هنا هو سمع اني اشتكيت يم غالب العطية حبسني ب الغرفه الجو جان تموز الكل جان مراضي لان اشتكيت عليه بمجتمعنه عادي حقوق البنت تنوكل بس لازم ميصير تخطأ بحق اخوها لان عدهم شي مقدس بعد الله الاخ حسب تفكيرهم، جنت اذب ع الكاع مي حتى اصير باردة وانام عليها صديقتي تنطيني بطل مي اطلع ايدي من الشباك واتوضه بيه واسقي زهرتي اكل هم جانت تعبرلي من شباك غرفتي، بدت عليه اثار اكتئاب من كثر ما ادعي ربي وتعلقت بيه لدرجه اعرف هل موضوع مضحك نوعا ما بس وصلت وياي لدرجه احجي ويه الله اكول" يا الله هسه اني راح انام، خليك يمي لا تعوفني خليك يم راسي" اذا اشرب او اكل او انام رب العالمين كمت اتخيله نوره وياي باي مكان اشبه حالتي ب الجنون صارت وصديقتي الثانيه صارت الزهره ( زهرة الصباح) الي هي وياي وياي وصديقتي الثالثه المراية!! اي نعم صارت المراية صديقتي كل شي جان يصير كدامها وتعرف كل شي عني وتعرف كل قصتي ! هنا اني جدا ضعفت حاولت انتحر المرة الاولى فشلت شربت شريط كامل مفاد اليوم الثاني جانت بنگه غرفتي كلش بيطييييييئة ف انكسرت كلش نمت جواها عسى ولعل اموت هم ما فاد اخر شي هم شربت شريطين هنا اني وكفت عن كل شي حسيت الله يكلي گافي انتي مصيرج مو الموت انتي قوية ، استمديت قوتي وكمت ع حيلي فكرت اطلع من البيت اروح عند خالتي لميت هدومي وطلعت من البيت بس رجعت لان مجان عندي الفلوس الي تكفي وما ممكن بهذا وقننه احد يساعد اذا ما يريد مقابل ف اطريت ارجع للبيت وجان الكه ( محمد) وجه لوجه وهو يدور عليه صعدني بالسياره دخلتي للبيت وجان محظرلي سجينه بس المشكله سجينه عمية هههههه ودخلت غرفتي وفهمتهم اني طلعتي مجانت طلعت سوء ردت اخلص من هذا الطاغي المهم وداني ع بيت خالتي وهنا اني امتحانات البكالوريا قربت جنت سادس ، فوت عليه الامتحانات بقيت شهور عند خالتي نور رادت تخلصني منه باي وجه حتى رادت ازوجني لابنها الي اني ربيته واكبر منه ب١١ سنه بس فشلت الى ان اجه محمد يريد استلم راتب امي ف اني مقبلت لان محتاجه هدوم اساسيه فجنت رافضه انطيه بس بعد الحاح من قبل خالتي نور قبل بس ينطيني ١٠٠ من اصل٦٠٠ الف بصمت سحبت راتبي اخذه اجه بعد اسبوع وكالب وجه ابني راح يموت وطلع بيه ابو صفار والسبب من فاطمه لان اخذت ١٠٠ من الراتب وما كفه العلاج واذا مات اني اسجنها لان بسببها تمرض للمعلومة راتبي اجمع براتبه يطلع مليون ف هل مليون ما كفت لعلاج ابنه فا ًجنت خاتله وره باب الغرفه حاججته كتله ع يا اساس تاخذ كل راتبي حس اني اختك خطا تاخذ حقي الى ان خالتي نور راحت تصب اكل غافلها دخل عليه وره الباب ضربني دفرات ع رحمي ادى الى ان (اتبول دم) وعذرا ع هذه الكلمه وضربه بعيني اليمنه ليهسه نظر عيني اليمنه ٣ من اصل٦ اتصلت بيه خالتي كالتله البنيه راح تموت كان جوابه "طبها مرض چلب وفطس ومات وادفنه" بقيت عند خالتي شهوووور والراتب مجنت استلمه وانطيه اله بدأ يسوي مشاكل بيني وبين خالتي يطلع كلام من ذاته ينسبه الي والله خاله فاطمه هيج حجت عليج حتى اطردني ويجي ياخذني حتى اسحب الراتب وهو ياخذه ضليت بس رادت تخلصني منه ما فاد الى ان اجه شخص من الكوت يخطبني قبلت بهل شي طبعا بس جان همي اخلص منه وتفركشت الشغله عدت مرات يجوني وتتفركش اما بدون سبب او من محمد يكون العذر ها بعيده وهي وحدها ومحافظات ما اهتميت لكل شي حتى ان شخص كبير ب العمر موسيقار ع قناة العراقيه عمره ما يجاوز ٤٥ الى٥٠ اطريت اقبل رغم فارق السن بينه وهم اتفركشت الخطبه بدون سبباخر شي اجه شخص ونوينة بليل تقرا الفاتحه بس محمد العصر اجه وهدم كل شي هنا يأست اني رفضت خالتي تنطيني الى ان هددها وگال راح اشتكي عليكم واكبر ماخذيها مني بالقوة واني جنت رافضه انو اروح وياه للانبار كل شي هدم لا مستقبل لا امتحانات لا راتب الي والكل ضدي وعداوه ومحاربة نفسيا وجسديا الي المهم اجه ياخذني اطفال خالتي نور الي ربيتهم كاموا يبجون وراي خالتي كذلك بجت ناموا بلا عشة جدا تحطموا وراي جانوا كلهم متعلقين بيه ف اخذني وياه ،جنت خاله براسي فكره انو خلص اروح للموت ولا اروح عند هل حيوان فكرت اذب نفسي من السياره او اوكف عند اقرب سيطره واطلب منهم المساعده بس استسلمت وتقبلت الواقع💔
. . . .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
