💙البارت التاني💙
الجزء الثاني 💙
رواية اخوتي😍🙈💙
مروه: عندي هلبا موانع اني منقوللكمش بكل على لصار في 6 سنين لفاتو فايريت يا ماما ماش تفتحيلي هذا الموضوع وطلعت 💔
أمنه لحقتها: تعرفي يا مروه كان متقولي لصار تو لأنك بنتي ولاني نعرفك قالت هذا لكلام قدام الكل وصدمت مروه لمعمرها توقعت هذا لكلام يكون من امها وكانت عاطيه بظهرها لي امها وقاعده مصدومه ودموعها ينزلو 💔💔
ناهد: عمتي ارجوك متلحيش عليها لأنه الموضوع هذا في خطوره عليها وعلى نفسيتها
امنه: وكان نبي نعرف شن صار
مروه وكانت معصبه وتبكي: شوي بس يا ناهد تبي تعرفي ليش احتفينا طول المده هذي بسببك انتي يا يما بسببك تذكري يوم لضربتي عبير من هذاك اليوم وحطتني في رأسها وتبي تتخلص مني بي أي طريقه حتى في عرسي متهنيتش زي اي عروسه لهذا رسائل التهديد توصلني من هني ومع اني معمري ضريتها ولا جيت جيهتها وبلهي سؤال تعرفي بأني حشيت في حاله نفسيه لمده 2 ونص طبعا كيف حتعرفني انكان انتم مصدقتو تتفكو مني ولولا ناهد رهو تو اني قاعده في المستشفى لا ناكل لا نشرب ونغمص عيوني نتكوبس بي هذيك اليوم وتعرف ليش لحد الاحظه هذي محملتش هههه طبعا لا بس حنقولك ونقوللهم كلهم وأشارت على الشباب ولبنات لأنه منقوت للاغتصاب قالولي ماش تقدري تجيبي واني بروحي دكتوره وعارفه اني منقدرش انجي مع اني حولت تتعالج وكان خاطري انولي امي زي الباقي بس قدر الله وما شاء فعل 💔
واكيد تبي تعرفي ليش خش رائد طب باش يكون قريب عليه باش ميخلينيش بروحي وميغفلش عليا بكل تعرفي كان الليل كله ميرقدش باش ميقعدش قالق عليه في نومه عليه وعندك علم أنه جاني ورم في راسي ولولا هاني وداكاتره راني تو ميته أو قاعده انعاني في وحده من مستشفيات المانيا وتعرفي يما لولا رائد وناهد وهاني بارك الله فيهم لكنت اني اللحظه هذي ميته بس شن بندير هه ميبيش ربي ياخد أمانته وعلى مقد حولت ننتحر وشي بس اقتنعت بعدين انه ربي إذا احبه عبدا ابتلاه بس ماش قدرت تتكلم وانهارت بلبكا وشريط حياتها يمر قدامها والكل منصدمين كيف مروه تحملت هذا كله ومقلتش عليه وقاعده كاتماته في قلبها
أمنه وكانت منهاره على بنتها: سامحيني يا مروه بلهي عليك
مروه قامت رأسها : تعرفي يا أمي حنحز طياره الليله واحلمو كان شفتو وجه مروه من جديد وحذت شنطتها هواتفها ومفتاح سيارتها وطلعت من حوشهم وركبت سيارتها وانهارت بلبكا خدت هاتفها وسكرت الموقع شغلت سيارتها وقعدت تسوق وبسرعه غريبه.....
........................................
بعد نص ساعة
عند رائد وهاني:
رائد: علاش حساس انه صايره حاجه لي مروه
هاني: زي شنو يعني جي اتصال لي رائد وكانت ناهد
رائد: ناهد تتصل غريبه
هاني: أن شاء الله خير رد فتح رائد الخط
رائد: ايوه ناهد
ناهد وكانت تتدوي بصوت واطي: وينك يا رائد مروه وصلت لي الحوش ولا شني
رائد: لالا كيف هيا امتا طلعت من الحوش
نلهد: ليها قريب نص ساعه المفروض تكون واصله
رائد: شن صار غادي باش خلها تطلع
ناهد: عمتي ضغطت عليها ومروه انفجرت وقعدت تحكي ولا انقولك تو نبعتلك التسجيل لصار تو
رائد: نسانا فيك وصكر وقعد قلقان
هاني: شن صاير غادي وخيرهم مروه وناهد
رائد: مرت عمي ضغطت على مروه وخلتها تحكي كل شي ومروه ليها نص ساعه طالعه من عاديه وموصلتش
هاني: أن شاء الله خير يا رب وصل التسجيل الصوتي لي رائد بعد مسمعو التسجيل
رائد ينفخ: يووووووه يا مرت عمي غير علاش بس تفتحي في ام لمواجع
هاني: استغفرالله العظيم ومسح وجها اهدا يا رائد ونوض اندورو عليها
رائد: هي وناضو طلعو وهما يجرو لي السياره ويبو يفتحو الموقع متع هاتف مروه
....................................
