نسر//..وصلنه للمركز واني احس دمي يفور فتنه رحت لغرفه الاستخبارات گلت.. السلام عليكم الله يساعدكم شباب گامو دگو التحيه گلت.. اي شصار وياكم
ــ والله سيدي بعد ماا عرفنه اي معلومه
نسر//..عفتهم وطلعت رحت لمكتبي احس راسي راح ينفجر
بعد مرور اسبوع
فهد//..نسر ابد مو زين حته خلال هل اسبوع ماا يجي هواي البيت كئيب بس يصلون ويبجون اكل محد اله نفس ياكل گاعدين بل صاله الساعه بل 3 العصر نفتح الباب وفات نسر جوه عيونو هالات سود وضعفان عيونو حمر دم ماا حجه اي شي گبل راح وصعد فوگ على غرفته
نسر//..خلال هل اسبوع شگد حاولنه وشگد بحثنه ماكو اي خبر ضلينه نبحث عنه ماكو فص ملح وذاب بس اشتغل وافكر نوم اكثر شي انام ساعتين اكل مالي نفس اكل اليوم رجعت للبيت فتت لگيتهم گاعدين ماا بيه حيل احجي صعدت رحت على غرفتي اخذت شور ونمت
...........................
يقين//..صارلي اسبوع واني احسب كل ثانيه وكل ساعه يجون يگعدوني بسطل مي ينطوني اكل ويروحون يوميه يضربوني اسئلهم ماا يجاوبوني اني ماا بيه حيل وماا اعرف شسوي بس هيج گاعده واطگه صفنات وافكر وافكر ماا اگدر اذا ماا افكر
ــ هي انتي گح**ياالله گومي گاضيته بس نوم
يقين//..گعدت وگلت خير شتريد
ــ گومي ياالله يردون يحققون وياج
يقين//..گمت من دون كلام وگفت حل السلاسل رجلي وارمه من الضرب ماا اگدر ادوس عليه ضغطت عليه وگفت سحبني واخذني هاي اول مره اشوف الشمس صارلي اسبوع اول ماا طلعت من الغرفه ضربت بوجهي الشمس شفته عمااره كلش جبيره ومهجوره سحبني من ايدي وفوتني للغرفه رفعت راسي وشفت ثنين زلم گاعدين
ــ شنو هاذه العسل
يقين//..اني ماا اعرف السالفة شنو بس متصنمه بمكاني گام واحد منهم وگال شنو هل جمال بس ليش ضعيفه هيج اني ضربتو راشدي وگلت.. تاكل خر** لا اعرف اني شلون اوكلك
ــ ههههه والسانه عسل هم احب العنيده
يقين//..شبيك انته ماا عندك احساس گوا***ص***
لو عدكم شرف ماا تسوون هيج لزمني من شعري وگال
ــ تصمين حلگج لا تعرفين شسوي
يقين//..گام وعافوني وحدي اجه ورجعني للغرفه گعدت وفكرت گلت بعد ماا احجي عليهم خل اصير بصحه زينه واني اعرف شسوي ضليت گاعده وافكر وارسم خطط شراح اسوي اله نمت
...................................................
نسر//..اجتني يقين بل حلم تبجي تقربت منه وگلت شبيج ليش تبجين هاي عود انتي القويه گالت.. نسر جاي يضربوني تعال راح اموت گلت.. اشش شنو هل حجي انتضريني راح اجي واخذج منهم... فزيت على طگت الباب گلت منوو
شاهين//..نسر
نسر//..فوت شاهين تفضل
شاهين//..هاا خويه الله يساعدك شلونك
