أحَن مَرة لهلِي وُ مَرات أحَن ليَك .
نبأ:يلا ولجن يمة استعجلن بيت عمجن على جيه
وماريد سليمة تحجي لو تعلق على شغلة
شهد:تكنس الصالة ودردم لاهلة ولا مرحبا كل يوم وثاني طافرين عدنه شكو من كثر محبتهم النه كش
منهم حتى كش
عسل:تضحك وتنكث بالمخاد وترتبهن على الجلسة
الموجودة بالصالة اكلج يوم شنو غدانه ترا جعت حيل وجاي اشتم ريحه طيبة تقدمت ودخلت للمطبخ
وكفت وره نبأ
نبأ:حبيبة مسوية فاصوليا وتمن شعرية علي ضلوع
دارت وجها تباوع لعسولة الي بقت تصفك وتضحك
عسل:فديتج ماما حبيبي اموت عالفاصوليا باست خد امها وحضنتها
شهد:حجت وهي تذب المكناسة بمكانها وتطلع كلاصات العصير ترتب بيهن وانتي شنو الي ما تحبي اشو تعلفين اربع وعشرين ساعة بسج بعرض الباب
صرتي
نبأ:وهي تخزر شهد انجبي ولج شتردين منها ماكله
بفلوسج جرت عسل من ايدها وطلعن من المطبخ
بعد ربـع سـاعـة أو اكـثـر..
نبأ:لبست حجابها وطلعت تستقبل بيت أبو سعد
أخو زوجها حياكم الله خوية تفضلوا وكفت باب
المطبخ ومدت ايدها تسلم على أبو سعد حماها
شلونك خوية
أبو سعد:باوع الها مبتسم بحنية ولطف وحط ايده
بيدها هلا بيج خوية حجه ودخل للأستقبال
نبأ:باوعت لسليمة مرت أبو سعد هلا داده تفضلي
سليمة:عوجت حلكها وحجت بضوجة هلا بيج عيني
نباوي رفعت عباتها ودخلت جوة نبأ استغفرت ربها ودخلت وراها للأستقبال
نبأ:حي الله من زارنه خوية شلونكم شلونه سعد
و زهاوي شو ماجايين وياكم
أبو سعد:والله ياخوية تدرين سعد بالجيش و زهاوي
تدرس سادس وماتلحك
سليمة:أي بنيتي كبرت وصارت عروس وماتركت دراستها ومستقبلها مثل باقي البناويت حجت بطريقة غريبة ومو راحه وتباوع صفح بهالاثناء دخلن للأستقبال شهد وعسل سلمن توجهت عسل لحضن عمها ورتمت عليه لان حيل تحبه وهو حنين عليها بس شهد بقت واكفه بمكانها
عسل:عمو حبيبي مشتاقتلك حيل تحجي وتبوس
بخدوده وحنجه وحاضنه خصره
أبو سعد:ضحك وباس رأسها بعمق وحنية هلا بعسلي هلا بريحه الغالي شلونج بوية شخبارج يمسح على خدها بأيده الخشنة والتفت على شهد باوعلها وأبتسم ها بوية شلونج شهودة
شهد:ابتسمت بهدوء وحجت هلا بيك عمي اني الحمدلله بخير اذا أنتة طيب وبخير تقربت عليه وباست رأسه ورجعت التفتت على سليمة
شهد:شلونج عمممههه سليمة شخبارج حجت وجرت كلمة عمه جر لان سليمة ماتحب كلمة عمه وتضوج منها حيل 😂
سليمة:اني مو كتلج ماحب كلمة عمه لزكتي بيها صيحيلي سليمة أو ام سعد مو عمه
شهد:عممممههه سليمه اشو عاجبني اكولج عمه وبعدين تصغرين بروحج عمه لو شنو همزين تزوجتي وانتي ب 35 استغفرالله لفت حجابها عدل نورتونا عمو ضحكت ومشت للمطبخ ولحكتها عسل
أنت تقرأ
شهد العسـل
Mystery / Thrillerرسمتَك بالوجَه بسَمة، من ساعتَها ما راحتَ بسمتَي يجي الليِل وتجَي أخبارکَ من كثَرهم ملتَ مني حتَى وسَادتي .
