بنت القوادة و البزناز

6

🍷بــنـت الــقـوادة والـبـزنــاز🍷
بـقـلــمـ✍🏻 :كـــويــن فـــاتــي👑
لـاسـيـريـنـا شـيــمــاء🍂
الــبــارت🔥:10

صابرين خرجات وقفات قدام لباب كتسنا ف هيثم.. حتا كيوقف قدامها بلا ماتنطق ركبات وراه شادة فجاكيت ديالو مزيرة عليه..

بعد مدة وقفو قدام لبحر نزل هيثم حيد لكاسك ومشا بخطوات مسرعة لبحر.. باينة فيه مقلق.. تبعاتو صابرين وشدات ليه فيديه..

صابرين:هيثم مالك كتبان مقلق..!

للحظة بحال إلا كان خاصو غير شوية باش يتفركع.. تنتر منها وبدأ غادي جاي وكيغوت بحر جهدو..

هيثم"صعر":شنوو غيكوون مااالي كااع..!! فراسك بلي حتا أنا ولد لحرااام بحاالك.. ديك لق*حبة لي ولداااتني لاحتني قداام أقوود خيرية فهاد لبلاد..!! خلااتني بووحدي وانا تربية مني وقفت على رجلي هربتت وفضلت زنقة على داك لجحييم.. عشت تحت لحوانت فلبرد وشتا.. شفرت وجريت برجليا حفيانين وحوايج فوق ضهري رشاو.. مني كبرت وعقلت وأنا لا قراية لا والو.. شنو فنضرك غنديير هااا.. بقا حل واحد قدام عيني هو تبزنيز نبيع لحشيش لادروگ لكالة الهيروين فيما كان شي بلا كحل بعتو..

"قرب لعندها شاد وجهها بين يديه وعينيه فعينيها.."

هيثم:كنتي أحسن حاجة فحياتي وغتبقاي أحسن حاجة فحياتي.. مغاديش نخليك كتسمعي واخا لعاالم كاامل يبغي يبعدني عليك..

بعد منها ورجع لحالتو كيمشي ويجي..

هيثم:غادي نتزوجو ونبعد على داكشي كنواعدك.. غنبعد علييه مغاديش نخلييك..!

صابرين عينيها سايلين بدموع كتشوف فحالتو بحال شي حمق.. قربات ليه بخطوات مسرعة بدون ماتمنع راسها تلاحت فحضنو كتبكي بجهد..

صابرين:حتا أنا تحرمت من حنان لأم وإنعدام لأب فحيااتي ولكن كنحلف ليك عوضتي بلاصتهم وكترر كون كان عندي بابا مكانش غيخاف عليا ويغير عليا بحالك..

دور يديه على خصرها مقربها ليه على جهدو.. فرغو قلوبهم من جبال لي متقلينها ولهموم لي هازينها..

واعدو رأسهم باش يدوزو نهارهم مع بعضهم.. مشاو لريسطو فطرو فيه ومن تما بداو كيدورو فشوارع لمدينة.. وصابرين فرحانة شعرها كيطير وراها..
وسرعة لي غاديين بيها.. كيدوز من وسط طموبيلات حتا شبعو دوران.. ودخلو لريسطو آخر تغذاو فيه.. ناسيين لوقت لي كيدووز ختمو نهارهم فسينما كيتفرجو فواحد من لأفلام لأمريكية لخيالية..
هيثم ماعندوش مع داكشي ولكن داير لصابرين خاطرها ومتبعها.. خرجو بعدما سالا لفيلم وسالا معاه حتا نهارهم للأسف طاح ظلام..

وصلها لدربهم ونزلات عنقااتو بجهدها كامل..

هيثم:مني نسيفط ليك جاوبيني غذا غادي نديرو لعقد مكاين لاش نطولو هادشي..