آحببته ولاكن

مستحيل آنسآڰ بارت1

آليوم صار عمري23سنه صار مارء سنتين على انفصالنه تخرجت من الجامعه وخلصت محاماه..اي صرت محامي قصدي افوكاتو مثل ما كنتي انتي تقولي تأخرت شوي بدراستي كرمال اوصاعي الماديه يلي كنتي بتعرفيها وهيه ذاتها الاوضاع يلي رفضني والدك كرمالها...كلشي كان حلو ومنيح التخرج والاحتفال حتى انو لقيت وضيفه بمكتب محاماه مبدئيا حتى صير قادر افتح مكتبي الخاص..كلشي مميز وحلو الا انك ما كنتي موجوده🥀
اليوم صار عمري26 سنه صار مارء خمس سنين على انفصالنه واخيرأ فتحت مكتب محاماه خاص فيني وبلشت استلم قضايا الاولويه لدعاوي النساء يلي بيتعرضو للعنف وماعم يقدرو ايطلقو كرمال ما ينحرمو من ولادهم لانو هيدا كان طلبك بعد ما اتعرضت والدتك للعنف والضرب والطلاق وانحرمتي من شوفتها 10سنين المكتب حلو وبنص المدينه مافي شي ناقص الا وجودك بكتب السكرتيره مثل ما اتفقنا..💔
اليوم صار عمري 28سنه صار مارء 7سنين على انفصالنه اشتريت السياره الي كنتي تحلمي فيا لونها اسود من برا ومن جوا فرشا خمري وبقلبا فتحه سقف لانو كنتي عطول تقليلي تتمني تطلعي منها ويطيرو شعراتك انا وعم سوق فيكي السيارة حلوة وكلشي فيا بيجنن مافي شي ناقص الا وجودك على الكرسي يلي جنبي ..💔🥀
اليوم صار عمري 30سنه صار مارء 9سنوات على انفصالنه دفعت مقدمه بيت احلامنه بنص الشارع يلي التقينا في اول مرة طابقين مثل ما اتفقنا الطابق العلوي غرفتين نوم صغار للاولاد وغرفه نوم كبيرة النا وفيا حمام وجاكوازي مثل ما واعدتك وبالطابق الارضي تحت فتحتلك المطبخ على الصالون كنتي عطول تقليلي بتحبي مطبخك يكون كبير البيت حلو كثير مافي شي ناقصه الا وجودك فيه💔
اليوم صار عمري33سنه صار مارء 12على انفصالنه ههههه كنا متفقين حتى نجيب درزن ولاد سمعت من رفيقتك انو صار عندك ولد عمره سنتين الله يخليلك ياه انا مبارح كان عرسي تزوجت بنت محترمه وحلوة هيك خبرتني امي عنها وهيه عرفتي عليها وقالتلي بتحبني كثير ورفيقي قلي تزوجت يلي بتحبك ما بتركك لانو يلي بتحبها راح يجي يوم وتتخلى عنك وبصراحه فتشت كثير على وحده بتشبك ما لقيت مع انو يخلق من الشبه40بس يمكن انتي الوحيده يلي الله ما خلقلك شبيها اذا بترجعلي ما كان بدي اتزوج لانو ما بحبها بس انا وحيد اهلي وامي ما راح تتركني بحالي الا لتزوجني كان العرس منيح وحلو ماكان في شي ناقص الا وجودك انتي محل العروس💔
اليوم صار عمري49سنه صار مارء عشر الاف وميتين وعشرين يوم على انفصالنه صار عندي صبي وبنت الصبي عمر سميته مثل ما بتحبي عمره14سنه ومي اليوم بتصير10سنوات اي مي سميتها على اسمك حتى ضل اسمع هل اسم بكل البيت بعرفك زعلانه لانو اتفقنا انسمي لميس. بس ماقدرت ما سميها على اسمك لما خلقت كانت بتشبك كثير نفس عيونك و وجهك صوتها كثير حلو وبتحب تغني مثلك ومهوسه بشعراتا مثلك بتشبهك بقصص كثير ما ناقصها شي الا انك تكوني امها💔