بنت القوادة و البزناز

8

🍷بــنـت الــقـوادة والـبـزنــاز🍷
بـقـلــمـ✍🏻 :كـــويــن فـــاتــي👑
       لـاسـيـريـنـا شـيــمــاء🍂
      الــبــارت🔥:14

صابرين"بابتسامة":يعني يقدر يخرج..

لمحامي:من طبيعة لحال وكنتمناو كلشي يدوز بيخير.. غذا لمحكمة غتحاكم حتا مدام حسناء و لبنات لي معاها.. ونقدر نكون محامي ليهم حتا هما..!؟

هيثم شاف ف صابرين بمعنى شنو بان ليك..

صابرين"مسحات دمعتها بزربة":لا بلاش خصها تعاقب دمرات حياة شحال من وحدة وخرجات عليها ميمكنش تخرج بهاد سهولة.. وولكن نعمة هي بنت ظريفة تقدر تدافع عليها هي عزيزة عليا وبحال ختي..

هيثم دار ليه إشارة بعينيه.. يعني دير داكشي لي بغات.. لمحامي هز شانطتو وخرج..

نــهـــار جـــديــــد🌞:

كل واحد ناعس من جهة ولكن لمهم حدا بعضياتهم.. هي من خارج زنزانة جالسة فلارض مكمشة.. ومتكية على قضبان زنزانة..

وهو من داخلها جالس فلارض.. يديه مربوطين وموسد راسو على لقضبان..

فاقو بجوج على صوت لبوليسي لي كيحل فلباب..
صابرين ناضت هي لولا ومشات عندو..

صابرين:شنو واقع..!؟

لبوليسي:وقت لمحكمة خصو يمشي معانا..

خرجو هيثم وصابرين غادة وراه.. جلسو فلكراسا قدام لمحكمة حتا كيسمعو سمية هيثم..
عاد دخلو كل واحد شد بلاصتو..

لقاضي"ضرب بلمطرقة":باسم جلالة الملك نعلن عن افتتاح لجلسة..

بداو لمناقشات ولمحامي ديال أبو جاسم حتا هو عندو مكانة.. ولكن دلائل لي عند لمحامي ديال هيثم قوية..

تسجيلات لكامرة وشهود وشحال من حااجة.. كانت فصفو.. حتا لقاضي خدا لقرار ديالو.. وكلشي وقف كيتسنا لحكم..

لقاضي:.. حكم البراءة على المتهم وإزالة جميع تهم الموجهة إليه..

صابرين محساتش براسها غير وهي كتعنقو.. حيدو ليه لمينوط وعطاوه حريتو..

بقاو غير شي إجراءات خفاف وتكمل لقضية.. تكلف بيهم لمحامي.. وتم الإفراج على هيثم..

مكانتش لقضية ساهلة بلمرة غير اختاصرتها ليكم فقط..!

صابرين"مترددة":هييثم..

هيثم"شافيها":نعام..

صابرين:احم نقدرو نحضرو لمحكمة ديال حسناء..
هيثم:إلا كنتي باغا علاش لا..

دخلو لمحكمة بعدما علن لقاضي على بداية لجلسة.. ولمحامي بدأ كيدافع على نعمة بوحدها وأنها كانت مرغمة على أنها دير هكاك وتفسد..

وفنفس لوقت غرق ضوسي لحسناء.. أنها هي لي دفعاتها لهاد لميدان.. ولحكم لأخير كان نعمة بشهرين وحسناء وندى و سلمى بعامين..

عنقات نعمة صابرين كتشكرها..

نعمة:شكراا بزااف لييك.. حنيتي فيا كتر من ماماك عمري نساليك هاد لخير.. "شافت ف هيثم" شكرا اخويا..

هيثم:لعفو هادشي على قبل صابرين لا غير..

سلمو عليها وخرجو.. مشاو لدار هيثم أول حاجة بدلات صابرين.. وهيثم دخل دوش ولبس حوايجو..

هيثم:نوضي يلاه غنخرجو..

صابرين"باستغراب":فيين..!؟

هيثم"جرها معاه":يلاه بلا هضرة..

خرجو طلعو لموطور وكسيرا.. كيدور بين شوارع.. وصابرين وراه معنقاه من خصرو خايفة طير من قوة سرعة..

#يتبع..