Dina

2

CHERITA PANDAK
TAJUK: DINA
DIKARANG: ATON ASAN

Jam telefon bemunyi, Dina ngeliat sebedau angkat. Perening iya ke sepiak, nyau ketawa iya tumu pagi. Meda Caca ningkap manah tinduk ba dada apai iya. Enda nemu kemaya seduai menyanak tinduk demalam. Caca ngumba amat ga demalam tak enggai rindang. Engka laban iya baru nemu ningkapka diri, sehari tu Caca masuk 4 bulan. Dina kasihka tudah laki iya lelak gawa. Dua hari beturut tudah Wilson ke on call. Nasib ga sehari tu hari 6 Wilson bisi off kenu. Tang enti bisi orang telefon ngasuh on call nurun mih tudah.

"Will. Will gali ba tilam anak dek nya. Labuh iya lagi maya dek udah jenak, udah ga tegal amat anak dek nya tinduk," ku Dina nempik begadai tandan bau laki iya.

Wilson enchelak, nyau chipit mata tudah labanka agi ngantuk. Begadai iya ngalika Caca ba sepiak, Wilson ngangkatka pala lalu nyium kuyu bini iya.

" Morning sayang," ku Wilson sambil tuchum.

"Nadai nurun ke Sepital nuan lagi? Nyema bisi lAgi anjung ngagai indai ke sepiak ga Caca. Pulai lagi aku ngambi iya," ku Dina, iya udah dedugau ba katil. Baru deka nurun ari katil ngasaika jari Wilson merap iya. Wilson lalu ngalika diri bepanggalka pah Dina. Mua tensamka iya ba perut bini iya.

"Anang baka tu arr, laun aku nurun gawa lagi Will," ku Dina tang jari iya murus buk Wilson ga.

Ermm nya aja saut dinga ari Will. Meraya amat ga ulah laki iya pagi tu. Meda baka nya tempik Dina lengan laki iya. Kepuas siku nya nempik baru Wilson angkat lalu ngalika diri ngerimbai anak iya.

Seduai iya diau ba rumah siwa Dina laban Dina enggai ninggalka bekau niang indai iya. Enda ga entua iya mantah meda semina sepiak aja. Lebuh Dina enggau Wilson sama bela gawa Caca ibun Sedai. Iya enggai ngasuh orang bukai buan uchu iya. Diasika seduai laki bini amat mih Caca nya. Enti ninga uchu iya nyabak ari sepiak berumban Sedai ngambi uchu iya, lalu dibai pulai ngagai bilik ke sepiak kia. Jauh tau dianu ti ke Caca nya. Udah begari Dina ngepam ai susu iya dulu engkah ba butul susu. Laban Caca enggai ngirup susu tepung.

"Sayang," dinga iya nyawa Will nyau rabau ngangauka iya. Malik Dina meda laki iya udah tetegi ba mua pintu pangking merening ngagai Dina. Keketap ati Wilson meda bini iya benung ngepam ai susu. Makin besai buah genuk nya peda Wilson pengudah Dina beranak. Dini ga ati Wilson nyau enda keketap meda. Iya mansang lalu nudukka diri ba bangku sepiak bini iya.

"Nice view," ku Wilson tuchum singit merening bini iya. Nyau mirah mua Dina ninga jaku laki iya.

"Aku ngasuh badu gawa sayang temil ga, agi keran deka gawa. Diau ba rumah aja ku aku sayang, mela tua menyanak aja. Kasih aku meda sayang pagi tumu ga dani, udah ga buntau enti maya Caca enda dapat. Aku kekadang laun pulai gawa, empai agi enti maya aku bisi on call," ku Wilson, jari murus kuyu bini iya. Chukup penyayau iya ke Dina enggau Caca. Nyema ulih iya enggai ngasuh bini enggau anak iya napi penusah agi.

Udah bini iya nurun Wilson nusuka anak iya dulu. Tempik iya begadai belakang mit Caca ambi siku nya teraie. Sebedau ngalika Caca ba tilam disium iya dulu kuyu anak iya. Kebendar iya angkat tadi deka nganjung bini iya nurun gawa. Tang Dina enda ngasuh, enggai nyadi ninggalka Caca kediri pia ku bini iya. Deka ngerak indai iya ke sepiak, meda jam agi tumu ga. Lembau ga Wilson ka ngachau sida ke sepiak. Nya mih iya ngelakka Dina nepan enggau Jenny.

Pengudah Dina tembu pengawa ngelap pam 4, iya lalu nuchi jamban. Jenny ngangkatka pemadam api ngagai endur pam. Dina deka nulung Jenny enda diasuh siku nya. Empai tau nanggung utai berat pia ku Jenny, nya mih tudah Dina diasuh betuchika jamban. Udah tembu nuchi jamban,l Dina deka nyaup Jenny ngelap cheremin kerita orang datai ngisi minyak. Sekali baru nyingkang pansut ari jamban indu, Dina nyau deka telentang laban mozek lichin. Nasib amat bisi orang ngenanka iya ari tegali. Amat kesal ati Dina nyema iya tegali tadi udah ga baru 4 bulan ke beranak. Bepurus dada Dina, iya deka meri terima kasih ngagai orang ti nyambut iya tadi. Lebuh merening mua orang nya Dina tepadam sedu enda tepansutka leka jaku.