اخوتي ❤️😂🔥(روايات ليبيه)

💕البارت الرابع والاخير 💕

💛💙البارت الرابع💛💙
للكاتبه دودي الراجحي 💙
رواية اخوتي🙈😍💛💙
البارت الاخيرر❤️
اليوم التاني لأنه اليوم الأول مفيشي أحداث بكل الا انه مروه سافرت لي بنغازي وبترجع لي طرابلس بحكم في أغراض رائد ومروه نسيوهم
رائد: مروه يا روحي
مروه: نعم رائد خلينا نرقد
رائد: لالا نوضي خلاص وقت على الطريق
مروه: مش بطياره
رائد: لالا بسياره حتى ناهد وهاني معنه لأنه بنركبو من مطار امعيتيقه
مروه: تمام وناضت من سريرها وخشت لي الحمام أكرمكم الله وكانت حاسه روحه دايخه وبطنها ترعى دوشت وطلعت لبست قفطان طويل لونه من فوق اصفر واخضر وتابع القفطان ابيض نفس لي في الصوره ولبست فوقه دجاكه ونفس لقطت الشعر ودارت شويه لمسات ميك اب وبرفانها المفضل ونضراتها وطلعت ورائد لبس تيشرت ابيض وسروال ودجاكه سودا وبرفان ونضراتها 😎❤️
رائد: واتيه
مروه: ايه وطلعو ووجهتهم كانت طرابلس
...........................
في طرابلس
عبدالله: يا امنه كيف بنرجع لك بنتك كان انتي لخليتيها تتفش من هني😂
امنه: مدخلنيش نبي مروه ترجع لي حضني غابت عليه رهو 5 سنين مش شوي رهو😭
عبدالله: تحملي سيورها حترجع لي ليبيا
أمنه: أن شاء الله
عزه: امنه بنقولك اني ووليد ومروه الصغيره بنسافرو لي ألمانيا من جديد
امنه: علاش الاطف تعودت عليك 💔💔
عزه: واللهي حتى اني بس بكرى لقيتهم طلبيني في ندوه وبصدفه لقيت أسماء مروه ورائد وهاني وناهد معاي بس كل وحد بتخصوصه
امنه: موفقه وحضنت اختها
..........................
في الطريق:
كانت مروه دايخه وبترجع لكن متبيش تخوف رائد
مروه وكان المغص زايد عليها: رائد واقف هني فيسع
رائد نخلع: كنك شن فيك
مروه: غير أوقف اووههههههههههه وكانت ضاغطه بيديها على بطنها وقف رائد السياره ونزلت مروه تجري ترجع وقف هاني بسيارته ومشتلها ناهد تجري
ناهد: مروه مروه خيرك
مروه: بطني يا ناهد وفجاء داخت على ناهد ومش درت بشي من ليصاير حولت ناهد تقيمها لكن مقدرتش حتطها ومشت تجري لي رائد
ناهد: رائد الحق مروه داخت مشي يجري قام مروه وعلى اول مشتشفا في طريق دخلها فيها
طلعت الدكتوره ومش لها يجرو
رائد: شن صار يا دكتوره
دكتوره: ستر ربي انكم جبتوها لكان طاح البيبي لي في بطنها 🤭
رائد يحول يستوعب كلمها: كيف شن قصدك يا دكتوره
دكتورة: المريضه حامل شكلكم متندروش وفي الشهر التاني بس مبروك
رائد وفرحه مش سيعاته: الله يبارك فيك ورفع يديه لي ربي الحمدلله يا ربي على انك حققتلنا أمنياتنا اني ومروه 🤲💛
جي اضبته هاني
هاني: مبروك عليكم يا خوووي وان شاء الله اتنوض طيبه
رائد وزاد حضن خوه: الله يبارك فيك وباركتله ناهد وخش بيشوف مروه لقاها كيف فايقه
رائد: مبروووك علينا يا قلبي
مروه ومش فاهمه عليه: يبارك فيك بس على شنو
رائد: نسييييت لأنك حامل يا قلبي ❤️ وكانت فرحت الكل مش مروه بس لانها بعد 6 سنين ومفيش ولا حد عطاها حتى امل صغيرون طبعا مش لزم انقول بتفصيل شن صار بعد هكي بس مروه سافرت وكملت ندوتهم وروحو بس تعالو انشوف شن صار بعد 7 شهور بضبط
