هنا قصتي راح تكون كلش حلو الي هي صديق محمد (حسن )الي شافني اجة حاجة اخويه انو يريدني ع سنة الله ورسولة اني خلال هذه الفترة متحطمة حُطام كامل جنت رافضة فكرت الزواج الى أن اجتي امتحاناتي وبعد اسبوع ع امتحانات البكالوريا (سادس)ومحمد سوالي مشكلة كالعادة كسر الغرفة وجامها وشكك كتبي وكالمعتاد شمرني ع خالتي ريم وامتحاناتي راحت واجتي واني يمها وملابس طبعا اشترتلي ع حسابها الخاص المهم حاجيتها كتلها خالة ترى صديقه رايدني ع سنه الله ورسولة تعبت راح اوافق الى متى ابقى من بيت لبيت الى متى وحده ما تسوالها كلاش تضحك عليه هنا هي فاتحته بالموضوع واني هم كتله روح لصديقك كله موافقين هنا مرته تحججت كالتلي مو امه ل (حسن) خيرته بين الي يشتري سياره او يزوج ف هو اشترة سياره ف ما يزوج بعد ف سكتي واذا تنخطبين الراتب تنازلي عليه المهم لحيت ع الموضوع جان همي اخلص وبس ... 🟢🟢🟢🟢🟢🟢🟢🟢 اجه حسن دزوه عليه راح اتوضة و كمل صلاته وحاجوه وكلش فرحان جان كال منتظر هل الخبر من هواي ما توقعت راح تقبلون بس كال لحد ما اتخرج يلا ازوج لان هسه امكانياتي ضعيفه لان بس ع راتب والدتي عايشين ،اجتي والدة حسن شافتني قبلت بيه كالت من هسه اني متخذتج بنت الي ما متخذتج جنة .. ردولنة خبر نخطبها بس خلي كم فلس جوانه يصير حتى ناخذ الها ذهب شي
رحنه نحجز البدلات واخذلي سوار ذهب وحلقه وحلقتين بلاتين (فضة) مكتوب عليها (وما حبك الا سعادتي) طبعا كلش خجول جان اني اسوق غراض وهو يباوع عليه من بعيد عاد اني حاجيته واني هنا اطريت اعينه قدمت ذهبي كتله لبسنياه كدام الناس صار الصبح رحنه ل المركز (صالون) عمتي ام حسن راحت اجيب البدلة هنا مرت اخوي طلبت مني (حذائي لان كلش ناصي ) تروح بيه هي وعمتي ام حسن يجيبون غدة والبدلة ، الوقت طول واني ما اندل هنا كمت ابجي حييييل عبالي فرحتي راح تخرب عبالي ام حسن بيها شي وافكر اذا بيهم شي شلون اروح للبيت واني ما اندل المهم رجعت ام حسن وشافتني ابجي شبكتني والبنات الي ب الصالون تعجبن معقولة انتن عمة وجنة هه هنا فتحت البدلة لكيتها كلهاااا طين سالت مرت محمد ( مرت اخويه ) كتلها منو هيج مطينها كالتلي هاي عمتج ذبتها ب الطين رحت سالت عمتي كالت والله ماما خليتها يمها واكفه ورحت جبت اكل معقولة اخرب فرحة ابني الوحيد وكامت نظفتها الي عمتي للعلم البدلة شرطت جديده محد لابسها وهنا اكتشفت بس تريد سوسن ( مرت اخويه ) تخرب الفرحة عليه خلصت مكياج وكل شي وجنت كلش حلووووووة وفرحانه كل هذه الامور صارت واني احس بحلم ما مصدكة اجه حسن اخذني ب سيارته جانت كل هذا وهو ما محظر اموره ولا مرتب نفسه ههه صارت الخطوبه وجنت كلش فرحانه وهو هم و محمد اول مرة بحياته فرحان الي المهم خلصت حفلة الخطوبه جان محمد كلي يلا بدلي بدلتج وتعالي نظفي المهم حسن طلب من اهلي يعزمني ع مطعم وحدنه هنا طلبوه من يمنه نروح بس بشرط ناخذ امها ل مرت محمد واخوها واحنه دا نمشي وفرحانين يجي اتصال ارجعوا ماكو روحة ع المطعم كلش انقهرت لان ودي ادخل مطعم واتونس ، ثاني يوم الصبح اجه حسن اخذ البدلة ونطيتة من كيك الخطوبه وهدية بسيطة وبعد ما راح نسيت انطيه التاج واشتراه الي من ابو المحل هههه وره كم يوم