شيماء مبطلتش زن علي دماغي واستمرت علاقتي ب احمد
وكنت بقابل شيماء بس مكنتش بروح معها عند حد اخرنا كنا
نقعد في الكافيه بس أو اركب معها عربية هيثم أوحد من
صحابه ونلف شوية واروح واسيبها هي معاهم وبيخدو رقمي
بس مش بكلمهم
امي كمان مبقتش تشغل دماغها بيا وعرفت دماغها اهم حاجه
مقربش جنب ال300 الي بتخدهم كل أسبوع مني اي حاجه
بقا اعملها ولا اجيبها عادي المهم مطلبش منها فلوس
قبلتني حاجات وجعتني وحسيتني اني بني ادمه زبالة كلام
كنت بسمعه من احمد لما تيجي سيرة شيماء كان يقولي دي
بت شمال وكلبة فلوس رغم اني الكلام مش عليا بس كنت
بحس أنه هيجي يوم ويقول عليا كده او أنا اصلا في نظره
شمال وكمان لما كان هيثم يتكلم عليها معايا ويقولي دي
ابوها وامها الجنيه وأنها بتاعة اي حد وكلام زاي كده
كنت بكره نفسي اوي وكنت بشوف اني في نظرهم وحده
شمال مهما حاولوا يخفو ده ليا
المهم جيه لليلة رأس السنة وأحمد اتفق معايا أننا هنتقابل
في شقة واحد صاحبه واني صاحبه جايب وحده وهيبقا كل
واحد في اوضه ومحدش ليه علاقة بالتاني كنت خايفه
وقلقانه بس مكنش ينفع اقوله لا بصرف النظر عن الفلوس
الي بخدها منه والهداية .كمان علشان شغلي في المصنع
وايام مش بروح وبتتحسب ليا شغل وايام كنت اروح بدري
لما اكون رايحه الكافيه لشيماء .....المهم
رحت ليه اليوم ده وفعلا دخلني اوضه وهما كانو قاعدين في
الصالة قالي تعالي اقعدي معانا متخفيش رفضت بعد شوية
لقيت البنت دي دخلتلي وسلمت عليا وقعدت معايا قالتلي
انتي خايفه مني انا ولا من كريم قولتلها لا ابدا بس بتكسف
قالتلي من ايه دي القاعدة جميلة واحنا بنات زاي بعض
بصتلها ب استغراب الي هو معلشي خليني علي رحتي
قعدت تتكلم معايا وعرفتها اني بنوته لسه واخدت رقمي
وقالتلي أنها متجوزة ..اتصدمت طبعا وانها ملهاش صحاب
بنات خالص وأنها مش بتطلع شغل غير لناس معينة وهي
عرفاهم معرفة شخصية أو ناس تبعهم وموثوق فيهم
طلعت معاها وخلتني ارقص معها وشايفه احمد عمال يحضن