مروه: اهااااا يا ربي عطيني قوت التحمل بس وكانت حاسه بي مخص قووي بس حولت تتحمل وناضت توضت بسيف وصلاة ودعت ربي باش يسهل عليها الولاده وكانت الساعه 2 في الليل وماش قدرت تتحمل وقعدت تعيط ورائد نخلع وناض يجري لي مروه لقاها لبسه العبايه بس نحت هيا لي وشاحها متع المليه متع الصلاة وتتوجع
رائد: شن فيك مروه شن فيه
مروه: ماش قادره يا رائد قريب بنموت
رائد: ادفلي من فمك يا دعوه😂🙂 وحاول ينوضها وخدي هواتفهم ومفتاح السياره وطلعاها وطول على العياده بعد ربع ساعه وكان الكل قدام غرفة العمليات وعزه كانت مع مروه وكانت مروه تتوجع بعدها بحوالي 5 دقائق ماش سمعو صوت مروه بس سمعو صوت بيبي طلعت عزه من غرفة العمليات وشاده بنوته صغيرونه عيونها زرق غامقات وكبار عطاها لي رائد
عزه: مبروك عليك يا رائد وتشوفوها في اعلا المراتب يارب ❤️❤️❤️🤲
رائد: يبارك فيك يارب وكان فرحان ودموعها ينزلو شن حال مروه 🥺
عزه: شوي ويطلعوها نمشي انحي حويج العمليات وتو تجي الممرضه تاخد البيبي باش يفحصه الدكتور ويحطوه في الحضانه ☺️
رائد: تمام ومشت عزه من هني وطلعو مروه لكان وجعا كله عرق وكانت داهشه وفرحانه وتبكي وتتوجع  🥰😭❤️
مروه: نبي اشوفها يا رائد
رائد: اهيا سموحتنا وورهالها الحمدلله على سلامتك حبيبتي وباسها على راسها
مروه: الله يسلمك وتحمدولها كلهم ع سلامتها و خلوها الممرضات على غرفتها وخدو البيبي من رائد وحطوه في ألحانه
في غرفة مروه:
قاعدة مروه تتذكر في كلام عزوز في المانيا لنا قلتهالها
.....................................
فلاش باك:
طبعا بنترجم بليبي لأنه معنديش خلوق نكتبه بالانجليزي
خشت عزوز لي غرفة مروه وكانت مروه مكائبه لأنه عرفة انها متقدرش تجيب خلاص
العزوز: خيرك يا بنتي متنكده
مروه بدت تبكي: منقدرش انجيب بكل وتغمرت العزوز
العزوز:يا بنتي متبكيش حيجيك يوم وتحملي وحتجيبي وقولي قلتها هذيك لعزوز ولخشت عليك وانتي مضايقه وتبكي وقعدت حضنتها والعزوز تمسح على شعرها 💙💙☺️
.................................
الكاتبه :دودي الراجحي 💙
...............................
باك:
مروه: ربي يحفظك ويرعاك يا عميمه وين مكنتي توا وخشو عليها الكل وكانو فرحانين
ميرال: شن بتسمي بنتك يا مروه
مروه: في اسم مقابله عليه لي رائد من قبل وحبيناها هلبا 😍🥰❤️
عزه: شنو هوا الاسم 🤭
مروه ورائد: اريس 🥰🥰❤️
ناهد: يمحلاه ربي يحفظها ليكم
مروه ورائد: يارب
امنه: مش حتسافري يا مروه صح
مروه:لالا حنستقر اهني الا كان طلبوني
امنه: تمام وكان اليوم ولا اروع للكل روحو بي مروه اليوم التاني ودرولها حفلة استقبال وبعد اسبوع درتولها البنت اسبوع كبير وكانت البيبي اريس فرحه لكبيره لي مروه ورائد 🥰🥺😍❤️
بعد 5 سنين :
اريس:ماما ملوه ضلبتني
مروه نزلت لي مستواه بنتها وتمسحلها على شعبها الناعم: ليش يا ماما ضرباتك مروه😊
اريس: على خاطر قالت عليك ماما واني منبيش حد يقول عيلك ماما
مروه ضحكت على بنتها الغيوره: عادي ماما وخدت حطت يد بنتها على بطنها لكبيره: قولي لي اختك اني احبك يا اختي الصغيره هي❤️
