رهينه الشيخ جاسر

رهينه الشيخ جاسر3

جاسر /كعدت الصبح سبحت وبدلت رحت بست راس امي وتريكت ورحت للمركز وكالو انو اليوم هم نروح يم المدرسه طبعاً كلش فرحت لان راح اشوف البنيه الي ما اعرف شنو اسمها حتى من اشوفها ما اعرف شنو يصيرلي المهم رحنا يم المدرسه ضلينا نراقب وبعد مرور ساعتين احو مجوعه شباب مو راحه من شافو الشياره والضباط انخطف لونهم شكيت بيهم كلت للضباط ورحنا نريد نحجي وياهم وبعدنا ما وصلنا يمهم انهزمو طبهاً هما 3 اعمارهم بال 20سنه يمكن انهزم واحد واثنين كضيناهم ودوهم للمركز وضلينا احنا نراقب خاف اكو بعد وهم حتي نلزم الي انهزم صار وقت الحله مال المدرسه وعيوني ضلت تدور هاي البنيه بعدين صاحلي غياث رحت يمه جنا قريبين يم الباب كال غياث
غياث /شوف هذول الولد الاثنين بس يباوعون شكلهم مو راحه
جاسر /اي والله مبين عدهم شي بهاي الحضه طلعت البنيه الي من الصبح لهسه منتضر اشوفها جانت لكلش قريبه عليه بس هيه مدنكه ماشافتني وفجأه التوت رجلها ورادت توكع لزمت ايدها وكفتها ماوكعت باوعتلي وصارت عينها بعيني عيونها سود يجنن كبار وبريئات
رقيه /رفعت راسي😱 وشفت الولد الي ساعدني بالمول صارت عيني بعينه خجلت 😍ماعرفت شنو اسوي نسيت حته الم رجلي
جاسر /تاذيج رجلج ?
رقيه /لا مابيه شي شكراً
جاسر /شنو اسمج
رقيه / استغربت من سؤاله هو شكو باسمي المهم كتله اسمي رقيه واجت حوراء ورحت وياها وضلت تسأل وحجيتلها كلشي خربت ضحك عليه وكالت
حوراء /ههههه 😂خرب نفس المسلسلات حتى صارت قديمه
رقيه / يا مسلسلات انا رجلي رادت تنكسر ومتت من الفشله هسه اكيد يكول عليه ثوله ما اعرف امشي 🥺🥺🥲
حوراء /اي والله
رقيه/ شنو اي والله
حوراء / اي والله ثوله 😂
رقيه /حوراااااااء😡
حوراء /تمام سكتت😅
رقيه / رجعت للبيت بدلت وسبحت ورحت اتغديت ونمت بعدين كعدت درست وحضرت ملابسي وباوعت بالتلفون ومر يوم عادي

جاسر /من شفتها صار عندي فضول اعرف شنو اسمها وسألتها طلع اسمها رقيه اسمها هادء مثلها بعدين خلص وقت دوامي بدلت وطلعت ويه غياث والشباب وبعدين رجعت للبيت كعدت ويه اهلي شوي ورحت نمت وخلص اليوم ما اكو احداث مهمه

الصباح
رقيه /كعدت الصبح رحت للمدرسه ومر الدوام عادي ورجعت جان اكو كدام الباب سيارات هواي صوت صياح وهوسه والصوت عالي كلش نزلت لكيت الكل موجود عمامي ونسوانهم وماما جانت تبجي وتكول راح ابني انا هنا فقدت ورحت اكلهم شكو شبي اخوي
محد يرد ضليت اصيح شبي احجو كالت مرت عمي
مرت عم رقيه /مجتبى طالع بالسياره مال ابوج وداعم ولد اثنين و.....
رقيه /و شنو احجي خاله اخوي بي شي
مرت عم رقيه /لا يمه اخوج مابي شي بس واحد من الولد توفه المشكله واحد اخو شيخ واحد ابن عمه
رقيه /ضليت ابجي لان اكيد مراح يسكتون ويسون باخوي شي

