يقين//..ضليت گاعده كل شويه اشوف الساعه
ــ شوفي وجهج وايدينج كلهم جروح تعاي اعقمهن وارتاحي شويه لا تضلين هيج
يقين//..لا عوفيهم ماا يوجعني بس انطيني لزگه مال جروح
ــ اي هاج هاي ثنين وهاي الثالثه
يقين//..هاي خدش ميحتاج بس ثنين كافي
ــ ماشي براحتج گومي ارتاحي بين ماا يجون
يقين//..اوكي بس دليني وين
ــ اي تعاي
يقين//..گمت احس رجليني ماا ايشيلني رجعت وگعت بل گاع دايخه وراسي يوجعني
ــ اسم الله اسم الله شبيج
يقين//..ماكو شي بس دايخه شويه
ــ تعاي خل اسندج
يقين//..ساعدتني واخذتني الوحده من الغرف خلتني وراحت اني ضليت گاعده ماا اگدر انام كل جسمي يوجعني من الركض والضرب راسي يوجعني جسمي كله ايون عليه ضليت احاول انام بس ماا گدرت سمعت صوت الطيارات اجوي واخيرن اريد اگوم ماا اگدر رجليني تخيطن ماا احس بيهن ضليت گاعده ودموعي تنزل
......................
نسر//..جنه گاعد انحضر لل جنازه لان صار شهر وفقدنه الامل بس اكو صوت ابداخلي ايگول بعدهي عايشه شويه ودگ تلفوني جنت گاعد اصلي دگ مرتين كملت وگمت دگيت على نفس الرقم فتحت وانصدمت هاي يقين حجيت اوياها وطلعت ركض المكتب العميد وحجيتله كله فرحانه جهزنه دوريات وطلعنه بل طيارات حته نوصل ابسرعه 15 دقيقه او وصلنه البيت نزلنه كلنه حوطو البيت ودگينه الباب فتحو الباب
ــ نعم تفضلو
العميد مهند//..السلام عليكم
ــ وعليكم السلام تفضلو
العميد مهند//..زاد فضلك بس اجينه ناخذ امانتنه
ــ اها هاي البنيه اي اي تفضلو اهلن وسهلن بيكم تفضلو
نسر//..فتنه وگفنه بل حديقه
العميد مهند//..نسر انته فوت
نسر//..حاضر سيدي رحت اخذت الزي ماله والدرع ضد الرصاص والبيريه والسلاح وگلت ايسوولي مجال افوت وسوولي مجال وفتت دگيت الباب
يقين//..بدموع فوت
نسر//..فتت وانصدمت من منضره گاعده بل گاع وتبجي رحت ركض حضنته حيل وگلت.. واخيرن ردتلي روحي
يقين//..هئ هئ ن نسر
نسر//..اششش بنيتي ليش تبجين انتي القويه لمت تمشين كله تحسبلج احساب جاي تبجين افاا عليج
يقين//..حضنتو وگلت.. شتاقيتلك
نسر//..من گالت هيج احس گلبي راح يوگف ايدگ ابسرعه ابتعدت ورفعت راسه بيدي وگلت.. يقيني
