[Uni]
Part-16[Final]
'ကလေးရေ..ပြင်ပြီးရင်လဲထွက်လာတော့လေကွာ..ကျောင်းနောက်ကျတော့မယ်မလား...'
'လာပြီလူကြီး!!'
တတိယနှစ်ကျောင်းသားတစ်ယောက်ရဲ့ အချိန်ဇယားတွေက မလွယ်ကူလှပါ။လေ့လာစရာတွေလဲ များလာပြီဖြစ်သလို သင်ယူရတဲ့အရာတွေကလဲ ထုထည်ကြီးမားသည်။VHOPE အဖွဲ့ဝင်တစ်ယောက်လဲဖြစ်တာကြောင့် လေ့ကျင့်မှုတွေမှာလဲ မပျက်ကွက်ရ။ဘေးကနေအမြဲတစ်စေ ထိန်းကျောင်းပေးတတ်သည့် ဂျောင်ဂုရှိနေ၍သာ ထယ်ယောင်းအတော်လေးသက်သာနေတာဖြစ်သည်။
ဂျောင်ဂု၏အရင်ကွန်ဒိုမှာပဲဆက်နေဖြစ်ကြသည်။ အခန်းတွင်းပြင်ဆင်မှုကတော့ အရင်လိုAll Black မဟုပ်တော့ပဲ ထယ်ယောင်းသဘောကျသည့်အရောင်နုတွေကိုသာ နှစ်ဦးသားပြန်လည်ပြင်ဆင်ထားကြ၏။ကြမ်းပြင်ကစလို့ အခန်းစည်းအဆုံး ထယ်ယောင်းသဘောကျသော အရာများဖြင့်သာ ပုံဖော်ထားပြီး နေ့စဉ်ဘဝက ထယ်ယောင်းစိတ်တိုင်းကျသာဖြတ်သန်းသည်။
ဂျောင်ဂုက တစ်နေ့တစ်ခြားပိုမိုချစ်ပြပြီး..အချစ်ခံရတဲ့ထယ်ယောင်းမှာတော့ အခုဆို လေရှူရမှာတောင်ပျင်းသည်ဟုဆိုလာသည်။ဂျောင်ဂု၏ဂရုစိုက်မှုတွေကြား နေလာခဲ့တဲ့ထယ်ယောင်းက အရင်လိုချူချာတာမျိုးမရှိတော့ပါ။တစ်နေ့တစ်နေ့ ဂျောင်ဂုချက်ကြွေးတာတွေစားလိုက် ဂျောင်ဂုရင်ခွင်ခေါင်းတိုးအိပ်လိုက်ဖြင့် လူလဲအတော်ထွားလာသည်။ဖောင်းဖောင်းလုံးလုံးလေးမို့ ချစ်မဝပါဘူးဆိုတဲ့ဂျောင်ဂုမှာတော့ အချိန်ရှိခိုက်သဝန်တိုနေတတ်သည်။IDoLတစ်ယောက်ရဲ့ချစ်သူဖြစ်လို့
ပိုပြီးသည်းခံသင့်မှန်း ဂျောင်ဂုနားလည်ပေမယ့်..ချစ်တဲ့စိတ်ကြောင့် သဝန်တိုနေတာကိုထိန်းမရပေ။လုံခြုံအောင် လက်ထပ်ထားရန်ကြပြန်တော့ ကောင်လေးကကျောင်းမပြီးသေးတာကြောင့် အချိန်အတိုင်းအထိတစ်ခုအထိတော့ ဂျောင်ဂုစိတ်ရှည်ရပါမည်။'ကလေးငယ်..ပေးကိုယ့်ကိုလွယ်အိတ်.'
'အင့်..'
'သွားကြစို့..'
ထယ်ယောင်းလက််ကိုဆွဲကာ ကျောင်းထိကားမောင်းပို့သည်။ထယ်ယောင်းအလွတ်ရနေပြီဖြစ်တဲ့ ငြီးငွေ့ဖွယ်ဆုံးမစကားကို ငါးမိနစ်ခန့်မှာတန်းခြွေပြီးနောက် ထယ်ယောင်းနံဖူးအားအနမ်းတစ်ပွင့်ပေးပြီးကုပ္ပဏီဆက်သွားခဲ့သည်။
YOU ARE READING
ONE Month
Romance[Uni & Zawgyi] Completed "ကျွန်တော့်ကိုတစ်လပဲအချိန်ပေးပါ..တစ်လအတွင်းမှလူကြီးကျွန်တော့်ကိုပြန်မချစ်လာခဲ့ရင်..ကျွန်တော််လူကြီးအနားကနေ..အပြီးပိုင်ထွက်သွားပေးပါ့မယ်" ONE Month>••<