اجتي ام حسن وحسن هنا سوسن مرت محمد طلعت قرص (تصوير ) حفلة خطوبتها اني هنا طلبت منها طلب الي هو ما اطلع التصوير لان ب فترة الحفلة جنت لابسه ملابس بالة كتلها عيب وتوسلت بيها توقف التصوير لان ام حسن دا تباوع واني هنا كلبي يدك بس لا تشوفني واني بخطوبتهم لابسه هدوم بالة ومركعة الى ان صرت عصبيه كتلها ليش هيج انتي تردين تخزيني كدام الناس شنو هدفج اوكي شوفيهم تصويرج بس كتلج من اطلع اني بساع مشي الفيديو وكالعادة سوت مشكله ،، بدن كل ما يطلعني هنه ينغثن يضوجن الى ان محمد تغير مو مثل القديم سوتلي مشكله بيني وبينه طردني من بيته رحت ل بيت اقربائنه اي ملابس مجانت عندي لان تركتهن ب بيت اخويه وكلش زحمة يجي علي واطلب من صديقتي ف كتلهم راح اجيب هدومي اخويه كال بيتي ما اريد احد يدخل بيه اني هنا صدك انقهرت لان راتبي اله وكل فلوسي اله ف ليش يمنعني اجيب هدومي المهم واني دخلت للبيت ودخلت للاستقبال وامها كاعدة وما احس الا دفرة قوية ع ظهري بالكاع هنا هو سحلني للغرفه ضرب وخنكني كتله ما اريد شي بس اخذ هدومي وما اشوف خلقتك الزفرة ابد المهم اجوي الي يفازعونه مرته ادعت اني ضاربتها ع بطنها هنا اني من أذاني هو خنكني من حلاة روحي وجهه كله خرمشتة بايدي هو اخذ تلفوني حتى ما ابلغ حسن وبلغني اذا اكول ل حسن يخربط الخطوبه ب الي صار اخذ تلفوني وراح سافر لدهوك لان وجهة مشوه المهم رجع حسن فهمته ب الي صار بقيت اتصل بيهم من صديقتي الى ان حسن طلب من اخويه يجيب المبايل وهنا هو مفرمت كل جهازي غايته حتى ما ارجع صور الخطوبه مالتي المهم وره اسابيع قدملي حسن ع الامتحانات الخارجيه ورادت هواي مرت احلام تخرب الخطوبه هي ومرت اخوي هااا طبو ها طلعوا ها جاب الها هديه المهم وره كم يوم سافر ل الامارات حسن رجع جابلي جنطتين مليانه هدوم وقفطان وملابس خليجيه كلش فرحت بيهن ، وره اسابيع بعد ما جهزنه البيت ومحد جان الي يرتب ويساعدونه بس اني وام حسن هنا كلش تعبنة ب فترة خطوبتنه اشترينه اثاث بيت وترتيب وكتلن نفسهن بس يردن يجن وياي بتجهيز جهازي بس ما اخذتهن وجان تحدد زواجنه صديقتي وكفت وياي هواي مسويت طبعا حنه لان ما عندي احد ولا اريد افيد احد براس حسن مثل ما ب الخطوبة حسن بيتهم مسويله حنه وسوو غدة هنا اني كلش مقهوره ما اعرف شنو احساسي ليش ابجي اريد احد يمي عاد صديقتي دكيت عليه واجتني تعجبت لان ما مسويه صينيه واني ما اعرف اجتي لبستني فستاني واني قبل ساعة ام حسن ودتني للصالون لبست فستاني سوتلي صينيه واجه علي حناني كل هذه الامور واني بحالة صدمة ما مصدكة الله فتحها بوجهي ،، صار يوم العرس كعدت تريكت رحت ل الصالون لبست بدلتي رجعت للبيت وام حسن خطيه هنا تركتني لان هي حايرة بيه و ب حسن لا تكدر تعوفني ولا تعوف حسن ودتني ل بيت اهلي وراحت ترتب نفسها هنا وبعد ثواني للزفة ما احس الا مرت ابوي احلام جايبه توثية ما اعرف عودة واكفة وره الباب واسمع تصيح عليه وتعيط اني هنا عرفت راح اسوي مشكله هنا صديقتي جاي تهدي بيه بس الحمد لله زوجها لزمها وبعدها من يمي ،،، اجة حسن ودخل للبيت واتعجب لا اكو اغاني لا اكو هلاهل مو عرس كانو جنازة طلعني منهم صعدني ب السيارة ( الصدر) واكيد شعلوا