بنت القوادة و البزناز

1

🍷بــنـت الــقـوادة والـبـزنــاز🍷
بـقـلــمـ✍🏻 :كـــويــن فـــاتــي👑
لـاسـيـريـنـا شـيــمــاء🍂
الــبــارت🔥:1

كيف كل ليلة.. فوسط رياض وسط لمدينة.. كيتسمع غير صوت لقراعي دشراب.. وصوت رجال ونساء كيضحكو.. وهما كاااو بشراب.. فطبقة تانية هادو مطلعين نيفو عليهم.. كيتسمعو صوت آهاات ديال نساء.. "رياض دعارة" لكل واحد بغا يلبي شهوتو كيجي لهنا.. خرجات مراة من واحد لغرفة.. لابسة بينوار ساتان جامعاه عليها.. خرجات واقفات حدا دربوز..

....:صاااابريين صاااابريين

خرجات من لبيت لي مقابل معاها.. بنت صغيرة فعمر 19لسنة.. لابسة كسوة خفيفة ديال نعاس.. مخليا شعرها مطلوق مغطي ملامحها طفولية..

صابرين:نعام اماما

حسناء:شحال من مرة قلت ليك متبقايش تعيطي ليا ماما !! واش بغيتيني نخسر صمعتي مع لكلياان

صابرين:واخا سمحيليا

حسناء:سيري جيبي جوج قراعي دشراب من تلاجة يلاه طيري

صابرين حركات ليها راسها بالإيجاب.. ونزلات كتجري حفيانة.. هزات جوج قراعي فيديها.. وطلعات دقات فلباب ديال لبيت لي فيه حسناء.. حل ليها راجل ف ربعينات.. عريان من لفوق لابس غير شورط..
راجل:زين كاين ما نقديو

صابرين:(باشمئزاز)كاينة حسناء ؟!

راجل:وادوي معايا انا بعدا

صابرين:حسنااااء واحسنااااء هاني جبت ليك سخرتك

خرجات حسناء دفعاتو وخدات من عندها لقراعي.. صابرين رجعات لبيتها تنعس.. وراجل دار عند حسناء..

راجل:شحال بغيتي فيها؟

حسناء:مكتبيع ما كتشرا العربي

لعربي:علاش زعما

حسناء:زيد نكملو وباركة من تسوال لخاوي

🍒نهار جديد🍒

حلات عينيها على ضوء شمس لي داخل من سرجم.. ناضت كتكسل تاجهات لحمام.. غسلات وجها وسنانها.. ورجعات لبيتها لبسات سروال دجين وتيشورت بيض وسبرديلة بيضة.. لاحت فوقها جاكيط بلقب..ونزلات فدروج.. تلاقات مع نعمة هي بنت خدامة مع حسناء وكتحسبها بحال ختها..

نعمة:صباح لخير

صابرين:صباح نور

نعمة:راه خلات ليك حسناء لفلوس باش تشري لخبز راهما فوق طبلة

صابرين:واخا

مشات هزات جوج دراهم.. وخرجات دايرة لقب فوق راسها.. وفطريقها كتسمع دراري تابعينها..
...: هاهي بنت الق*وادة تاني

...:باينة غتخرج لمها

...:راه قاليك قلب لبرمة على فمها تخرج لبنت تشبه لمها