رهينه الشيخ جاسر

رهينه الشيخ جاسر2

ام رقيه /ماما روكه كعدي كافي نوم الساعه12:00
رقيه /اممم ماما بس شوي نعسانه اليوم جمعه خلي انام
ام رقيه /اي جمعه كعدي خلي نشوفج
وقيه /اوك ماما كعدت
( ملاحظه :روكه اختصار او دلع رقيه اهلها وحوراء يسموها روكه)
رقيه /كعدت اتريكت انا واهلي وخلصت ورحت راسلت حوراء صديقتي
رقيه 📲هلو حب شلونج
حوراء 📲هلوات الحمد لله وانتي شلونج?
رقيه 📲الحمد لله شنو جاي تسوين ؟
حوراء 📲والله حبي كعدت تريكت ورحت للمسلسلات والقصص ماصدكت  اجت الجمعه لان مشتاقتلهن 😅
رقيه 📲ههه حتى انا مشتاقه للمسلسلات والقصص
حوراء 📲يلا ولي خلي اروح اكمل القصه لان كلش حلوه
رقيه 📲تمام يلا روحي
حوراء 📲باي حب
رقيه 📲بايات
رقيه /خلصت حجي ويه حوراء ورحت شفت قصه لان كلش نحب انا وحوراء القصص
وبعدين باليل طلعنا للمول انا واهلي رحنا للمطعم اكلنا وبعدين رحنا اشتريت شوي ملابس وحلويات وراح بايا يدفع الحساب بهل الوقت اجو ولد اثنين ضلو يسمعوني كلام وعصبت ضلو يحجون اجو يردون يتقربون علي كلش خفت وبابا بعيد ردت اصرخ وبهاي اللحضه اجه ولد وخرهم وصيح عليهم وضربهم كسرهم تكسير بوقتها جنت كلش خايفه بس من شفته مااعرف شنو حسيت كانو كل الخوف راح وصار هدوء رفعت رأسي وشفته وياريتني ماشايفته مو ولد ملاك حلو لدرجه مو طبيعيه جانت نضرته حاده وعصبي وبنفس الوقت شجاع وشهم وطويل وعنده عضلات
.
.
.
رجوع للماضي ويه جاسر
جاسر / كعدت الصبح جانت عندي اجازه لان جمعه نزلت تريكت ويه عائلتي
جاسر :صباح الخير
امي وشهد وفهد /صباح النور
ام جاسر /تعال يمه تريك شهد صبي لاخوج جاي
شهد /من عيوني يدلل اخوي الحلو شعدي خيره
فهد /شهل لواكه من الصبح شعدج
شهد /لا والله انا لوكيه
فهد/ اي
شهد /جاسر شوف فهد
جاسر /  معليج بي تسلم عيونج شهوده
شهد /جاسر اذا طلعت جيبلي حلويات 😋
فهد /ها شكلت انا اكيد راح تطلب شي على هاي اللواكه
شهد /لا مو لواكه يعني اخوي صدك حلو😅
جاسر/تدللين من اطلع اجيبلج
يا احلى لوكيه
شهد /شكراً☺️
وبعدين خابرت صديقي غياث اجه وطلعنا نفتر ونسولف وبعدين كال غياث
غياث /جاسر خل نروح للمول صارلنا هواي مارايحين
جاسر /تمام امشي
وصلنا للمول اكلنا وفترينا وبعدين اجينا نطلع وشفت ولد جاي يتحرشون ببنيه وهنا ماتحملت وعصبت ورحت عليهم شبعتهم ضرب جانت البنيه بعمر اختي تخيلت اختي بهاذا الموقف وعصبت بعدين فكونا الناس وغياث وخذو الولد للشرطه طبعاً انا ماجنت منتبه للبنيه كلش بعدين اجه ابوها وتشكر مني
ابو رقيه/ والله ابني ماعرف شلون اشكرك الولد الي عدهم غيره وشهامه مثلك بهاذا الوقت قليلين
جاسر /لا عمي ماسويت غير واجبي
ورفعت رأسي وشفت البنيه جانت خايفه ومتوتره وشكلها ومعانيها بريئه و عدها خدود وعيونها سودوكلش حلوه وجانت مدنكه رأسها ومارفعته مبين عليها هادئه بعدين انتبهت على نفسي وكلت انا استأذن
ابو رقيه / أذنك وياك
ورجعت والطريق كله البنيه ماتطلع من بالي بس افكر بيها المشكله ما اعرف اسمها عنوانها اي شي عنها المهم وصلت للبيت رحت نمت 
.
.
رقيه / طبعاً بابا عصب واجو الناس ودو الولد المتحرشين للشرطه وبابا شكر الولد الي ساعدني ورجعنا للبيت وضل بالي هاذا الولد الحلو الشجاع
رحت خابرت حوراء طبعاً حجيتلها كلشي وهيه ماقصرت استلمتني
حوراء 📲الله مثل المسلسلات البطل ينقذ الطله 😂😂
رقيه 📲انجبي ولج يابطل الولد بس ساعدني
حوراء 📲تمام ست رقيه ليش العصبيه شكلنا هسه احنا
رقيه 📲اساساً ماعصبت
حوراء 📲جذابه
رقيه 📲والله ما عصبت
حوراء 📲لا موقصدي على العصبيه قصدي انعجبتي بالبطل الي ساعدج
رقيه 📲احسن شي اروح انام يلا ولي
حوراء 📲اي شردي من الجواب
رقيه 📲باي
خلصت كلام ويه حوراء ورحت نمت وانا افكر بالبطل على كولت حوراء😂😂ونمت
(الصباح)
كعدت بدلت وسبحت ونزلت اتريك ويه اهلي
رقيه /صباح الخير
الكل / صباح النور
ساعدت ماما سونا الريوك تريكنا وبعدين غسلت الماعين وباوعت مسلسل وحجيت ويه حوراء ودرست وبعدين رحت لبيت جدي هناك اكو خالتي الصغيره مامتزوجه  بس مخطوبه كلش احبها وخالتي الثانيه متزوجه وعدها بنت بعمري اسمها طيف كلش احبها هي اقرب شي الي بعد حوراء طبعاً  واكو بيبي وجدو سولفنا وتعشينا ورجعت للبيت لعبت بالتلفون وحضرت ملابسي مال مدرسه ونمت
.
.
جاسر /كعدت الصبح بدلت ونزلت اتريكت ورحت للشغل وخلص اليوم بالشغل رجعت تعشيت وباوعت  بالتلفون ونمت لان تعبان من الصبح بالشغل