#البارت31🤗 #بقلم✍️ Mohamed Youssef Sultan
كلمته تاني قولتله يامحمود أنا وقعه في مشكلة ومفيش غيرك الي
هيساعدني
قالي مشكلة اي دي
قولتله ابويا سمعني وانا بتكلم في التليفون ومناعني من النزول وكان
واخد مني الموبيل علشان ولسه الي النهارده الي عرفت اخده
قاله وانا مالي بقا بكل الهري ده
قولتله أنا عايزك تيجي تخطبني من ابويا قالي اااااايه ياختي
مسكت نفسي وقولت له تخطبني أن شاء الله كده وكده
قالي انتي مش لقيه نصيبه تشيلهاني ياستي انا ما صدقت ارتحت من
قرفك عايزاني اخطبك علشان ألبسها وش ..مش يمكن يكون فخ عملاه
علشان توصليني ل اخواتك وقريبك وتضربوني ولا بعالم هيعملو فيا ايه
قولتله وانا ببكي يامحمود حرام عليك أنا قاعدة ميته من الرعب خليني
اشوف حل للمصيبة الي عملتها دي قالي تلاقيكي بتسجيلي المكلمة أنا
عارفك ..بصي بقا ياحلوه مترميش بلاكي عليا أنا عارف وانتي عارفه
والدنيا كلها عارفه انك شمال ومدورها وعندي بدال الشاهد 10 فكك يامي
العبي غيرها
قولتله افهم يامتخلف انت أنا لو عايزه اجيبك هجيبك مش هغلب
ضحك وقالي مش لما تعرفي تنزلي من بيتكم الاول
بكيت اكتر وقولتله حرام عليك يا اخي انت ايه
قالي انتي موطيه صوتك ليه قولتله يامحمود أنا محتجالك بجد أنا حبسة
البيت دي هتموتني
قالي وانتي هتستفادي اي لما اخطبك يعني
قولتله ع الأقل هترحم من تحكمات ابويا شوية وهنزل اشتغل وهبقي
برحتي بدال الخنقة دي وأشوف حل للمصيبة الي عملتها دي
قالي تاني هتقولي عملتها تاني
قولتله أنا الي عملتها ياسيدي هاا قولت اي
قالي يعني انتي عايزاني كوبري محطة يعني
هطق من الغيظ وعايزة أقوله يامعر* يا ابن ال .... ما انت اصلا كوبري
وقورني ..هو جديد عليك كتمت غضبي وقولتله
لا مش كده بس أنا مليش حد يساعدني ويقف جنبي
قالي وانا ايه مصلحتي في الحوار ده قولتله الي تقول عليه هعمله من غير تفكير
قالي وابوكي هيوافق عليا كده عادي وانا محلتيش حاجه
قولتله أنا هضغط عليهم هنا ملكش دعوة
قالي طيب سبيني اقلبها في دماغي وارد عليكي
يتبع 🔥 الناس الي بتكسل تحط 20كومنت أنا كمان هكسل ابعتلك النهاية 🔥
#تكملة_البارت31 👈بقلم Mohamed Youssef Sultan
نمت وانا قلقانه ومش واثقة فيه اوي وقولت الصبح هكلمك
احمد يشوفلي حصل وصرفة لو محمود فضل يستهبل
ويستعبط كده الصبح اتكلمت مع امي قولت اعمل محاولة
معها علشان الشغل لقتها هي الي بتقاطعني وبتقولي هنعمل
ايه في الأقساط قولتلها وانا مالي خلي جوزك يدفعهم
بصتلي جامد وقالتلي هو مش ابوكي قولتلها اسفة ياستي
خلي ابويا يدفعهم قالتلي منين ياحسره ما أنا عارفه البئر
وغطاه قولتلها مش هو الي قعدني من الشغل اجبلك فلوس
منين قالتلي ابوكي مش مرتحلك ولا مطمنلك ولولا خالك
مكنتيش مسكتي الهباب ده تاني ورأسه والف سيف انك
كنتي بتكلمي راجل قولتلها وفيها ايه ما اختي كانت بتكلم
حبيبها في التليفون ومكنتيش بتعملي معها كده قالتلي ده
كان قارئ فتحتها قولتلها اني عرفه حد وكان مكلمني أنه عايز
يجي يتقدم وبسبب بابا والي عمله الدنيا وفقت
قالتلي هو يعني مش عارف البيت قولتلها يعرف البيت منين
ده اخوه وحده صاحبتي في الشغل وميعرفوش حاجه عني
قالتلي طب ما تكلمي صاحبتك خليها نجيبه وتيجي في وقت
قولتلها لو كلمتها هتعرف أني مدلوقه أو ما صدقت
قالتلي ياختي هو حد لاقي ما تخلصي وتغوري بقا هو انتي
عجبك ايه في العيشة الزفت دي
قولتلها طب خليني اروح بكره من وراء ابويا واكلمها وش ل
وش احسن الكلام في التليفون مش هينفع
سكتت شوية وقالتلي هما ساعتين زمن مفيش غيرهم ل
ابوكي يطب ع غفله ويسود ايامي قولتلها أقل من ساعتين
كمان قالتلي خلاص ماشي اول ما ابوكي ينزل انزلي وراه ع
طول لما نشوف اخرتها معاكي يابنت بطني
يتبع اليوم مشغول شوية هحاول اكتب علي قد ما اقدر ♥️
تفاعل بقا
