن خال والدي وجان بدون علم الكل وبدون علم (محمد) انصدم قرر يروح لبيت اقربائنه هناك بعد فترة تزوج بنت يتيمه امي جانت متكفلة برعايتها وكل شي تمام ف انقلت من مدرستي الى محافظه بغداد هنا هم بدت معاناتي ك طالبة ثالث متوسط مجنت اكدر اللزم دروس خصوصيه الي جانت اصعب شي عندي الكيمياء اطريت ادرس جهال حتى اجمع فلوس الدرس واطريت ( احف) وجه مدرسه الخصوصي  حتى تساعدني ب الفلوس مال الدرس ساءت وضعيتي الى الاسوء جنت ،اروح للمدرسه حذائي يدخل بداخله ( مي وطين) جنت ابرد الى ان مدرسة اللغه الانكليزيه ساعدتني وانطتني حذاء كلش فرحت بيه كلت بعد ماكو مي يدخل ع رجليه وابرد جانن المدرسات متفاهمات وياي من ناحيه الدرجات يعرفني مجان عندي الوكت الي ادرس، ابسط موقف لزمه كتابي لكته كله دهن المدرسه سالتني ليش هيج كتابج جان ردي ست لازم اسوي غده والكتاب من اراجع امتحاني لازم اخليه كدامي ع الطباخ ف مشت الامور الى ان صارتلي مشكله تخص دراستي رفضوا اكمل دراستي  لميت هدومي رحت ل (محمد) انو ابقى يمه هنا هو مقبل ابقه يمه جان رده الي ضررررررررب بحزام والي صارت بمكاني زوجته الي دافعتلي  جان رده اي شي تريده منج (( يقصد ع الي تريد مني شغل واني عندي بكلوريا مبقالي وكت) نفذيه واذا تضربج ب( النعال) امج هذه المهم رجعت مدمايه وما بقه وقت ع الدوام اطريت اروح اركض حافية للدوام وركض لان امتحاني يفوتني وبل باب واتخربطت الى ان المدرسات والمديره والمعاونة وكفلي هواي وجابلي مي وصحني والامتحان اجلنه الي مدرساتي بكلشي ساعدني حتى من ناحيه الملبس , ضلت هل امور اعاني من عنف وسب وشتم الى ان  صار الطلاق بين البنت اليتيمه ومحمد لان اكو الي دخلت حياته وتعهدت اله بس يطلكها ل زوجته السابقة هي عليها كل شي حنة عرس خطوبة وكل فترة جانت تغريه ب مبايلات اسوار ذهب ملابس الى ان احد من عمها  طلع وياها ودخلوا ب مطعم وعرفته ع محمد وصارت القسمة