اريس بايت بطن امها وقالت بصوت واطي: انحبك من كل قلبي يا اختي الصغيله وبنستناك واني حنسميك يا وزن❤️🤭
باست مروه رأس مروه وقلتلها بري العبي مع مروه جي رائد من وراها وحضنها ومشى معاها لي مكان بعيد عن الكل
رائد: تعرفي يا مروه ليش حبيتك برغم من لصار معانه كله وبقيت معاك ليومنا هذا والآخر عمرنا 😌💙
مروه: ليش 🥰
رائد: احببتك حتى أيقنت إن الأكتفاء أنتي
إنتي أجمل شي في تفاصيل عمري وإنتي أكثر شي حبيته أنا ،
- أنك جُزء مِن عقلي و سَعادَتِي و دُعَائي
أحببتك لإنك انا أحببتك لإنك الجميع لي
واني سأحبك حتى المشيب حتى الهرم وحتى عن الدنيا نغيب ،
اقسم بلذي خلقك فسواك فعدلك  بأنني احببتك حبا فاق كل الخيال ، أخاف أن ينــتهي عمــري قــبل أن تجمعني بــكِ رحلـة أنــام فــي منتصفها واضــعاً رأسي على كتــفكِ حنيتك، مِلڪـت قـلـبيِ، ومِلڪَتنيِ
كوني بقربي دمتي لي روحـاً لا تمت
أحببتك اكثر مما سمح لي عقلي به أحببتك حتى أصبحتي تملكين جميع أفكاري وخيالاتي وحتى جميع اوقاتي ، أريد أن أخبرك شيئا وأحدا وأبدي!
لا أحد يمكنه لمس قلبي كما فعلتي أنتي
- انتِي الامتنان الوحيد الذي اُدين به للحياة ❤.
مروه:_ اللِي بينآ اعظَم مِن ان نسميِه حُب ، اللِي بينَا تمادىَ تمسُك ، اهتمَام ، راحَه ، ضِحك ، ( نكَد ) ، مواقِف ،ومشاكِل ، اللي بينَا ما يتلخصِش فكلمَه وحدَه ، اللي بينَا واضح فعيُونه وكلامنَا ع بَعض بس مايسمَش حُب كلمِه حُب عابِره قدام اللِي بينَا ❤️.
رائد: انحبك يا قلبي💙
مروه: واني انحبك يا عمري كله❤️ وقالت في خاطرها معاه حق"سعد محمُود" وقِت قال :
- هالمرَهه قليبِي طَاح ،
- القنَه طاح فعلآ وطاح وين استراح ومبرَك عليه منها الطيحات عَ قُولت اجديدَه ، ❤️❤️💙
وهكي تمت الروايه الاوله ليه ❤️
العبره من الروايه
عمرك متقسي على اختك حتى لو غلطت تعاليلها بسياسه وقوليلها على غلطها متضربيهاش باش محقدش عليه وضرك❤️🥰
عمرك متكون زي عبير ممكن اهوني بعد مجتها الحاله النفسيه والورم تابت ممكن يسمحلها ربي بس هل حتسمحها مروه وهيا كانت سبب فلي صارلها كله 🤷💔
وكوني أم محبه ونصوحه واخت وصديقه لي صغاركم زي امنه بس عمرك متضغتي عليهم باش تعرفي جواب لي تبيه لأنه ممكن الجواب يكون قاسي هلبا عليهم
رائد ومروه لكانو اكتر كوبي حبيتهم وفيه هلبا منكم حبوه رغم المصاعب ومشقات والهموم لصرتلهم تحملو وزاد وكبر حبهم لي بعض وربي كافئهم بي اريس والبيبي وزن وان شاء الله يكبرو ويشوفوهم في اعلا المراتب ❤️
والله يمحلي صحبت لبنات العم لتكون زيه هكي ❤️  طبعا اني بنات عمي كل حده في تركينا فلهذا مش حنكتب شي عليهم😂💔
واهاااااااا طبعا كانت أول رواية ليه هذي اسفه كان عطلت عليكم واسفه على الأخطاء الإملائية وشكرا هلبا للبنات لسئلو على الروايه وشكرا لي إليكم كلكم على دعمكم الحلو ليه ولي Hanoosh ALbahlool  لتصميمها لي اخر بارتات صورهم ❤️❤️❤️❤️ ومش حنعطل عليكم ونتلقووووووو في رواية جديده هي سلامات❤️❤️
#رواية_اخوتي❤️😂🔓