الجو ب الطلق هنا ام حسن جايبه ٧ حجرات ذبتهن وراي حتى بعد ما ارجع هههه ،،، مرت سنين حسن خالة طلب منه يعيش وياهم مثل قبل وافق حسن هنا خالة حسن ما مزوجة كلش نحسة جنت مجنبتها كلش اذتني الى ان صرت حامل وخال زوجي هداله قطعة ارض هنا هي كلش ضاجت تحس اني جاية اخذ املاكهم منها او اخذ علي او اغيرة عليهم الى ان فد يوم تهمتني وجادلتني وجان همها بس طفلي يوكع هاا فاطمه اريدج بس الدرج تنظفيه الى ان لزمتني ضرب ع بطني واني حامل كل همها تريدني اسقط ابني لان هو الرابط بيني وبين حسن كاتله طلكها واني ادفع كل شي عليه مهر نفقة مقدم مؤخر وزواجك الثاني عليه بس طلكها بس رفض كال معدها احد تروحلة اهلها منها وبيها دمروها نفسيا وجسديا الى ان طلعت من البيت هي وقامت دعاوي عليه كيديه واني قمت كسبتها ل صالحي ، هل فتره بقة ع امتحانات البكلوريا اسبوعين قريت الي اكدر عليه جهزت اموري نجحت من ثاني دور ب معدل ٦٣٪ قدملي ع كلية الحقوق وتخرجت جان عندة ثقه بيه السبب الي خلاه يدخلني قانون لان هو محامي و ع طول يكلي عندي ثقه بيج صيرين اقوى محاميه وتاخذين حقج وحق غيرج لان سباعية وبالفعل قدملي قانون وتخرجت وصرت محامية وهو كذلك ، بعد فترة تعبت من ثكل الحمل ١٦ يوم الي ب شهر ٩ كلت لازم اسوي عمليه قيصريه حددتلي الدكتورة كالتلي تردين اليوم ب٩ بليل او ع باجر هنا اتصلت ب حسن كال اليوم نروح وسوي عمليه هههههه مستعجل ع ابنه عاد لان ما محظرة كل شي اجلتها ع ثاني يوم ب٥ الصبح صالة العمليات جنت كلش جوعانة لان يوم كامل ما اكلت عاد دخلت وبجيت كتلهم ما اريد اجيب راح اطلع هنا ما قبلوا ههه المهم جبت وطلعت هنا كمت اصيح منو يشتري ابني ب جيس جبس لوسي هههه لان فترت حملي كلها اتنسة عليه وما لكيته الغريب تنسيت ع معسل نركيلة هههه صحيت وحسن يصور بيه ويضحك عليه و ع الحجي مالتي هنا الكل تعجبوا بينه اني وحسن شافوه ساندني وخايف عليه كالوا شكد احنه صارلنه نادرا ما نلكة مثلكم ومثل حسن هيج ساندج ويخاف عليج المهم لازم ورة العمليه امشي هنا طلع حسن سندني عليه ومشاني بس ما كدرت اكمل ههههه لان اني الفطيرة الله ذب ثنين كدامي جاي يتعاركون مرة ورجال واني بطني مفتوحة ما بيه اضحك هههه المهم بساع كتله دخلني ب الغرفه عاد كتلهم لازم اطلع لان كلش اكره المشفى طلعني حسن ع مسوؤليته هل فترة محد وكف وياي غير حسن وامه و جان الي الام الي تداريني والاب بحنانه والاخ بوكفاته الي هل فترة تحدب قوي صار بيه لان ولادة قيصريه ومن امشي ما اعدل ظهري الى ان وكفلي وسندني وكدرت امشي لان الدكتورة كالتلة اذا تبقه هيج تمشي وظهرها ما ترفعة يبقى هيج طول العمر مدري كذب مدري صدك هههه الحمد لله عديتها هل ازمه ودمي شبه صفر اخر شي ثالث يوم العمليه الي اشاهدت ع نفسي كلت استحالة اعيش بعد وصيت ع تيم وامنتهم عليه جان ردة الي والله حتى جهال ما اريد بعد بس تيم بس اهم شي صيري زينة والله اضيع بلياج يشدلي مغذيات وكف وياي الى تحسنت حالتي وكمت ع حيلي وصرنة احلى عائلة اني وتيم وحسن وام حسن ووالد حسن هنا ااكتشفت اني ب الفترة الي ولدت بيها تيم المهر الحقيقي لكل بنت هو ما تلاكيه بعد زواجها هنا الذهب والعرس والجهاز وكل شي راحت