نجمة في الوادي

مشهد الاول

"اليوم وانا في طريقي للعودة بكيت،
بكيت لان كُل الاشياء التيّ آمنتُ بِها يوماً
لم احصُد مِنها سوى خيبة
وأنا مُتعب من محاولاتي المُستمرة للتخطيّ
وعدم الالتفات
دونَ الوصول الى جِهه آمنة حتى الان"

*****************************

وصلت بيك هيج تسوي وادي !!

شلون جذبت عليه

خلللص احنه انتهينه بعد ماااكو نجمة بحياتك

مشيت بسرعة عابرة الشارع
راجعة للبيت
وعيني مليانة دموع تنازعت وياي رغماً عني حته تملي عيوني

واني مقاومة ثورانها قبل لتنزل وتفضحني

اصراري على منعها تكمل جريانها بطريقها السالك على  وجهي منعني اشوف گدامي

مجنت رايده اعلق نفسي بحب نهايته جروح
الي بدايته جذب شلون ينتهي ...

گلبي .. وگلبي شسوي ويا

مشيت بسرعة واني مدارية على دموعي متنزل

وبلحظه ويا زحمت تفكيري وثوران دمعتي

شفت ضوه قوي .. قوي لدرجه سكت كُلشي ..

بلحظتها 
سكت عقلي وافكاره وسكت تنفسي وتنهداته وسكت گلبي ..

غمضت عيوني واستسلمت ٫نزلت دمعتي بحرارة على وجهي

هذا جان اخر احساس اتذكره

بعدها قفلت عيوني معُلنه خسارتي

**************************************