#سجينة طيفك
بقلمي : زهراء الدليمي
الحلقة الـ 1
لاتنسون تصوتون + متابعة لحسابي + تعلقون على كل فقرة
قرائة ممتعة Love you
،،،،،،،،،،،،،،،،،،،،،،،،،، ♥️ ،،،،،،،،،،،،،،،،،،،،،،،
اعرفكم عن نفسي اسمي نورس عمري 20 ادرس كلية طب مرحلة ثانية احنة عايشين بواسط بس اني كاعدة بيت جدي أهل ماما بغداد لان عندي جامعة وبالعطلة ارجع لبيت أهلي
عائلتي متكونة من أخ واحد اسمة وسام عمرة 29 عندي 2 خوات الكبيرة اسمها ياسمين عمرها 23 مزوجة واختي الصغيرة اسمها منال عمرها 17 احنة
نورس : كعدت الصبح على صوت المنبه أكثر صوت اكره بالحياة صوت المنبه من يدك الصبح المهم طفيت المنبه ضليت صافنة على السگف آخر شي قررت اگوم كمت رحت للحمام سبحت وبدلت وطلعت لبست تنورة بينصل لون اسود وبيها فتحة من الجانب وقميص ابيض وحطيت مكياج خفيف لبست شال ماروني أخذت تلفوني ورحت للصالة لكيت بيبي مجهزة الريوك كلت صباح الخير بيبي
الجدة : صباح النور يمة يلة تعاي تريكي
نورس : كعدت اتريك شوية وصديقتي دزتلي رسالة كاتبة
سجى : صباح الخير نونو يلة اطلعي وصلنة
نورس : تمام باوعت على كامرات المراقبة شفت الخط وصل رحت غسلت وأخذت الجنط والكتب كلت بيبي اني رايحة وصل الخط
الجدة : ولج يمة شو ماكلتي
نورس : ماريد الخط وصل رحت بست ايدها كلت بيبي ادعيلي
الجدة : الله يوفق بيبي
نورس : اني رايحة
الجدة : الله وياج ديري بالج على نفسج
نورس : تمام طلع صعدت بالخط كلت صباح الخير
الكل : صباح النور
نورس : رحت كعدت
سجى : شلونج وية الامتحان اليوم
نورس : طيحان حظ نعسانة مايمة بس ساعة خرب
سجى : ياا ليش
نورس : لأن البارحة من رجعت نمت واخذتني النومة ماكعدت للمغرب كعدت اقرة ضليت سهرانة لحد الساعة 4 الفجر يالله نمت
سجى : اني من رجعت مانمت كعدت على التلفون
نورس : وراى فترة وصلنة للجامعة نزلت من الخط ودخلت للجامعة رحت للقاعة شوية اجة الأستاذ وراى ماخلصت المحاظرة رحنة للكافتريا اني وصديقاتي
نمارق : نورس شبيج صافنة
نورس : جاي أفكر
سجى : أكيد جاي تفكرين قابل جاي تركصين
أنت تقرأ
سجينة طيفك
Mystery / Thrillerما بين الحُب والحرب والحزن، وما بين والأمل والصبر، حُب يبدأ من الطفولة رغم بعد المسافاتِ ورغم اللي حصل مع الابطال هل سَـ يدوم هذا الحُب أم سَـ ينتهي...
