شهد العسـل

1

خلف كل هدوء ركامآ من الانهيارات
Behind every calm is a pile of collapses

شهد:اففف ما يصير هيج بنية خرا اني بس اغسل
بهالزوالي وارجع لوره ادري شني انتو من عائلة كلش
شوصخ الواحد تغسل بالزولية وتدردم لان مكعديها
ب 8 تغسل زوالي ٫داده كلنا مثلج٬

عسل:اجت يم شهد وتاكل نستلة شهد خلصي خل
نروح لأم حسين جايبة دشاديش كلش حلوة نويرة
راوتني وحده مشتريتها

شهد رفعت رأسها تباوعلها و وجها كله تايت وصابون
هسه من اكوم وافركج بمكان هاي الغضب هم واحد يگولي ليش كومي منا بنت الأوادم لااسحلج وعلي
ما شايفتني بيمن حايرة تكول خدامة عد الخلفوكم
تصيح وتغلط وكامت شمرت الفرشة بالكاع ونزلت دشداشتها من ملابسها الداخليه ودخلت للمطبخ متخوصرة ومنتجية على الكاونتر كدام امها نبأ

نبأ:باوعتلها وعوجت حلكها ها شهيدان ام السانين شتردين متخوصرة فوك راسي

شهد:الله يسلمج نباوي عيوني ماكو شي بس الخدامة خلصت الزوالي عندج شيء ثاني طياح
حظ خلي يطيح الباقي مني

نبأ:ركعتها بالكلاص النايلون طبي جوة لابارك الله
بيج من بنية اكو وحدة هيج تحاجي امها

عسل:وهي توكف بصف شهد تحضن ايدها وتحجي
بهدوء ونعومة يمة شبيج وي شهيدان ترا تعبت اليوم

نبأ:امم اتصفن سوة شهد العسل

ــــــــــــــــــــــــــــــــــــــــــــــــــــــــــــــــــــــ

أبو صدام:تغريد كومي حبيبي كعديلي أبنج خل اشوف شنو سالفته وشعده امس متعارك وي حسن

تغريد:صار يروحي هسه اصيحه كامت تغريد صعدت لغرفة صدام دخلت الغرفة ضلمه وباردة حيل تقربت من الجرباية وهزته على كيف يمة صدام يمة اكعد ابوك يريدك

صدام:غطه وجه وحجه بصوته الغليظ النعسان هسه اكوم يمة بس اسبح وانزل وراج

تغريد:يلة يمة نازلة لاتتأخر نزلت لجوة كعد صدام سبح وصله ولبس ملابس رسمية ونزل لجوة لكه اهله مجتمعين
صدام:صباح العافيه يابة باس راس ابوه و امه وكعد بصفها خير يابة كالت امي رايدني

أبو صدام:أي بوية امس شعدك وي حسن شصاير بينكم ليش متعاركين لدرجة واصله العركة للسان
جعفر الفتان
صدام:يابة ماكو شي مثل كل مرة سالفة بيني وبين
عضيدي ماكو داعي احد يدخل بينه وجعفر الفتان
خلي عليه اني ادبره وهسه كام وعدل سترته اريد
اطلع عندي شغل اودعناكم
أبو صدام وتغريد:الله وياك وليدي

صدام:شغل سيارته حتى يحمى المحرك طلع تلفونه
من جيبه واتصل بحسن بهالاثناء شعل جكارة ودخنها
بعد ثواني اجاه رد حسن بدون ولا حرف هسه تلبس
ملابسك ونلتقي بمكانه عدنه سالفة نخلصه