قيمته حسيت مو مهري الحقيقي هذا مهري من سندني من زاراتي مهري من حولني من متوحشة الى هادئة وبدا يعالجني يم دكتور نفسي كون بيه مرض اثر صدمة واثر البيئة الي جنت عايشه بيها بدا يشوفني الدنيا يدخلني مولات يسويلي اعياد ميلاد الي جنت بنفسي اسوي عيد ميلاد، وبديت اتحسن وعصبيتي راحت ودخلني كورس تعليم سياقه غير حياتي جذريا بعد ما جنت هجومية ما اعرف شنو الحب شنو شنو الحنية بس اعرف انتقام وعصبية و دعمني هواي من ناحية اصير عضوة ب مؤسسة خيريه وان احقق احلامي واصير قاضية هل شخص سوالي شخصيه وكرامة وان اقدم ع معهد القضاة عوضني عن كل شي فقدته بطفولتي حياتي جانت من سواد الي بياض ليهسه ما مصدكة اني عايشه بخير ليهسه احس اني بحلم ايقنت عوض ربي هذا وتعب سنين وايقنت ب المقولة " لو من اولها لو من تاليها "❤️
🍃🍃🍃🍃🍃🍃🍃🍃🍃🍃🍃♥️♥️
اما القصة فهي بيها مغزى ...
١- الصبر ع امر الله ٢- جنت خايفة من موضوع الزواج لا افشل لان محد يفهم الي امر بيه بس عسى ان تكرهوا شيئ ٣- الظلم ما يدوم ابد لان الظلم لو دام دمرررر ٤- الحق يظهر ويرجع لصاحبه ٥- الجوهرة الي محد يقدرها بعدين يجي الي يقدرها ٦- رغم عمري ٢٦ بس بديت اعيش حياة الطفوله ودور الام ويه طفلي ودور الزوجة ودور الصديقه ويه حسن ودور حنان الاخ والاب من حسن عيشي حياتج بطوفليتها وشبابها لا تهتمين للناس هل شخص عوضني ب حنان الاب والام والاخ وهواي ملاحظين فاطمة ، تشاقة بكثرة حتى انسى الماضي اشاقة حتى اضحك المقابيلي لان اكتشفت الحزن ياكل الجسد اكل ف همي اسعد غيري لان اني جنت محتاجه الكلمه الطيبه الضحكه كل هذه فقدتهن جاي اعوضهن انقهر من اشوف بشر حزين اذكر نفسي، رغم عمري صغير بس احس العمر فاتني ما حققت احلامي احس عمري يمشي اريد احقق كل شي بهذا الدنيا ، صح اني اقوى بنت صرت واستحالة احد يكسرني غير ربي بس دفعت ثمن هل قوى دفعت ثمن سنين من عمري صح اذيتوني ٦ اصابع من اديه ليهسه اعانيها منكم ٦ اصابع مفسخة قلم اذا الزمة واطول ب الكتابة يشظن عليه كل ما يزيد الوجع عندي يزيد الحقد من كل شخص اذاني وعيني اليسرة الي بيها خلل اثر ضربة بوكس من محمد وامراض بيه وليهسه اثار الضرب عندي افرح من اشوفها حتى يزيد عندي دافع اخذ حقي لهذا دخلت قانون وصرت محاميه لان حتى اخذ حقي وحق كل بنت مسلوب (أفعالكم بالحفظ والصون والرد سيأتيكم من حيث لأتعلمون؟؟)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ابد لا تضعفن بنات خليجن قويات ابد لا تخلين احد ياكل حقج لان مجتمعنه معادي للنساء لا تخلين العادات والتقاليد ادمرج مثل ما دمرتني ابد ما اريد تبجن من ضرب احد الجن الي ضربجن ضربنة لا تسمحين لاحد يستقوي عليج انتي شي مهم بالمجتمع انتي اساس المجتمع ابد لا سكتين ع كل من يعتدي عليج بالضرب او الاهانه اصحي شوفي نفسج لا تسمحين ل شخص ذكوري كلب يهينج حبي نفسج لا تبجين ولا تتحطمين ولا تنقهرين من كلام الناس شوفي نفسج كلش خطيه منو يستاهل وتاذين نفسج انتي احق بالراحة انتي احق ب الكلمة الطيبه سندي نفسج بنفسج محد كفو لا تكليلي اخوي أمي أهلي سندددد ماكوووووو سند بس نفسج ف حبي نفسج وبس .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
