رهينه الشيخ جاسر

رهينه الشيخ جاسر4

البارت الثالث
رقيه /كعدت الصبح بدلت ورحت للمدرسه ومر يوم عادي بالمدرسه وصارت حله طلعنا انا وحوراء بس السايق ما موجود انتضرنا شوي بس ما اجه رحنا للحارس بس ما موجود واجت بنيه كالت منو رقيه رعدابوها برا طلعت بس ماجان بابا موجود وفجأه انحطت ايد على وجهي بيها كلنكس وما ادري شنو صار.......

الاحداث عند جاسر
جاسر انفقت ويه الحراس يخطفون اخت مجتبى حتى اساومهم ينطوني مجتبى
طبعاً اتفقت ويه الحراس يهددون السايق حتى يتاخر ويخطفوها
جاسر /خابرت الحارس
الحارس /شيخ سوينه مثل ماكلت والبنيه يمي
جاسر/ زين هسه هيه بوعيها لو لا
الحارس /لا فاقده الوعي وين نوديها
جاسر /جيبها للبيت
الحارس /صار شيخ
جاسر/بعد نص ساعه اجه الحارس وجاب البنيه وهنا انصدمت صدمه عمري 😱😱الصراحه احلا صدمه البنيه نفسه رقيه الي شاغله تفكيري راد يشيلها ينزلها بس ماقبلت ما اعرف احس نفسي غرت عليها شلتها وديتها لغرفتي وقفلت الباب شافتني امي
ام جاسر /يمه جاسر منو هاي البنيه خطيه مغمي عليها
جاسر /يمه هاي رهينتي محد يحجي وياها او يفتحلها الباب
ام جاسر /صخام يمه جاسر هذا انت العاقل تسوي هجي
جاسر/يمه اخوها تسبب بدخول اخوي غيبوبه يمه رجاءاً لاتدخلين
جاسر /رحت بالديوان يم الولد وسمعت صوت صريخ من البيت عرفت بيها كعدت

رقيه /كعدت لكيت نفسي بغرفه حلوه كلش لونها اسود وذهبي وراسي كلش يوجعني ضليت اصرخ واحول افتح الباب بس مقفول بعدين انفتح ودخل اخر شحص اتوق اشوفه 😳الولد الي ساعدني الضابط الي يم المدرسه ضليت صافنه مافهمت شي
رقيه/انا وين وليش انا هنا رجعني لاهلي
جاسر/انتي بيتي وليش انتي هنا لان اخوج كتل ابن عمي وضرب اخوي وهسه انتي رهينه
رقيه/ضليت اصرخ رجعني لاهلي وبنفس الوقت مصدومه ما مستوعبه شنو رهينه انا سامعه بيها بس بالقصص جاسر /ضلت تصرخ تكول رجعني لاهلي الصراحه انقهرت عليها بس مو لان شاغله تفكيري وعاجبتني انسه انتقام اخوي ما رديت عليها وطلعت وقفلت الباب ضلت تصرخ ما اهتميت ورحت للشغل صار فتره هامله طبعاً وصيت محد يفتحلها الباب اساساً يخافون مني مايتجرئون يفتحو
رقيه/ضليت اصرخ وابجي لحد ماتعبت حتى صوتي ضل ميطلع ونمت كعدت الصبح علىصوت احد يفتح الباب
جاسر/كعدت الصبح اخذت اكل صعدته الها من فتحت الباب كعدت خليت الصينيه على طاوله زغيره بالغرفه وضلت اتصرخ وتكول
رقيه بصوت مجروح/رجعني لاهلي الله يخليك😭😭
رقيه /انا احجي واتوسل وهوا ولاعبالك يسمع ولا يجاوب اخذ ملابس من الكنتور وطلع وعافتي ابجي واصرخ اضرب على الباب وهوا ابد مامهتم😡ماعنده قلب عنده حجر
جاسر/مجاي اتحمل بجيها وصريخها نكسر كلبي بس ماكدر ارجع عن كلمتي ولا اكدر اباوع بوجها حتى حاس بالذنب هيه شنو ذنبها انا اسوي بيها هجي وهيه طفله
.
.
.
في مكان اخر عند اهل رقيه
ام رقيه/ اتاخرت رقيه وما اجت للبيت اتصلت على ابوها وحجت الي صار
ابو رقيه/راح للسايق وسأله وكال انا من رحت للمدرسه ارجع البنات مجانت موجوده كالو البنات اجه عليها ابوها
طبعاً ابو رقيه عصب وخاف على بنته راح للمدرسه مقفوله مابها احد رجع للبيت كال لام رقيه كلشي طبعاً اول شي خطر علبالهم يخابرون حوراء هيه صديقتها الوحيده وتحجيلها كلشي وهم سوا دائماً
المكالمه📲
ام رقيه/السلام عيكم خاله انا ام رقيه
حوراء/وعليكم السلام خاله تفضلي
ام رقيه/خاله رقيه اليوم مارجعت للبيت ماشفتيها
حوراء/شلون مارجعت للبيت اليوم السايق تاخر واجت بنيه كالت او اجه عليها ابوها وراحت
ام رقيه/انهارت من البجي وسدت التلفون وحجت لابو رقيه طبعاً دورو عليها بس ما اكو الها اثر وتوقعو انو نخطفت لان موضوع انو اجه عليها ابوها مبينه يعني مر اسوء يوم على اهل رقيه بين خوف وقلق وحزن صار الصبح وماكو خبر عن رقيه الكل منهار فجأه ابو رقيه تذكر كلام جاسر(لعد اي شي راح اسوي انا وعشيرتي محد يحاسبنا عليه)اول شي خطر على بال ابو رقيه انو خطفها حتى ينتقم
.
.
.
نرجع الى جاسر
طلعت رحت للمركز جاي اشتغل واحقق وبالي يمها اكيد جاي تبجي اكيد كرهتني اكيد عبالها انا واحد حقير وخاط...(قاطع تفكيره صوت التلفون📲) رقم مجهول
جاسر /الوو سلام عليكم
مجهول/اذا انته رجال تفاهم وياي مو كادر على بنات العالم اذا بيك خير تعال الى منطقه ال.........
جاسر/عرفت من حجه انو هوا ابو رقيه الصراحه كلامه عصبني بس انا هاذا الي اريده اريد اشوفها وارجع بنته واخذ ابنه القاتل المهم طلعت من المركز ورحت للعنوان ...........

نهاية البارت اتمنى عجبكم💗