عند لبنات:
أمنه تبكي: وصلت يا ناهد
ناهد: لالا يا عمتي كلمة رائد وقال موصلتش
أمنه:يريت انقص الاساني ومتكلمت يريتني مفتحت عليها موجعها
يوسف: خلاص يا مرت عمي تو تهدأ وتغير رأيها
عزه: ايه يا امنه شويه وتلقاها في حضنك غير اهدي انتي بس
.....................
عند مروه:
مروه لقت اتصال من رائد وقفت السياره وشغلت الموقع
وردت عليه: نعم رائد
رائد وكان يعيط: انتي وين توا
مروه: رائد متعيطش عليه اقسم بالله ماني ناقصه عياط
رائد: هاني هديت انتي وين توا
مروه: اني تو قدام وفجا يسمع رائد صوت ضربت سياره قويه
رائد: مروه مروه وينك مرررروه وفجا تصكر الخطر
هاني: خيرك تعيط شن صار
رائد: الواضح انه مروه دارت حادث وكان قالك وصله إشعار مكان مروه طلع يجري هوا وهاني
...............................
ميرال: اهاا يربي ليش ديما لمصايب تجي فوق راسنا
عزه: مش عارفه الواضح مديرين ذنب ونسيين
ناهد: فكينا من لكلام هذا يا عزه
هند: ايه شن صار لقو مروه
ناهد: لالا
خلود: ربك يستر وخلاص
عزه: ليش حستكم متغيريين على مروه هلبا
ميرال: مش متغيرين يا عزه بس مروه هيا اتغيرت هلبا
عزه: به
........................
وصل رائد لي مكان مروه ولقي سيارت مروه مافيها شي مشي يجري ليها لقى مروه غايبه عن الوعي
رائد: مروه مروه فيقي مروه مشي هاني يجري لي محل وجاب اميه شوكلاته وفيقو مروه
مروه: شن صار
هاني: الواضح انه سكرك نزل فجاء مروه بدت تبكي حضنها رائد وقعد يهدي فيها
مروه: ليش اني الوحيد لي يصير معاي هكي من جيها الضغط لصيرلي ومن جيها امي لتصغط عليه اني شن جابني لي ليبيا اصلا 😢💔
رائد: خلاص يا عمري تو نرجعو لي ألمانيا كان هذا لي يريحك
مروه: تمام
رائد: هي نوضي انروحو لي الحوش
هاني: تو انروح اني بي السياره وركبو السياره وروحو اي حوش مروه وهاني رجع لي حوشه وروح بي ناهد خشت مروه لي غرفتها وغيرت توتتها وكانت شورت قصير ابيض وتوب غليض لونه اسود ولمت شعرها وطلعت لي رائد وكان شاد الكمبيوتر ولبس شورط وتيشرت
مروه:رائد حجزت التذكر متع السفر
رائد: تو نحجز فيهم والسافره بعد تلاته ايام
مروه: معناته نمشو غدوا لي بنغازي في الطياره ومن بنغازي للمطار طول
رائد: مروه متأكده انك تبي اتسافري
مروه: ايه رائد لأنه كان قعدت هاني مش حنستريح بكل وانتا سمعت بلى صار اليوم اكيد واني منبيش نفتح الجروح لصارولي في 6 السنين يلي فاتو وهما يومين بس ولا تلاته وصار هكي فلهذا نبي نرجع 💔
رائد: تمام حتى ناهد وهاني بيرجعو معانه
مروه: تمام هي كان بتنوض بترقد
رائد: هي وخشو رقدو معا بعض
....................................
في اليوم التاني🌺🌦️🌝
كانت الدنيا مطر وصقع ناضت مروه على صوت طقطقت الباب ورائد كان قاعد راقد فتحت بابا حوش ولقت امها قدامها
مروه: تفضلي امي وخشت امنه وسكرت الباب وقعمزت على الصالون
أمنه: مروه بنيتي باللهي عليك متسافريش وتخليني من جديد
مروه: ماما انتي اجبرتيني على هذا الشي لي كنت نسيانه كله خليتني نذكره في لحظه وحده إلى ولي حوال رائد ينسيني فيه انتي خليتني نذكره في تواني معدودات
امنه: واللهي كنت خايفه عليك وانتي تعرفيني كويس كيف احبك ومنرضالكش حتى ونغزت يبره
مروه: يما كأنك تحبيني خليني اسافر ونستقر في عملي ومنرجعش نذكر لي صارلي لأنه اني تو مغمومه في الحوش
امنه: تمام يا بتني مربوحه ربي يبعتلك الايمات الطيبه
مروه: امين يا رب وناضت امنه وين يما
امنه: عندي مبندير
مروه: تمام انشوفك على خير
امنه: غير مطوليش علينا بس
مروه: تمام وطلعت امنه ومروه خشت لي دارها ورجعت رقدت بعد مدارت تشك على الشناطي لي على أساس جت بترتبهم اليوم بس مصارش وترجع اتسافر من جديد
نهاية البارت
زعما شن حيصير في سفرت مروه وعرفنا شن صار لي مروه في 6 السنين يلي فاتو زعما هل حتحمل ولا مش حتحمل بكل نعرفو في الحلقتين الجايات الاخيرات وسلامات🌺💙💙
دودي الراجحي 💙💛💙