في مكان اخر
جاسر/ كعدت رحت للدوام جان اكو مجرم جاي نحقق ويا حتى يعترف واتصل علي فهد طلعت
جاوبت
جاسر /الوو
المتصل /انته اخو فهد اخوك سوه حادث سير
جاسر /وين وباي مستشفى
المتصل /مستشفى ال.......
جاسر /اخدت سيارت وطلعت معصب وامشي سريع خايف على اخوي الوحيد ماعندي غيره الطريق ساعه ونص سويته نص ساعه امشي سريع ومعصب عيوني بكصتي الله ستر ماسويت حادث وصلت للمستشفى شفت اخوي غايب عن الوعي وداخل غيبوبه وايده مكسوره ومضروب راسه بس ابن عمي متوفي عصبت وضليت اصيح شلون صار الحادث ومنو الي دعمه والله ما اخلي عايش

المهم اتفقنه الكعده بعد 3ايام
ورا الفاتحه خلصت فاتحه ابن عمي الصراحه مازعلت على ابن عمي كلش لان هوا واحد مستهتر وصايع وماينتبه من يسوق وعينه زايغه ونبهت فهد مايمشي ويا بس اخوي مايسمع الكلام
صار يوم الكعده بدلت ولبست زي عربي (دشداشه ) ونزل صبحت على امي وبست واسها
ام جاسر /يمه جاسر اليوم الكعده لا تعصب يمه تدري ابن عمك الي غلطان
جاسر /يمه ابنهم هم غلطان انا اخوي داخل بغيبوبه وتكليلي لا تعصب والله اذا مو دم بالدم با ارتاح رحنا احنا وعمامي لاهل الولد وصلنا دخلنا للديوان

في مكان اخر
رقيه /اجه يوم الكعده وطبعاً بابا سفر ااخوي لغير محافظه على ما يهداء الوضع كعدت رتبت البيت وحضرت الضيافه وصلو الناس وصارت الكعده

ابو مجتبى (ابو رقيه )/شيخ جاسر احنا نعتذر ابنه غلط وانا جاهز ادفع من الميه الى الألف
جاسر /اعذرنا ابو مجتبى احنا دم ولدنا مايتعوض بفلوس
ابو مجتبى /لعد شنو طلبكم
جاسر /احنا انريد الدم بالدم اريد كتال ابن عمي واخوي
ابو مجتبى /اعذرني انا ابني ما انطي دمه واذا تريد شي ثاني احنا حاضرين
جاسر /انا هاذا اخر كلام عندي الدم بالدم
ابو مجتبى /وانا اخر كلام عندي ابني ما انطي
طبعاً صار صياح بين العشيرتين والاثنين مايتنازلون
جاسر /لعد اي شي راح اسوي انا وعشيرتي محد يحاسبنا عليه
جاسر /عصبت وطلعنا من الكعده ورحت للمستشفى اشوف اخوي الي جانت ضحكته ماليه البيت وهسى بغيبوبه

ملاحظه /طبعاً جاسر ماتذكر ابو مجتبى هو نفسه ابو رقيه الي تشكره بالمول (طبعاً جان مركز بشي ثاني😉😂)بس ابو رقيه عرفه

جاسر /رجعت للبيت وضليت افكر شلون اخذ ثار اخوي صحت على واحد من الحرس
جاسر/اريد تجيبلي معلومات عن هاذا الي كتل ابن عمي
الحارس/ حاضر شيخ
جاسر /رحت نمت وخطرت على بالي البنيه رقيه ما اعرف بس دائماً تخطر على بالي رغم انو انا شايف احلا منها بس هيه لفتت انتباهي وجذبتني وانا افكر نمت

الصباح
جاسر /كعدت الصبح تريكت ورحت للديوان اجه الحارس
الحارس /شيخ جبتلك كل المعلومات
جاسر /اي احجي
الحارس/الولد اسمه مجتبى يدرس رابع علمي هوا الجبير وعنده اخت اصغر منه بسنه هيه الوحيده بنيه ومدلليها وهيه روح ابوها واخوها يموتون عليها وعنده اخو صغير عمره 4سنوات
جاسر /طبعاً من كال عنده اخت وحده وروح ابوها واخوها خطر بالي شي
الحارس/تامر بشي شيخنا
جاسر/جيب الحرس وتعال
الحارس /حاضر
جاسر/شوفو شباب اريدكم تسوون الي راح اكلكم عليه.......
.
.انتها البارت اتمنى عجبكم 💗
انتضرو البارت الجاي💗