يِالسمَر أنجَمع كل جَمال الدنيِا بخَدودگ .
ساعة 2 الضهر...
شهد:كاعدة أعجن علمود أخبز مخبزنا معزل صارلة يومين عندهم فاتحه ومابية حيل اروح للمخبز الي ورانة لان شمس قوية
خلصت غطيت العجين حته يختمر وكمت اجهز تنور
عسل نايمة مريضة وتعبانة من دراسة ماريد اكعدها
وأمي طلعت عندها واجبه جيرانة عرس أبنها وطلعت تسلم عليهم
فطيمة وبنين راحن لبيتهن وبقيت وحدي كعدت بالصالة صافنه على الحديقة الي كبال صالة ضوجه تذكرت الولد الي صادفته بالمول صح غثيث بس حلوو أبتسمت وبدون شعور بديت العب بأطراف شعري
شني يووه شبية خل اكوم احسن كمت شفت العجينه بعدهي كعدت اسوي كيك من ضوجتي سويت ثلاث كيكات
كملتهن كمت خبزت الله شحلاته ريحة الخبز ترد الروح كملت الخبز صفطتهن وشلتهن لفيتهن بجرجف كطن حتى يبقن لينات وما يبسن....
اجت امي وكعدت عسولة حطيت كيك وعصير وكعدنا برا بالحديقة ناكل وأساعد عسولة بالدراسة هسه تكولون ليش عسل تدرس وانتي لا مو انتن توأم؟ أني بطلت من المدرسة علمود امي لان ماتكدر وحدها للبيت وخليت عسولة بالمدرسة
عالاقل وحدة من عندنا تطلع ناجحه والها مستقبل🌿
ـــــــــــــــــــــــــــــــــــــــــــــــــــــــــــــــــــــــــــــــ
فطيمة:كاعدة العصر بالطارمة وعبوسي يلعب كدامي وبنين تسبح وأمي تقرأ قرأن بالطابق الثاني ندك الباب كمت حتى افتحه لبست حجابي وفتحته
وياريت ما فتحته وشفته هو!..الي كسرني وباعني وتخلى عني واكف بطولة الي يسلب أنفاسي أباوع له وعيوني جمر بيها من دموعي تريد تطيح ليش شعندك رجعت مو گلبي لملمته وخيطته ليش فتحته من جديد
فطيمة:حجيت بغصه ونبرة ترجف ض..ضرغام
ضرغام:أبتسم وي طيحت دموعه..يبجي؟ أي يبجي على حبه الي هدمه بأيدة على أبنه الي ربة سنتين بعيد عنه على بنية گلبة الي هدمها بأيدة وكسرها
ضرغام:أي ضرغام ضرغام يحبيبتي ضرغام رجع ويريدج ويريد أبنه يريدج ترجعين لحضنه وترجعيله روحه وحياته الي فقدها من بعدج
فطيمة:بجت بكل وجع وحرگة گلب وطبكت الباب بوجه طاحت بالكاع رجليها بعد ما تحملها تقربت عليها ابنها عباس وصار يبجي وياها حضنته لصدرها
وزادت باالبواجي صعب تشوف الي تخلى عنك يرجع بكل سهولة يريدك صعب الي سواه مو قليل شلون ينسى كسرك و وجعك مافكر برجعته راح تنفتح مواجع حاربت حتى ادفنها مافكر بردك شنو راح يكون؟
ليش مافكر بكل هذا ورجع بسهولة
كامت بحيل مهدود وشالت عباس لحضنها دخلت جوة لغرفتها كعدت بالكاع وبقت صافنه تفكر بشنو يريد منها وليش رجع
أنت تقرأ
شهد العسـل
Mystery / Thrillerرسمتَك بالوجَه بسَمة، من ساعتَها ما راحتَ بسمتَي يجي الليِل وتجَي أخبارکَ من كثَرهم ملتَ مني حتَى وسَادتي .
