Jungkook pov......
Ani kha ka tan enge anih tih min zawt ta se, "Ka tan chuan ka engkim aia hlu" tiin ka chhang ngei ang...
"Ka nunin ala hmuh ngailoh leh ka hmuh ve tur pawh a ka ruat ngailoh beiseina nung min pe tu a ni a, ani khan ka tawn ngailoh tamtak min tawn tir a ni"
"Ani khan a tan ka hlut zia min hrilh thin a, mahse chu ai daih chuan ka tan a hlu tih a hre silo"
Ka tan chuan ka engkim a ka engkim, ka chhungril hlimna thuruk thuhruk tak meuh a ni.
Ka naute kha............Ka chhungte takngial pawh ka la inhmelhriat tirlo asin...
A tawngthei em em a, min hnial reng thin, kan hlim dun thin lutuk asin, midang kan mamawh ngailo, ani ka kiangah a awm a, a kiangah ka awm bawk a, ka hlimna a ni a, ka damchhan tak meuh a ni, vawi tam ka hmangaih che min ti a, mahse keichuan vawi 1 chauh ka hmangaih thu ka sawi a, khatih lai a a hlim zia kha, theih nise tunah pawh hian ka hmangaih lutuk a ni tihhi hrilh nawn leh ka duh, mahse ani chu hmuh theihin a awm silo....ka nun a thil thlengah chuan ka la inchhir ber hial ang.....
Min hmangaih takzet tih tun a ka la dam ve chhanah hian a chiang a, ka hmangaih a ni tih kha lo inhre chhuak hma deuh ni ila chuan tunah pawh hian ka na lo deuh tur, mahse vawi 1 ka hmangaih thu ka sawi chhuak a, chuti chung chuan min kalsan a ni....
Hmun nuam takah hruaiin a la kal ngailohna hmunah kalpui ka duh a, a duhzawng engkim tiin hlim tak a awmtir ka duh a, a nui hmel te kha hmuh leh ka chak....
"Koo" tiin min koh anga ka mal chungah thuin min kuah bawk anga "Baby" tiin nghet takin ka lo kuah let ve bawk ang...
Tunah chuan thleng ngailo tur suangtuah bak tih theih ka nei tawhlo...
A hlim hmel ka hmuh apiang khan paradise ah ka cheng nimaiin ka hre thin
Ka hmangaih kha a hlim ve ngei ka beisei, hlim kha a phu a ni, a tan engkim ka tihsak theilo a, min hmangaihna vang ringawt pawh khan alakah bat ka ngah tehreng nen, ka rulh let hma hauhin min kalsan ta si....
Hmun nuam takah a awm tawh ngei anga, van atang pawhin min lo thlir ve thin ngei ka ring...
A tan chauh ka la nung a ni, Jeon Taehyung tan chauh a la nung ve ka ni..
Tae in min kalsan atangin kum 3 leh thla 4 na a ni tawh, mahse ka ngaih dan erawh ala ngaireng thung, nun awmze nei a hmang turin min ti a, chuvang chauh a la nung ve trawk trawk ka ni, hmangaih dang nei leh turin i thinlung khar suh min ti erawh kha chu ka hrethiam theilo, ka pawm theilo a ni mah zawk, hmangaih dang neih leh hi ngaihtuah pawh ka ngaihtuah ngailo, ka nun thlak danglamtu a ni a , a sawi ang ngeiin ka mangramah min awmpui ziah thin a, chu chuan ka khawhar lutuk tur ata chu min veng tho si, a bulah awmin ka kuah theilo a, duat takin ka chul thei tawh heklo, ka thlahlel em em a mahse ani chuan rawn kir a tum tawh lo a ani gei ang..
